Sosa Kama Ba Hospital, Madalena Konvida Emilia-Warren Han Hamutuk

.

Suara Timor Lorosae - 28 de outubro de 2015

DILI-Arguida Madalena Hanjam iha 2011 konvida arguida Emilia Pires ho nia kaben Warren Macleod, nudar nain ba kompania Macs Metal Craft’s han meudia hamutuk iha nia uma Halilaran.

Iha audensia julgamentu sasin Getrudis Maia hatete, iha tinan 2011 too 2012 nia hanesan assisten privadu ba vice ministra Madalena Hanjam. Iha 2011 nee nia akompania arguida Madalena han meudia iha eis vice ministra nee nia uma Halilaran,Balide. Maibe kona ba data no fulan mak nia parte la lembra ona. I han meudia nee vice ministra neemak haruka sira ba han.

Hanesan assisten hau sempre akompania vice ministra kuandu bainhira nia presija hau. Neebe iha 2011 nee hau ho gabineti ministra nian konsentra hotu iha vice Madalena nia uma. Nunee mos arguida Emilia ho nia kaben hamutuk ho nia eskoltu sira mai han meudia hamutuk ho ami, neebe momentu nee hau duni mak ba hasoru ministra Emilia ho nia kaben iha nia uma Bairo Grilhos,”dehan nia ba tribunal, Kuarta (28/10/2015).

Ba tribunal nia hatete, durante han meudia hamutuk nee nia parte la rona no la hatene saida mak eis membru governu nain rua nee koalia. Tanba depois han hamutuk, sira la tur hamutuk ona ho arguida sira. Neebe nia parte la hatene kona ba saida mak sira koalia iha tempu neeba.

Prosesu Emilia ho nia kaben mai iha arguida Madalena nia uma, nia parte ho kondutor Madalena nian mak hasoru Emilia iha nia uma Bairo Grilhos. Wainhira too iha Emilia nia uma, arguida nee seidauk fila husi servisu neemak sira hein deit iha liur. Depois fila servisu mak Emilia ho nia kaben mos sai husi uma mai hamutuk ho sira ba Madalena nia uma. Sai husi Emilia nia uma, nia mak lao uluk hodi Emilia sira tuir husi kotuk. Too iha Madalena nia uma, nia mak simu duni bainaka sira nee tama ba uma laran hodi almoco. Iha almoco nee kala hamutuk ema nain 15 mak konsentra iha arguida Madalena nia uma neebe involve mos diretor sira, maibe nia so lembra deit mak diretor rekursu humanu MS nian Duarte Ximenes.

Han meudia hamutuk iha arguida Madalena nia uma nee tanba arguida nee rasik mak haruka. Kona ba pagamentu ba restorante rua nee nia parte la hatene, tanba depois han hotu tiha sira ho arguida hamrik fila kedas.

Audensia nee prezide husi juis kolektivu Jose Maria de Araujo, Fransisca Cabral no Maria Solana Fernandes. Reprejenta ministeriu publiku prokuradora Angelina Saldanha, Lidia Soares no Jasinto Babo. No arguida Madalena Hanjam hetan asistensia legal husi advogadu privadu Jose Guteres, Nunu Morais Sarmos no Rui Costa Fereira. Entertantu arguida Emilia Pires hetan asistensia legal husi ekipa advogadu privadu internasional ho nasional Pedro Camoes.  Domingas Gomes

.

Primeiro avião de Timor-Leste, um Twin Otter 400, aterra em Díli

.

Foto, Facebook

Díli, 28 out (Lusa) - O primeiro avião comercial de Timor-Leste, um Twin Otter 400 para 19 passageiros e que representa um investimento de cerca de sete milhões de dólares, aterrou hoje na cidade de Díli, depois de uma longa viagem desde o Canadá.

As principais individualidades timorenses estiveram no Aeroporto Presidente Nicolau Lobato, em Díli para receber o avião, adquirido pela Autoridade da Região Administrativa da Zona Especial de Economia Social de Mercado (ZEESM).

O avião, que vai ser pilotado por quatro pilotos timorenses que receberam formação no Canada, permitirá ligações com o enclave de Oecusse e a ilha de Ataúro, numa primeira fase e, progressivamente, com outras cidades de Timor-Leste, quando as pistas estiverem em condições.

Para chegar a Díli o avião teve já um primeiro 'batismo de voo' até Timor-Leste, com uma viagem de 15 horas do Canadá para Honololu, de 12 horas até Port Moresby (Papua Nova Guiné) e mais 10 horas até Díli.

Mari Alkatiri, responsável da ZEESM disse à Lusa que fomentar as ligações marítimas e aéreas é vital para um país com as características de Timor-Leste.

"Usar a comunicação pela via área num país que é uma meia ilha é algo de suma importância. A nossa economia não se deve limitar à economia doméstica. Temos que atrair investidores e a aviação facilita isso", afirmou.

Questionado sobre as críticas ao custo do avião, Alkatiri disse que há sempre opções mais baratas, mas que neste caso se optou por "algo de maior resistência e melhor para o terreno" timorense.

O primeiro-ministro, Rui Maria de Araújo, afirmou à Lusa que o Governo tem que investir mais na sua rede de transportes, um processo progressivo que já está em curso.

"Como ilha que somos vamos ter que explorar o máximo possível a nossa condição de ilha e facilitar os transportes nesse sentido. Um exemplo concreto: a viagem da costa norte para a costa sul leva 4 a 5 horas", disse.

"Se os transportes aéreos e marítimos vierem a ser otimizados essa duração pode ser menor e facilitar a deslocação dos bens e serviços e das pessoas também", sublinhou.

Para 2016, o Governo manterá o investimento em Oecusse, estando previsto um orçamento em torno dos 200 milhões de dólares (180 milhões de euros), "para haver continuidade" do projeto, estando a estudar-se investimentos noutras zonas do país, com um processo "faseado nos próximos 15 anos".

Na cerimónia, Rui Araújo disse que esta é uma "aposta visionária" que se enquadra na estratégia de desenvolvimento, permitindo ligar como nunca as populações de Timor-Leste.

"Até agora para chegar a Oecusse era como ir visitar um outro quarto da nossa casa e termos que passar pela casa do vizinho", afirmou.

Mari Alkatiri explicou que com o novo avião a viagem a Oecusse torna-se ainda mais fácil, juntando-se aos meios marítimos já existentes e em fase de construção, entre os quais um novo ferry que está a ser fabricado em Portugal e um novo navio rápido já a funcionar.

"É o primeiro avião de Timor-Leste. Nosso. Sem ser alugado", disse.

A Presidência da República timorense foi a primeira instituição a recorrer ao avião, tendo já marcado 15 lugares para uma visita em breve a Oecusse.

A viagem até Oecusse deverá demorar cerca de 40 minutos.

ASP // VM

Lusa/Fim
.

Tribunál fó ona kastigu ba eis-sekretáriu Estadu ho pena prizaun tinan 12

.

Lusa - 28 de outubro de 2015

Tribunál Distritál Suai, ne’ebé ho kilómetru 180 hosi kapitál Timor-Leste, kondena ona eis-sekretáriu Estadu Obras Públikas, Domingos Caeiro ho pena prizaun tinan 12, tanba halo krimi ekonómika haat.

