Semana mai, Timor Hau Nian Doben nia Facebook sei troka ba "Fan Page" tanba ami nia belun loron-loron aumenta no ami besik 5000 ona, no depois ami sei labele simu ema tan tanba Facebook la husik.
Bainhira ami troka ba "fan page", Facebook sei lori automatikamente ami nia belun hotu ba "fan page" foun, ne'ebe ami husu deskulpa karik ema balun lakohi sai "fan" maibe laiha buat ida, imi bele sai (husik) hanesan "fan" iha blog nia pajina foun.
Ami ba lakon kontaktu diretu ke ami iha ho ema barak, hanesan labele "chat" ona ho ema, ami sei lakon ami nia mensajen hotu nomos ami nia publikasaun sira, maibe ami "download" ona ami nia "data" hotu.
Tinan barak ke hau (Zizi Pedruco) loron-loron koalia ho ema balun no ema balun mos haruka mensajen ka artigu hodi ami publika, hau sei hanoin katak hau sei hakarak iha kontaktu diretu ho ema balun, ne' ebe hau sei husu ba imi sai hau nia belun iha hau nia Facebook profile ida, Zizi Linda - Maria do Rosário Pedruco.
Ema balun uza hau nia naran, Maria do Rosário Pedruco, iha Facebook hodi lohi leitor sira katak hau nia pajina iha Facebook, maibe la loos ida. Dala ida tan, hau nia pajina iha Facebook mak ida ne'e deit, seluk laos hau nian.
Hau sei la simu ema hotu, tanba ema balun hau la konhese diretamente tanba pajina ida ne'e hau simu deit ema ho naran loos ka bele iha naran "falsu" ;) maibe hau hatene se mak nain ba Facebook ida ne'e. Ema ke hau nunka kontakta ka hau la hatene se, hau la simu. Hau husu deskulpa, maibe mak nee de'it.
"Fan page" mos ideia ida ke diak liu ba ami, tanba ami sei hetan estatistikas nomos bele servisu diak liu tan hodi halo ami-ita nian blogue sai diak liu tan ba leitor sira.
Ami hein katak imi hotu sei kontinua tuir Timor Hau Nian Doben bainhira ami troka ba "fan page".
Obrigada barak ba imi hotu.
Zizi Pedruco
.
Sem comentários:
Enviar um comentário
Nota: só um membro deste blogue pode publicar um comentário.