Deputadu FRETILIN beikteen moe laiha, diak liu rezigna aan

.

Foto, Facebook

Oan Kiak

Deputadu Manuel Castro hosi partidu FRETILIN  husu ba Maun Taur no Maun Lere hodi rezigna aan tanba rona katak ita nia maun boot nain rua harii partidu ida.

Tuir hau nia hanoin Maun Taur no Maun Lere la harii partidu nein ida, ema seluk mak harii partidu PLP no partidu ida ne'e mak sei fo'o suporta ba Maun Taur no Maun Lere karik sira kandidata sira nia aan. 

Lei la bandu partidu ida fo'o apoiu ba kandidatu prezidensial ka kandidatu primeiru-ministru. Tuir lolos Maun Taur atu sai PM tenki iha duni partidu politiku iha Maun nia kotuk, deputadu Manuel Castro ema beikteen no nia tauk katak PLP sei hakoi partidu FRETILIN no aban bainrua ema traidor ba filosofia FRETILIN hanesan nia rasik sei lakon kadeira no ba halo toos no natar.

Karik Maun Taur no Maun Lere la rezigna sira nia aan, saida mak deputadu FRETILIN beikteen no traidor sira ba halo? Hasai rezolusaun ida hodi kaptura Maun boot nain rua? Imi FRETILIN 2000 halo moe de'it partidu istoriku ida ne'e. Deputadu FRETILIN nian tur iha Uma Fukun nunka defende povu nia intrese, sira defende mak sira nia intrese rasik no sira nia patraun rasik.

Manuel Castro moe laiha beikteen, tanba sa mak señor la kestiona 'faru' tolu itabot nia patraun Alkatiri hatais? Ita nia patraun hatais faru deputadu bainhira hakarak osan ba ZEESM no ba PN, sai PN troka fali faru no hatais fali seluk, sekretariu jeral FRETILIN nian no uainhira baruk ona, nia sai aviaun ho faru foun, ZEESM nian. Ida ne'e deputadu Castro  la haree no la husu ba Alkatiri rezigna aan hosi ninia knaar balun. Tanba sa? 

Deputadu FRETILIN sira tur la metin ona, toba la dukur ona karik tanba sira hatene katak uainhira Maun Taur no Maun Lere kandidata aan laiha tan fatin ba ema opurtunista que ohin tabele ba partidu istoriku FRETILIN. 

Se mak deputadu beikteen ida ne'e hodi dehan ba ita nia aman rua que funu tinan 24 hodi rezigna aan husi sira nia servisu fatin? Deputadu Manuel Castro ema maupagador, beikteen no moe laiha liu. Ohin loron imi tur no koalia hasoru ita nia luta nain sira hanesa imi mak funu, imi mak hamutuk ho povu hodi funu hasoru indoneziu sira? 

Manuel Castro mak tenki rezigna aan tanba deputadu sira iha bankada FRETILIN ohin loron tur iha Uma Fukun no haluha katak sira iha obrigasaun  hodi hadia povu nia moris,la'os tur hodi halo tempu ba hatama iha sira nia bolsu pensaun vitalisia, FRETILIN rasik mak halo lei kriminozu ida ne'e no ohin loron sira koalia hasoru pensaun vitalisia hanesa lao'os sira mak hamutuk ho Alkatiri no Maun Lu mak inventa lei ida ne'e hodi hariku sira nia aan rasik.
.

Diak liu deputadu Castro rezigna aan  no keta halo moe liu tan partidu FRETILIN, imi iha 2017 mak povu fo'o imi nia masin, karik tanba imi hatene imi ba lakon mak imi tauk Maun Taur no Maun Lere harii partido foun ida. Deputadu beikteen moe laiha halo de'it  ita moe.

Deputadu FRETILIN ohin loron kakutak nakonu ho traisaun, gasta povu nia osan arbiru de'it no hariku sira nia aan, sira hamoe militanti rihun ba rihun que mate hodi defende partidu FRETILIN nia pozisaun. 

FRETILIN nia matebian sira se babeur imi hotu, hau se fiar ida ne'e. Justisa se manan no Maun Taur se manan hodi imi hotu ba deskansa iha uma ka halo imi nia toos no natar. Imi la serve  ba halo buat seluk, satan sai deputadu hodi reprezenta povu doben ida ne'e.

.