Iha duni sentensa ne’ebé fó sai ohin hosi imprensa katak, kondena mos eis-kordenadór rejionál hosi Obras Públikas nian iha Maliana, José Augusto, ho pena prizaun tinan 10, tanba hamosu iregularidade ba iha projetu estrada ne’ebé hala’o iha rejiaun refere.

Bele hatama rekursu ba Tribunál Rekursu, iha Dili, relasiona ho desizaun hosi juiz koletivu nian, tuir saida maka fó sai ba jornalista sira.

Domingos Caeiro, ne’ebé halo parte iha IV Governu Konstitusionál, no lidera hosi Xanana Gusmão, simu kastigu tanba krimi abuzu poder, administrasaun danoza, hafalsu dokumentu no halo partisipasaun ekonómika iha negósiu.

Tinan ne’e, membru ezekutivu dahuluk ne’ebé simu kastigu iha Timor-Leste, maka eis-ministra Justisa, Lúcia Lobato (hosi IV Governu), ho pena prizaun tinan lima, iha 2012.

Iha fulan jullu tinan ne’e, kondena ona eis-ministru Edukasaun, João Câncio Freitas, ho pena prizaun tinan hitu no restrisaun dolár rihun 500 tanba halo parte iha krimi ekonómika, bainhira atu kria projetu Televizaun Edukasaun.

Prosesu ne’e envolve mos eis-diretór jerál hosi Ministériu Edukasaun, Tarcisio do Carmo, ne’ebé simu sentensa ba pena prizaun tinan tolu ho balun no ho restrisaun dolár rihun 200.

Desde inisiu fulan outubru halo ona julgamentu ba eis-ministra Finansa, Emília Pires no ba eis-visi-ministra Saúde Madalena Hanjam, tanba akuza sira halo krimi partisipasaun ekonómika iha negósiu no administrasaun danoza.

Pires ho Hanjam, hetan akuzasaun tanba deskunfia hamosu iregularidade durante prosesu sosa kama atus ida resin ba moras sira ho kontratu adjudikadu ba empreza hosi eis-ministra Finansa ninia laen, ho supostu entre sira-na’in tolu ho valór dolár rihun 800 (besik euros rihun 720).

Responsável hosi Komisaun Anti-Korupsaun (CAC), esplika katak kazu 30 hosi 100 ne’ebé investiga ona, relasiona ho membru hosi IV no V Governu konstitusionál ka ezekutivu uluk nian.

.

Tribunal condena ex-secretário de Estado timorense a 12 anos de cadeia

.

Lusa - 28 de outubro de 2015

O Tribunal Distrital de Suai, a 180 quilómetros sudoeste da capital de Timor-Leste, condenou o ex-secretário de Estado das Obras Públicas Domingos Caeiro a uma pena de 12 anos de prisão por quatro crimes económicos.

Na mesma sentença, divulgada hoje pela imprensa timorense, foi ainda condenado o ex-coordenador regional de Obras Públicas em Maliana, José Augusto, a uma pena de 10 anos de cadeia, por irregularidades em projetos de estradas nesta região do país.

A decisão do coletivo de juízes é passível de recurso para o Tribunal de Recurs, em Díli, foi confirmada aos jornalistas. Domingos Caeiro, que integrou o IV Governo constitucional, liderado por Xanana Gusmão, foi condenado pelos crimes de abuso de poder, administração danosa, falsificação documental e participação económica em negócio.

Este não é o primeiro membro de um executivo a ser condenado em Timor-Leste, tendo a anterior ministra da Justiça (também do IV Governo), sido condenada a cinco anos de cadeia em 2012.

Já este ano, em julho, foi condenado o ex-ministro da Educação, João Câncio Freitas, a uma pena de sete anos de cadeia e à restituição de 500 mil dólares pela sua participação económica na criação do projeto da Televisão da Educação.

Esse processo envolveu ainda o ex-diretor-geral do Ministério da Educação, Tarcisio do Carmo, condenado a uma pena de prisão de três anos e meio e à restituição de 200 mil dólares.

A decorrer desde o início de outubro está o julgamento da ex-ministra das Finanças Emília Pires e da ex-vice-ministra da Saúde Madalena Hanjam que são acusadas da prática de crimes de participação económica em negócio e administração danosa.

Pires e Hanjam são acusadas de alegadas irregularidades na compra de centenas de camas hospitalares em contratos adjudicados à empresa do marido da ex-ministra das Finanças, com um suposto conluio entre os três para a concretização do negócio, no valor de 800 mil dólares (cerca de 720 mil euros).

Responsáveis da Comissão Anti-Corrupção (CAC) timorense explicaram que cerca de 30 dos quase 100 casos que investigou, dizem respeito a membros dos IV e V Governos constitucionais ou de outros executivos anteriores.

.

Surat ne'ebé ha'u haruka ohin ba Sr. Primeiro-Ministro kona-bá tratamentu moras kankru susun

.

Foto de Paróquia de Laleia - Facebook

Frei Hermano Filipe - Pároco da Paróquia de Laleia - Facebook

Surat (nakloke ba públiku) ne'ebé ha'u haruka ohin ba Sr. Primeiro-Ministro kona-bá tratamentu moras kankru susun:

EXMO. DR. RUI ARAÚJO

Médiku no Primeiro-Ministro da RDTL

Excelência,

Ho haraik-án ha’u atan-brani atu hakerek no inkomoda Ita-Boot, la’ós atu husu saída de’it ba ha’u rasik – tanba «Oan Mane la mai atu ema serbi Nia, maibé atu serbi ema, no atu saran Nia moris atu soi ema hotu» (Mc 10,45), – maibé atu buka empresta ha’u-nia nia lian ba hirak ne’ebé demokrasia seidauk fó lian. Ha’u koalia kona-bá feto-sira ne’ebé moras kankru susun.

Ohin dadeer, ha’u sei servisu hela mesak iha kartóriu parokiál no haree señora ida hakbesik daudaun ha’u-nia knaar fatin. Iha ha’u-nia fuan laran ha’u hatene ona katak nia mai atu dehan katak nia mamã iis hotu. Ha’u loke odamatan no nia la presiza hateten buat ida; nia matan-bén mak koalia. Dª J.X. luta hasoru kankru susun durante tinan ruma nia laran. Ohin mate. Durante tinan ruma nia laran nia buka ema barak nia tulun no ha’u hanoin katak nia hetan duni ema ne’ebé buka tulun nia ho ai-morok tradisiunál no ema profisiunál iha ospitál.

Maibé Sr. Primeiro-Ministro, nu’udar médiku, hatene di’ak liu fali ha’u katak moras kankru susun, iha Timor-Leste, ita bele de’it hamoos infeksaun no hamenus ema nia terus ho análjéziku, maibé kimioterapia no radioterapia, ne’ebé iha susesu natoon iha mundu hodi trata moras kankru, bainhira kankru seidauk da’et ba orgaun sira seluk (metástases), iha Timor-Leste seidauk bele halo tanba tratamento onkolójiku seidauk iha.

