CNRT lansa buletin HAKLAKEN

.

Jornal Nacional Diário - 04 de novembro de 2015

Sekretariu Jeral Partidu Congresu Nasional Rekonstrusaun Timorense (CNRT), Dionisio da C. Soares Babo Prezidente Klibur Profesional (KP), Miguel Marques Manetelo, Sabadu (31/10/2015), lansa boletin HAKLAKEN hodi komemora mos aniversariu ba dalima Klibur Profesional CNRT.

Prezidente KP-CNRT, Miguel Marques Menetelo, hateten katak, festeza ba niversariu KP-CNRT nian ne’e atu halo refrelasaun ba serbisu sira ne’ebe KP halo hahu kedas husi KP nia hari’I to’o ohin loron.

“Ho mandatu foun ne’ebe ami hetan ami buka atu lori fila fali KP ba ninia natureza katak KP tenke sai hanesan kakutak partidu nian hodi dezenvolve programa para konkribui ba partidu, li-liu ba hasoru eleisaun jeral iha tinan 2017,” hateten Miguel Manitelo.

Nia fiar katak, bulletin HAKLAKEN kontinua ejiste nafatin hodi bele fo sai notisia ka informasaun ne’ebe semi sientifiku katak halo analiza rezultadu peskija sira hodi nune’e la’os deit ema partido nian maka bele le mas ema sira ne’ebe simpatijantes ka ema ne’ebe husi partidu seluk mos bele gosta le notisia sira be’ebe hakerek iha buletin ne’e.

Atual vice Ministru Solidariedade Sosial (MSS) ne’e haktuir tan, notisias ne’ebe mak divulga iha Buletin HAKLAKEN iha relasaun mos ho dezenvolvimentu, tanba iha primeiru edisaun mai ho topiku ida katak Lideransa Pos Kayrala Xanana Gusmão, nune’e mos ema sira ne’ebe mak koalia iha buletin ne’e la’os deit mai husi partidu CNRT maibe figura balun husi partidu seluk.

“Ita hatene katak informasaun ho komunikasaun ne’e iha funu ida sira nunka manan funu, mais iha funu ida ne’ebe maka bele manan kuandu la iha komunikasaun ho informasaun sira ne’e, tanba ne’e maka partidu hanesan ogranizasaun li-liu organizasaun politika nia hakarak fo sai ninia programa no ninia hanoin ba populasaun sira para ema seluk kuandu gosta ho programa partidu nian sira bele hakarak atu partisipa iha partidu ne’e. Se lae ita hein tinan lima ba kampanha mak foin hateten sai programa partidu nian, mais liu husi media espera katak partidu ho nia militantes sira bele fo sira nia hanoin analize sira ne’ebe diak hodi eleitores sira le sente katak programa diak,” afirma Miguel Manitelo.

Eis Sekretario Estado Joventude no Desportu ne’e dehan katak, bolutin HAKLAKEN la’os halo propaganda politika ou halo ajitasaun, mas media nia funsaun ida maka oinsa atrai ema atu tuir, li-liu haree iha portidu politiku nia laran konserteza hakarak buka mos atrai ema para atu tuir partidu CNRT.

Iha fatin hanesan Sekretario Jeral Partidu CNRT, Dionisio da C. Soares Babo, fo parabens ba estrutura KP-CNRT ne’ebe mak selebra aniversario.

“Hau hodi prezidenti partidu, Kayrala Xanana Gusmão nia naran hato’o parabens ba estrutura tomak KP-CNRT nian, liu husi eniversario ne’e mos lansa mehi ida ne’ebe ita hotu hakarak atu halo Buletin ida iha karater semi cientifiku ho objetivo ne’ebe los,” dehan Dionisio Babo.

Iha seremonia ne’e KP-CNRT konvida mos orador husi Media espesialmente husi Asosiasaun Jornalista Timor-Leste (AJTL) kompostu husi Prezidente AJTL, Tito Filipe no mos orador nain rua seluk.

Seremonia aniversario ne’e lamarka prezensa husi Prezidente Partidu CNRT nian rasik, tanba okupadu, maibe hetan partisipasaun masimu husi militates partidu nian, tantu iha kapital nasional ho munisipiu. mia

.