Durante fulan sira ikus ne’e, Igreja nafatin iha nia sorin. No maski ohin loron triste, ha’o haksolok hodi haree katak dala hirak ne’ebé ha’u, ka ha’u-nia misiunária-sira ba vizita nia, ami nunka hetan nia mesak! Nia oan no família balun sempre hamutuk ho nia kalan-loron hodi tau matan ba nia, atu nia bele moris nia loron-sira ikus no mate ho dignidade tomak. Maibé Sr. Primeiro-Ministro hatene katak infelizmente ema balun mak moras no mate kuaze mesak no ema barak mosu de’it bainhira ema mate tiha ona no karau tau ona iha meza leten. No ita rasik haree katak karreta metan, ne’ebé lori mate-isin, hala’i iha lurón no kondutór-sira respeita liu fali duke ambulánsia ho ema moris ne’ebé tenke to’o lalais iha ospitál! Buat ruma lalós! Kultura ne’ebé valoriza ema nia moris di’ak! Maibé kultura ne’ebé hatún ema nia dignidade, la’ós kultura, maibé hanesan “matadouro”!

Excelénsia, ha’u la fó sala ba ema ida ka ba instituisaun ida. Maibé, iha tempu ne’ebé Governu diskute hela Orçamento Geral do Estado – desculpa, ha’u ladún hatene se aprova tiha ona ka la’e tanba besik tinan tolu ha’u la loke televisaun – ho haraik-án, atan ha’u hanoin katak tratamento onkolójiku – ba ema moras kankru – mos tenke sai prioridade.

Konkretamente, iha buat ne’ebé refere ba kankru susun, ita hatene katak dala ruma feto-sira haree hetan fissura ruma iha sira-nia susun maibé moe no tauk, no bainhira infeksaun boot ona mak sira halai ba ai-moruk tradisunál ka ba ospitál.

Sira la sala ida tanbá ema la iha obrigasaun atu hatene buat ne’ebé seidauk aprende ka buat ne’ebé ema seluk seidauk hanorin. Ita, ne’ebé hatene, mak tenke hadia sistema diagnóstiku tambá iha ita-nia rai doben iha ona doutor no enfermeiru barak ho matenek no kapasidade atu halo diagnóstiku, maibé hodi uza meios rudimentares (hanesan apalpasaun); ne’e duni ha’u mos haree ho esperança planu governu nian atu tama uma sai uma vizita famílias; hein katak hosi vizita ne’e bele mosu mos diagnóstiku ba moras oioin hodi trata ho tempu.

Sr. Primeiro-Ministro, tinan kotuk ha’u representa Bispo Baucau nian iha konferénsia ida iha Díli hodi koalia kona-bá Incesto nu’udar problema morál grave. Iha momento ne’ebá, iha ministru-sira balun no autoridades bar-barak nia oin – atan ha’u ne’ebé toman hela de’it iha sukaer-laran – dehan katak enkuanto ita la hadomi no respeita ema, liuliu ema moras no vítima-sira, hanesan ita respeita no halo kontinénsia ba bandeira nasiunál RDTL, entaun ita seidauk kompreende loloos bandeira Timor ne’e katak sá!

Sr. Primeiru-Ministru, juramentu Hipócrates nian, ne’ebé Ita-Boot halo nu’udar doutor, ba ha’u folin liu fali duke juramento nu’udar Primeiro-Ministro, no Ita-Boot ne’ebé matenek no sensível liu kompreende tansá. Ema ne’ebé halai ba matebian-sira nia uma tanba de’it atu han naan karau sira labele kompreende, maibé Dr. Rui Araújo kompreende buat ne’ebé ha’u koalia.

Orsida, tuku 8,00 kalan, ha’u sei selebra Eukaristia iha uma ne’ebé ema tau matan ba Dª J.X. durante fulan-sira ne’e no ha’u sei hanoin feto-sira hotu iha Timor-Leste ne’ebé moras kankru susun. Sira balun hatene katak moras, balun la hatene; maibé buat ne’ebé sira hotu hatene mak sira seidauk bele hetan tratamento ba sira-nia moras ne’e iha sira-nia nasaun rasik. Inan sira-ne’e moras kankru susun, susun ne’ebé habosu kosok-oan sira ho susu-bén, susun ne’ebé loron ida habosu ita hotu, ne’ebé ohin iha ne’e, hamrrik no goza moris. Susu ne’ebé, em certo sentido, mos harii Timor-Leste! Ita hakarak dezenvolve Timor hodi haluha buat ne’ebé importante liu, entaun dezenvolvimentu ne’e ba sé lós!? Feto-sira ho kankru susun mos tenke sai ita-nia bandeira! Enkuntu ita halo kontinensia ba hena ida maibé trata hanesan ne’e ita-nia inan-sira, deskulpe Sr. Primeiru-Ministru, maibé ita desrespeita fali ita-nia bandeira, tanba ita-nia bandeira no rai doben harii hosi ema nia luta no Fé. Ohin, ha’u-nia kontinénsia no orasaun ba bandeira ne’e, ne’ebé toba hela ona ba nafatin, ita hein, iha Aman Maromak nia Futar Oin!

Obrigadu ba Ita-Boot nia atensaun no simu karik surat ne’e, bele reza iha komuñaun ho ami, ohin, tuku 8,00 kalan no, karik, bele mos halo kontinénsia ba bandeira ne’e. Ita-nia inan-sira hotu!

Ho respeitu no domin, no hodi husu Na’i Feto Rozáriu Laleia nia harohan da’et ba Ita-Boot,

Laleia, 24 outubru 2015

Frei Hermano Filipe

Pároco da Paróquia de Laleia

.

Partidu timoroan sira sei presiza asinatura rihun 20 hodi bele inskreve

.

SAPO TL ho Lusa - 28 de outubro de 2015

Parlamentu Nasionál horisehik aprova alterasaun lei partidu sira ne’ebé obriga ho forsa polítika foun atu iha pelumenus asinatutra rihun 20 hodi bele inskreve, liu dala 13 duké uluk.

Aleinde aumenta númeru asinatura ne’ebé presiza atu partidu polítiku ida bele inskreve – sira ne’ebé liu hosi 1.500 ba rihun 20 – ne’e hanesan mós ho ezije atu munisípiu ida hosi 13 pelumenus iha asinatura rihun ida.

Rekorda katak, to’o oras ne’e, lei define de’it katak signatáriu sira "proporsionalmente tenke distribui iha nasaun".

"Inskrisaun partidu polítiku ida nian rekere, pelumenus, sidadaun rihun 20, mak inskreve iha resenseamentu eleitorál, iha gozu totál ba sira-nia direitu sivíl no polítiku, hosi munisípiu hotu, rekerimentu tenke subskreve hosi, pelumenus, sidadaun ruhun ida mak rejistu iha kada munisípiu", refere lei foun ne’e.

Hirak ne’e mak aspetu signifikativu liu hosi proposta lei ne’ebé altera Lei Partidu sira Timor-Leste nian, mak iha desde jullu 2004.

Proposta lei ne’ebé aprova hosi Governu iha fulan abril, altera totál artigu 11hosi lejislasaun anteriór entre sira ne’e mak artigu 6 kona-ba dirijente partidu polítiku sira-nian, iha ne’ebé elimina tiha rekizitu iha lei orijinál mak uluk permite atu timoroan sira ne’ebé hela iha nasaun "ho nasionalidade orijinária" mak bele ezerse kargu.

Ho alterasaun ne’e dirijente polítiku sira tenke "sidadaun timoroan sira ne’ebé iha rezidénsia abituál iha territóriu nasionál" no inskreve iha resenseamentu eleitorál.

Iha artigu 7 habelar informasaun atu partidu sira tenke fornese ba Tribunál Rekursu, iha baze "prinsípiu hosi transparénsia" kona-ba dadus dirijente sira ne’ebé eleitu ba sira-nia órgaun nasionál.

Proibe mós atu partidu polítiku sira "halo koligasaun ida de’it, frente ka movimentu".

Haboot ezijénsia ba reprezentasaun partidu sira nian hodi obriga atu iha "nia sede nasionál iha kapitál Repúblika Demokrátika Timor-Leste, maibé, tenke, estabelese sede munisipál iha munisípiu ida-idak".

Aprova mós alterasaun ba artigu kona-ba finansiamentu partidu sira-nian, hodi bandu doasaun hotu (no la’ós de’it iha numeráriu, tuir lei anteriór) hosi empreza públika sira, sosiedade sira ho kapitál eskluzivu ka maioritariamente hosi Estadu no empreza konsesionária hosi servisu públiku.

Rekorda mós katak partidu sira la bele simu doasaun hosi "ema koletiva hosi utilidade públika ka sira ne’ebé dedika ba atividade benefisénsia ka ba relijiozu", hosi asosiasaun profisionál, sindikál ka patronál", hosi fundasaun ka "Governu ka ema koletiva estranjeira".

Alterasaun tam iha vigór hafoin publikasaun proposta lei iha Jornál Repúblika.

.

Komprimisiu Alkatiri Hafraku Povu Oecusse Nia Fiar

.

Suara Timor Lorosae

DILI- Komprimisiu Prezidente ZEEMS hafaraku povu Oecuse nia fiar, tamba povu sira neebe nia uma no plantasaun kona alargadu estrada Governu baku rahun hotu too ohin loron povu kontinua hela iha lona okos.

Lia hirak nee hatoo husi Observador Politika Agosto de Fatima Saha, ba STL, iha Liceu, Dili, Tersa (27/10/2015).

Ami triste koandu hare povu afetadu husi Oecusse nia hela iha lona okos, tamba Alkatiri promete ba povu afetadu sira katak povu sira neebe nia uman ka plantasaun kona alargadu Estrada, Aero portu no fontes, ami sei bakurahun no dudu sai hotu, maibe ami sei troka, uma troka uma sasan troka sasan, maibe la tau ba pratika too agora povu kontinua hela iha lonoa okos,” hateten Agosto.

Sira mos lamenta kuandu hare povu nia sasan estraga hotu, maibe konstrusaun sira neebe halao iha Oecusse lao neneik liu, nee hatudu katak governu gasta osan deit ba kostrusaun sira neebe halao iha Oecusse.

Iha parte seluk Diretur Ezekutivu Rede ba Rai Roberto Alexo da Cruz hateten prozetu neebe halao iha Oecusse nee laos ZEEMS nia, maibe nee preparasaun ba eventu 500 anus, maibe ba prozetu ZEEMS nee sei halao iha 2016.  Joao Anibal

.

Timor Oan Uja Pasaporte Rai Seluk Hodi Sai Asesor Internasional

.

Suara Timor Lorosae

DILI-Reprezentante povu iha Uma Fukun Parlamentu Nasional prokupa ho ema Timor oan neebe uja pasaporte rai seluk hodi sai Asesor Internasional iha rai laran.

Vise Presidente Parlamentu Nasional Adriano do Nascimento hatete, hanesan reprezentante povu preokupa tebes ho Timor oan sira neebe uja pasaporte estranjeiru hodi sai Asesor Internasional iha rai laran hanesan Ministeiru Finansas ho Ministeiru sira seluk.

Los duni ita iha Konstituisaun fo dalan ba ita para ita bele iha sidadania ruma, maibee laos ida nee hodi buka fali servisu iha Ministeiru Finansas ho Ministeiru lubun ida, Hau mak nee Governu ida neebe rekruta Timor oan ita koinese malu sa tan balu iha Timor nee durante funu mos iha Timor agora sai fali Internasional nee, nee ita bosok malu ona,” dehan Vise PN Adriano iha sesaun plenaria, Tersa (27/10/2015).

Hahalok hanesan nee tuir Vise PN Adriano katak konspirasaun, tamba Ministru neebe ke simu Timor oan nee hanesan estranjeiru, tan uja pasaporte Portugal ka Australia nian nee mak naran naok nee.

Iha fatin hanesan membru PN husi bankada FRETILIN, Manuel de Castro hatete, Asesor sira tenke hare ona tempu.

Nunee mos Vise bankada CNRT, Domingas da Silva alias Bilou-Mali hatete, koalia poupa osan, lacunas barak mosu desde iha Primeiru Governu Konstitusional too agora. Carmen Ximenes

.

Testemuña sira fó konfirmasaun kona-ba prosedimentu sosa kama hosi eis-ministra na’in rua

.

Sapo.tl ho Lusa

Tribunál Dili, horisehik hala’o hikas julgamentu ba eis-ministra na’in rua, hodi rona sasin na’in tolu kona-ba prosedimentu sosa kama ba ospitál iha teritóriu Timór, tuir jéneze prosesu nian. 

Eis-ministra Finansa, Emília Pires ho eis-visi-ministra Saúde, Madalena Hanjam hanesan koarguida ba prosesu ne’ebé julga desde loron 5-outubru liu ba no hetan akuzasaun tanba halo krimi ba partisipasaun ekonómika negósiu no administrasaun danoza.

Pires ho Hanjam, hetan akuzasaun tanba deskunfia hamosu iregularidade durante prosesu sosa kama atus ida resin ba moras sira ho kontratu adjudikadu ba empreza hosi eis-ministra Finansa ninia laen, ho supostu entre sira-na’in tolu ho valór dolár rihun 800 (besik euros rihun 720).

Teze akuzasaun nian iha parte seluk husu mos kona-ba, karik iha favoresimentu ba sosa kama nomós desizaun ne’ebé foti relasiona ho Fundu Kontinjénsia – ne’ebé sei tenke uza ba kazu urjénsia – ba operasaun.

Kona-ba audiénsia ne’ebé hala’o horisehik konta mos ho observadór internasionál ida iha plateia tanba Governu maka husu atu akompaña prosesu refere, tuir fonte ezekutivu ida haktuir ba Lusa.

Nia maka advogadu portugés Alberto Costa ne’ebé uluk hanesan ministru Administrasaun Interna hosi tinan 1995 e 1997 (iha Governu dahuluk hosi António Guterres) no hanesan ministru Justisa hosi tinan 2005 to’o 2009 (iha Governu dahuluk hosi José Sócrates).

Iha sesaun horisehik, testamuña na’in tolu ne’ebé fó sasin – sei falta rona hosi na’in sia ne’ebé Ministériu Públika hatudu hosi sira 24 – rona mos sasin importante maka eis-administradór hosi Ospitál Nasionál Guido Valadares (HNGV), Rui Manuel Exposto, ne’ebé ko’alia kontradis ho deklarasaun antes nian.

MP hamosu kestaun oioin bazeia ba dokumentu ne’ebé Rui Manuel Exposto asina, hodi defende kona-ba importánsia atu sosa kama 200 ba HNGV, tanba kama iha ospitál refere menus.

Bazeia ba dokumentu ne’ebé iha, ladehan katak pedidu ba sosa kama ne’e urjente, maibé tuir Rui Exposto sempre halo diskusaun kona-ba kama durante reuniaun periódika no regulár hosi resposnável saúde nian sira.

Iha deklarasaun ne’ebé Expostu haktuir ba MP antes, nia ladehan katak kama ne’ebé sosa bazeia ba pedidu urjente, maibé horisehik bainhira husu nia dehan katak urjente no ida ne’e latuir ona saida maka haktuir iha dokumentu.

Tanba ne’e maka halo pergunta ba testamuña sira bazeia ba informasaun ne’ebé haktuir katak iha tempu ne’ebá kama menus, pasiente ne’ebé sofre moras dengue aumenta barak no tanba menus kama, sira tenke toba hamutuk no balun tenke toba iha de’it koredór.

Testamuña hatan bazeia ba dokumentu ne’ebé kria hosi sistema informasaun hosi Ministériu Saúde nian ne’ebé fó konfirmasaun kona-ba kazu hosi moras dengue ne’ebé mosu iha inisiu tinan 2012, no kazu refere bot liu fali tinan kotuk.

Kona-ba atividade HNGV nian hosi tinan 2007 to’o 2012, inklui kuadru ida ne’ebé konfirma katak ema ne’ebé okupa kama barak liu lahanesan baibain, tanba iha 2011 ema ne’ebé okupa 97% no iha fali 2012 ultrapasa 106%.

Bazeia ba problema hirak ne’e maka testamuña sira fó ninia konkluzaun katak kama ne’ebé sosa urjente duni, ho unidade ne’ebé ladun di’ak ho taxa okupasaun bot liu fali ne’ebé di’ak ho 85%, tuir Ministériu Saúde rasik haktuir.

Hein katak julgamentu ba loron ohin, sei bele remata ona ho depoimentu hosi testamuña akuzasaun nian, atu nune’e iha fali kinta-feira bele rona testamuña dahuluk defeza hosi eis-primeiru ministru Xanana Gusmão.

.

«Fui habituado a coisas bonitas nesta casa…» - Jesus

.

Foto de Sporting Clube de Portugal, Facebook.

A Bola

Jorge Jesus mostrou-se satisfeito com a vitória (3-0) no regresso ao Estádio da Luz, agora como treinador do Sporting.

«É uma vitória brilhante numa casa onde tive anos e fiz jogos brilhantes. Fui habituado a coisas bonitas nesta casa e o Sporting fez um jogo extraordinário, de grande qualidade. Estamos satisfeitos porque ganhámos mas também pela qualidade da equipa. Vitória inteiramente dedicada aos jogadores e aos adeptos do Sporting, que acreditaram», disse Jorge Jesus à BTVno final do encontro, deixando também uma palavra para os adeptos da ex-equipa:

- Tiveram um comportamento brilhante, fui a isso que fui habituado. Todos os intervenientes se respeitaram.

«Foi uma jornada importante porque foi (uma vitória sobre) o rival mas são apenas três pontos. Não importa ganhar este e depois não ter comportamento de campeão nos jogos a seguir. Estamos a crescer todos juntos», atirou.

.

PN husu relatoriu implementasaun Lian Materna

.

Jornal Nacional Diário -22 de outubro de 2015

Membru Parlamentu Nasional (PN) husu Ministeriu Edukasaun (ME) atu aprezenta relatoriu implementasaun projeito pilotu lian materna iha Munisipiu Manatuto, Lautem ho Oecusse.

“Kona ba projeitos pilotus linguas maternas ne’ebe la’o kleur ona iha relatorio prontu tiha ona ka seidauk, relatorio ne’e publiku no ami bele asesu ka lae,” hateten Deputada bankada Partidu Demokratiku (PD), Maria Lurdes Bessa liu husi debate publiku Ministeriu Edukasaun ho membru PN, Kuarta (21/10/2015).

Iha parte seluk, reprezentante povu iha uma fukun Parlamentu Nasional kestiona mos kona ba kualidade de ensinu ninian, tanba kuaze maioria estudante barak mak ladun hatene hakerek no le.

“Hau atu husu klarifikasaun katak, Ita hare tuku 10 dader iha dalan ninin tantu husi kapital Dili no mos areas rurais sira, estudante sira la’o iha dalan ho farda eskola kompletu, signifika katak tempu ne’ebe sira pasa iha sala de aula ladun sufiente hodi sira bele aprende lolos no konhesementu ruma,” kestiona Deputada Bessa.

Deputada ne’e kestiona la’os koalia deit, maibe nia rasik hare ho matan duni bainhira hala’o viagem ba municipiu.

“Hau la’os koalia deit, maibe pesoalmente hau akompanha duni hau haree katak frekuentemente professor sira falta iha eskola hodi abandona alunus sira, pior liu maka alunu ida hau rasik akompanha nia terceiro klasse tiha ona maibe hakerek ninia naran rasik mos seidauk hatene,” hateten Deputada Besa.

Nia afirma katak, koalia kualidade de ensinu jero tebes, li-liu iha munisipiu sira, tanba deit professores sira ladun ativu hodi hanorin didiak.

Hatan ba preukupasaun ne’e, Ministru Edukasaun, Antonio da Conceição rekonhese katak lian materna sai mos preukupasaun Ministeriu nian.

“Hau hanoin la’os problema lingua materna ne’ebe ita hotu konsidera, maibe metodu ne’ebe edukasaun opta atu bele hanorin estudante sira iha eskola, ida ne’e maka agora dadauk ne’e la’o hela, maibe ita sei iha difikuldade iha lingua ba professor no alunu, tanba ne’e maka modalidade ne’ebe mak agora dadauk professor sira tenke iha kreatividade hodi uja lingua atu fasilita estudante hodi bele aprende,” hateten Ministru Edukasaun.

Primeira vise Ministru Dulce de Jesus promete katak, remata debate sira sei haruka kedas relatorio mai PN. mia

.

Kontra estatutu kombatentes PR Taur sei la promulga lei KV

.

Foto de, Presidência da República de Timor-Leste

Jornal Nacional Diário -22 de outubro de 2015

Prezidenti Repúblika (PR) Taur Matan Ruak deklara katak, sei lapromulga lei Konsellu Veteranus (KV), tanba lei ne’e kontráriu ho lei estatutu veteranus nian.

“Lei kombatentes, ha’u hori bainhira haruka tiha ona, ha’u dehan, ha’u la promulga, i senhor Primeiru Ministru Rui Maria de Araújo mós hodi bainhira ba iha ne’ebá, ha’u ko’alia tiha ona tanba saida mak ha’u la promulga lei. Tanba dekreitu lei ne’ebé atu harii konsellu kombatentes ka konsellu veteranus ne’e, tama inkontradisaun ho lei estatutu kombatentes nian”, hateten Xefi Estadu Taur Matan Ruak bainhira halo diálogu ho komunidade iha Suku Labarai, Postu Administrativu Suai, Munisípiu Covalima, Kuarta (21/10).

Taur Matan Ruak esplika katak, lei estatutu kombatentes ne’e, sai órgaun konsulta, maibé lei konsellu veteranus nian ne’e, hatete katak, veteranus sira tenki organiza-an to’o suku.

“Entaun lei rua ne’e la han malu. Ha’u hateten ba senhor Primeiru Ministru katak, imi re-organiza ka reativa fali estrutura veteranus nian uluk, atu veteranus sira halo lós tiha lai mak foin bele muda, maibé sé la halo ida ne’e, entaun ita bo’ot sira hein Prezidenti foun mai mak promulga, ha’u la’e,” Taur Matan Ruak fundamenta. Eis gerrilleiru ne’e afirma katak, problema veteranus ne’ebé agora dadauk akontese iha Timor Leste (TL) ne’e, tanba bainhira TL ukun-an, veteranus sira lakohi rezolve tiha lai, maibé haruka fali ema matan foun sira ema matan tomak mak atu ba rezolve veteranus nia problema.

“Agora funu hotu tiha ne’e la’e, ita ba direita, sé mak inkosta maun Taur, nia ba maun Taur, sé mak inkosta maun Xanana, restu ne’e la bale ona,”Taur Matan Ruak argumenta.

Taur Matan Ruak dehan tan, Estadu sei la nega kontribuisaun veteranus sira, maibé tenki rezolve nei-neik, tanba veteranus iha TL kada tinan aumeta ba bei-beik.

“Iha Parlamentu sé mak vota kontra asuntu veteranus, kuidadu sé la’e iha eleisaun ema sei la vota o ona,” Taur Taur Matan Ruak komenta.cos

.

42% povu TL nutrisaun ladi’ak

.

Foto de, Presidência da República de Timor-Leste, Facebook.

Jornal Nacional Diário -21 de outubro de 2015

Prezidenti da Repúblika Taur Matan Ruak hateten katak, 42 % povu iha Timor Leste (TL), liu-liu feto no labarik maka nutrisaun seidauk di’ak, tanba aihan mak seidauk di’ak.

“Ita Timor ne’e, 42% kurang gizi (malnutrisaun), ida ne’e Prezidenti preokupa imi nia saúde, barak liu feto ho labarik,”dehan PR Taur Matan Ruak, bainhira halo Dialogu ho Komunidade Suku Beiseuc, Postru Administrativu Tilomar, Munisípiu Covalima, Tersa (21/10).

Tanba PR Taru esplika, kuandu saúde ladiak, nasaun bele riku oinsa mós, bele sai fraku, tanba nutrisaun povu nian ladi’ak.

Taur Matan Ruak hatutan, durante nia vizita Suku sira iha Timor Laran tomak, nia haree inan ho oan sira mak nutrisaun ladiak.

Tanba ne’e, Xefi Estadu ne’e husu ba povu tomak iha Timor laran tomak, li-liu iha uma kain ida-idak nia laran atu hasa’e sira nia ekonomia, hodi hadia sira nia aihan, tanba nutrisaun di’ak ne’e, la’os dehan katak, tenke han na’an ka di’ak lor-loron, maibé produtu lokal ne’e mak aihan di’ak ba saude, tanba laiha kímiku.

“Ha’u haree ferik ho labarik sira mak kurang gizi, maibé katuas sira ne’e isin forte tebes, ida ne’e keta katuas sira han hotu ferik no labarik sira nia hahan karik,”dehan Taur Matan Ruak.

Nia husu ba familia hotu iha Timor laran tomak atu unidade iha familia nia laran, labele história malu no baku malu, tanba hahalok sira ne’e bele sobu familia.

Nia hatutan, iha familia ida nia laran, tenki iha unidade no domin entre fen ho laen no oan, tanba kuandu uma kain ida moris hanesan ne’e lor-loron mós, bele afeta ba saude, tanba hanoin barak.

“Ha’u husu ba mane sira atu labele baku bei-beik feto sira. Feto sira kuandu mane baku bei-beik imi, hato’o keixa mai ha’u,”katak PR Taur.cos

.

ME ESPLIKA KONSEITU EDUKASAUN INKLUZIVA

.

Jornal Nacional Diário -21 de outubro de 2015

Ministeriu Edukasaun (ME) liu husi Direktor Jeral Ensino Pre-Eskolar Ensino Baziku ( DJEPEB-ME) ofisialmente espelika konseitu programa edukasaun inkluiziva nian ba professores hamutuk nain 40.

“Halibur Professores nain 40 atu esplika konaba konseitu no programa edukasaun enkluziva, agora edukasaun inkluiziva ne’e saida? Edukasaun inklusiva ne’e prinsipiu ida ne’ebe haree ba prinsipiu Nasoens Unidas nian konaba edukasaun para todus e depois RDTL nian ne’ebe hatur edukasaun ne’e hanesan direitu ba ema hotu, ba labarik hotu la haree ba kor, rasa, kondisaun fijika difisiente ou lae, foho nia oan ka lae inklui kiak no riku,”DJEPEB-ME, Sidalio Leite ba Jornalistas sira iha Ministeriu Edukasaun, Vila-Verde Dili Segunda (19/10) horseik hafoin abertura programa formasaun edukasaun inklusiva.

Konseitu edukasaun inkluziva ne’e importante teb-tebes aplika hodi tau labarik sira iha eskola fatin ida deit nune’e bele kompleta malu no labele hamosu sentimentu minder husi labarik difisienti ba labarik sira seluk ne’ebe maka ho kondisaun diak ka normal.

“Tau hamutuk labarik sira ne’ebe ho kondisaun difisiente ho labarik sira ne’ebe maka ho kondisaun normal iha eskola ida deit atu nune’e labarik sira (difisienti-Red) seim iha sentimentu de dignidade (Perasaan-Red) atu nune’e sira nia konvivensia bele influensia malu ho pozitivamente para sira ne’ebe ho kondisaun laiha probelema bele apresia ho respeitu sira ne’ebe ho kondisaun la normal hodi labarik sira ne’ebe ho kondisaun la normal sente sira nia dignidade hetan rekuinesementu hanesan mos ho labarik sira seluk,”espelika DJEPEB-ME, Sidalio Leite.

Nia hatutan, atu tau hamutuk entre labarik sira ne’ebe ho kondisaun la normal ne’e difisil, tanba ne’e antes implementa programa ne’ebe refere tenke halo uluk espelikasaun ba professores sira inklui komunidades hotu para labele bolu difisiente sira tuir nia kondisaun difisiente.

“Edukasaun inkluzivu ne’e labarik ho kondisaun hotu-hotu sei iha laran, matan at, liman at, ain at , tilun diuk no seluk tan sei iha hotu, tanba ne’e treinu professores sira inklui ema hotu-hotu, komunidade sira atu labele bolu ema sira difisiente ne’e tuir nia kondisaun difisiente,”tenik nia.

Tanba ne’e Governu liu husi ME fo formasaun ba professores nain 40 konaba edukasaun inklusiva halao durante loron tolu (3) nia laran, hahu husi loron 11 -21 fulan Outobro Tinan 2015. Ola

.

TL tama Europa ho vistu livre

.

Jornal Nacional Diário -21 de outubro de 2015

Ministru Negosius Estranjeirus no Koperasaun (MNEK), Hernani Coelho informa katak, Timor oan ne’ebe maka hakarak tama ba Europa ho ona vistu livre.

Hernani Coelho dehan, kona-ba vistu livre ne’e Timor Leste halo tiha ona prosesu administrativu para hatama   iha sistema internasional rezerva hodi fo hatene ba kompañia hot-hotu ne’ebe mak semo husi Asia ba Europa para sira hatama sistema.

“Apartir data ne’ebe maka ita asina buat ne’e em vigor livres suplesaun de vistu ba iha pais ne’ebe maka membru Senge ninian inkluindu ho adisional ho Swissa nian, ne’ebe informasaun hotu pasa tiha ona, nestemomentu sistema rezerva internasional sira ne’e aktualizadu, tantu Timor oan ne’ebe maka hakarak ba Europa, ba pais estadus membrus nestemomentu la presiza vistu,”esplika Hernani Coelho ba Jornalista iha Palasiu Governu, Tersa (20/10).

Hernani Coelho hatutan, akordu ho Indonesia nian ne’e kona-ba vistu on arrivel bele dehan husi Aeroportu Bali, Aeroportu Jakarta bele, tanba sistema montadu. Maibe iha fronteira nia sistema seidauk montadu.

Tuir Hernani, Indonesia promete ona para bele finaliza sira nia prosesu instalasaun sistema informatiku atu halo vistu on arrivel.

Hernani hatutan liu tan katak, posivelmente iha pontu lima entre Oecusse ho Mota Ain to’o Suai ninian mais ou menus Postu 5 maka sei estabelese hodi fasilita prosesu vistu on arrivel ninian. Maibe Postu 5 ne’e rasik, Hernani la dun hatene rai ne’e nia naran.

“Funsaun vistu on arrivel nian ne’e, ita to’o iha Aeroportu nian maka ema sira tau karimbu, maibe nestemomento vistu livre ne’e pasaporte diplomatiku hodi servisu, maibe pasaporte komun ita sei tuir prosesu normal,”dehan Hernani tan.Avi

.

Governu tenki rezolve deskontentamentu povu

.

Jornal Nacional Diário -21 de outubro de 2015 

Prezidenti da Repúblika (PR) Taur Matan Ruak husu ba Governu tenki rezolve deskontentamentu povu ninia, liu-liu ba dezenvolvimentu. Tanba bele sai ameasa ba seguransa no estabilidade nasaun nian.

 “Ameasa bo’ot ba nasaun la’os husi liur, maibé iha ita nia uma laran rasik, hanesan deskontamentu sidadaun ninian ba dezenvolviementu ne’ebé mak la’o iha ita nia nasaun, Governu tenki buka dalan hodi rezolve problema ne’e,”dehan PR Taur Matan Ruak iha Munisípiu Covalima Vila, bainhira halo diálogu ho Komandu PNTL Munisípiu refere, Segunda (19/10).

 Tuir Taur Matan Ruak, problema interna ne’e bele impede lala’ok dezenvolvimentu nasuan nian.

“Segredu susesu ne’ebé mak iha hanesan domin, asaun no servisu hamutuk, hodi hametin dame no paz iha Timor Leste hodi haree dezafiu no ameasa ne’ebé mak mosu iha rai laran”, hateten Taur Matan Ruak. Taur Matan Ruak esplika katak, iha TL intelektuál barak, maibé intelektuál sira ne’e kria problema maibé seidauk rezolve, tanba ne’e Taur Matan Ruak dehan, nia parte lakohi rona intelektuál iha TL.

Iha fatin hanesan Komandante PNTL Munisípiu Covalima, Superintendenti Eugénio Perreira mós informa katak, situasauan jerál ne’ebé mak sai preokupasaun ba iha instituisaun defeza no seguransa mak, kondisaun frazil liu.

 “Asegura liña fronteira terrestres, poténsia ba aktividade sosiais hodi organiza asaun krime ne’ebé sei sai risku ba ita nia nasaun no ita nia populasaun sira,”katak Eugénio Pereira.

 Nia hatutan katak, oras ne’e PNTL liu husi UPF servisu hamutuk ho instituisaun defeza hanesan F-FDTL hodi destaka postu ida iha postu Administrativu Tilomar, hodi identifika krime ne’ebé mak akontese iha liña fronteira.cos

 Foto de, Presidência da República de Timor-Leste, Facebook.

,

MUTL konsidera PN la reprezenta povu

.

Jornal Nacional Diário - 21 de outubro de 2015

Movimentu Universitariu Timor Leste (MUTL) konsidera Membru Parlementu Nasional (PN) la resprezenta povu, tanba to’o ohin loron PN taka an ba MUTL no la responde ejijensia hodi halo revizaun ba lei pensaun vitalisia.

“Ami sei kontinua hein sira to’o bainhira sira mai hasoru ami tanba se sira lakohi mai hasoru ami hodi nonok, ami konsidera sira ne’e hanesan traisaun ba povo maubere ida ne’e, tanba sira la konsidera povo nia oan sira ne’ebe maka halao asaun pasifiku ida ne’e atu nune’e sira kontinua ignora para loron ida povo ne’e sai atan ba grupu kikoan balun ne’ebe mak la’o hamutuk ho sira,”portavos MUTL , Faustino Soares ba jornalista sira iha kampus sentral UNTL Tersa (20/10) horseik.

Iha oportuniadde ne’e MUTL kontinua ejije ba PN atu iha tempu badak nia laran ne’e hasoru malu ho sira para bele hato’o ejiejnsia sireita ba PN.

Maibe enkuantu PN nafatin taka an ba MUTL maka, MUTL sei mobiliza manifestasaun bo’ot hasoru PN involve povu bai-bain inklui entidades hotu-hotu ne’ebe durante ne’e preokupa ba lei pensaun vitalisia.

“Ami sente katak ami mos jerasaun ba sira nian, tanba saida mak sira lakohi hasoru ami atu kolia? Ami sei kontinua hein sira iha semana ida ne’e nia laran mak sira kontinua lakohi mai hasoru malu ho ami, maka semana oin ami sei unifika ami nia forsa sira ne’e hotu depois ami sei disidi ami nia estratezia ne’e los ona mak ami sei tun,”afirma nia.

Tuir planu MUTL sei tama sai uma komunidade hodi espelika ba komunidade konaba impaktu husi lei pensaun vitalisia ba futuru mai ne.e

“Ami mos iha ona politika ida atu tama uma sai uma hodi esplikasaun ba impaktu husi lei refere iha tempu agora no futuru ne’ebe ami sei halao uluk iha kapital Dili atu nune’e sira bele hatene impaktu husi estabelesementu lei refere. Ne’ebe agora dadauk primeiru faze ami halao sosializasaun liu husi panfletu no segundo faze oras ne’e dadauk ami halao ona koperasaun ho autoridade lokal balu,”dehan nia.

Ativista CPD-RDTL ejije PN altera lei PV

Entretantu iha fatin la hanesan porta-voz ativista Pro Conselho Popular Demokratika Republika Demokratica de Timor-Leste (CPD-RDTL) ejije mos ba ba PN atu halo lalais revizaun ba lei pensaun vitalisia, tanba konsidera lei refere injustisa.

“Ativista Pro-CPD RDTL apoiu Movimentu Universitariu Timor-Leste (MUTL) ne’ebe maka oras ne’e dau-daun hala’o manifestasaun kontra lei Pensaun Vitalisia, tanba pensaun vitalisia ne’e injustisa ne’ebe habokur membru Governu balun deit e ami konsidera lei ne’e hamosu kriminasaun,”deklara porta-voz ativista Pro CPD-RDTL, Gil Ferdes da Costa.

Iha biban ne’e mos nia argumenta mos katak, liu husi Ativista Pro-RDTL iha CPD-RDTL, ami husu ba Governu liu-liu Diresaun Nacional Terras Proprieridades DNTPSC atu buka fatin seluk nune’e sira (CPD-RDTL) bele uza.

“Ami husu Senhor Jaime Xavier no Romão Guterres nian desizaun arbitraria espasu rai no uma Estadu ne’ebe anteriormente utiliza ba Sede CPD-RDTL, governu atraves Dirasaun Nacional Terras Proprieridades i Servico Cadastrais (DNTPSC) atribui tiha ona ba PNTL no husu atu buka fali fatin seluk” tenik nia.

Nia haktuir desizaun ne’ebe governu foti hodi hasai sira husi fatin refere Ativista Pro-RDTL konsidera hanesan abuzu de poder no injustu tanba, espasu rai no uma refere nu’udar sede sentral ba Restaurasaun RDTL ne’ebe CPD-RDTL utiliza desde tempu UNAMET.

Porta voz Gil da Costa mos dehan tan katak, desde CPD-RDTL halao Kooperativas ba Produsaun Agrikula husi tinan 2012 iha Welaluhu-Same, nudar modelu atu hametin Eestadu RDTL nian Soberania ekonómika, maibe V Governu hola fali Rezolusaun injusta husi tinan 2012 no 2014 hodi hasoru CPD-RDTL ne’ebe ho inisiativa diak. Ola/Ves

.

Taur considera o desluto nacional um programa hipócrita

.

Suara Timor Lorosae - 20 de outubro - Tradução para o Português de Zizi Pedruco

Ainaro- O programa do governo para fazer o desluto nacional tem como objetivo queimar o luto, para que o povo não se divida mais, porém, o povo não está dividido e isto demonstra que este programa é fingido, para que algumas pessoas continuem a viver bem.

De acordo com o Presidente da República, Taur Matan Ruak, muitas pessoas não aceitam esta proposta do desluto nacional do Estado, porque muitas pessoas morreram e ainda não foram encontradas e muitas pessoas ainda não foram enterradas.

"O desluto nacional de acordo com os usos e costumes tem como objetivo nos organizarmos. Apesar de neste momento não estarmos dispersados, apesar de neste momento o povo não estar dividido, porém, alguns fingem não perceber o processo (do desluto) para que assim consigam atingir os seus objetivos de viverem bem", afirmou Taur no passado domingo, em Ainaro, numa cerimónia de assinatura de uma placa em homenagem ao saudoso Tigri Kablak. 

Taur declarou que muitas pessoas questionam porque muitos mortos ainda não foram todos enterrados, contudo fizeram o desluto nacional e muitas pessoas interrogam o tirar o luto, porque muitos timorenses ainda estão por enterrar.

O Chefe de Estado disse que Timor-Leste para alcançar a independência todo o povo sofreu para ganhar esta guerra, por este motivo há que continuar a esforçar para melhorar a vida do povo. Todos os timorenses têm de continuar unidos.

.

Ministériu Agrikultura selu ona fini ho folin ne’ebé bot liu dala rua-nulu- auditoria

,

Sapo TL ho Lusa - 19 de outubro de 2015

Ministériu Agrikultura no Peska (MAP), iha tinan hirak ikus ne’e selu ona folin osan ho valór dala rua-nulu (20) bot liu hodi sosa fini agríkola nian, balun maka hanesan sosa ba empreza ne’ebé besik ho eis-ministru Mariano Sabino, tuir informasaun hosi Kámara Kontas.

Problema ne’ebé akontese ba iha kontratu ne’ebé barak maka “halo Estadu lakon osan bot” no halo ho empreza ne’ebé hili ho forma “diskrisionária no lahó razaun”.

Tuir relatóriu ne’ebé iha, situasaun refere “kontratia ho prinsípiu báziku hosi aprovizionamentu nian, ne’ebé ho prinsípiu legalidade, igualidade, interese públiku, transparénsia no ne’ebé hakruuk ba norma jerál”.

Analiza ona aspetu balun hanesan sosa batar fini, hare no fehuk, ne’ebé MAP gasta osan hamutuk dolár milloens 4,27 resin desde 2011 to’o 2013, atu nune’e bele hetan tonelada rihun 1,17 ba empreza Muacau, Agrivivo e Fini Ba Moris.

“Ami hakarak hato’o buat barak no preokupasaun kona-ba (…) tanba semente ne’ebé MAP atu sosa, tuir faktu ne’ebé iha, bele mosu interferénsia ba iha prosedimentu aprovizionamentu nian”, tuir relatóriu fó sai.

Problema bot ida tan maka folin ne’ebé Estadu fó hodi sosa fini, tanba MAP defini ona presu unitáriu ho dolár 3,5 kada kilo “no ida ne’e ba fini hosi batar, hare ka fehuk”.

Presu ne’e “bot” no “liu fali folin iha merkadu”, hanesan, por ezemplu bele haree iha dokumentu Muacau nian, hanesan dokumentu únika ida ne’ebé empreza fó ba tribunál.

Tuir relatóriu, bainhira to’o iha Dili, kustu totál ba empreza maka kilo ida ho dolár 0,12, “ka kiik liu hosi 3,4/kg ne’ebé MAP selu no diferensa ne’ebé iha labele justifika ho folin transporte bá Distritu sira ka ba despeza ruma”.

"Valór ne’ebé Ministériu aprezenta, bot liu fali folin lolos hosi fini hirak ne’e, maibé koinside ho valór hosi kontratu ne’ebé iha, hodi ne’e it abele haree katak serbisu entre MAP ho empreza sira ne’e, lalos, ka hakarak atu prejudika Estadu", hatutan.

Batar-fini – ho valór besik dolár milloens 1,71 – fornese hosi Muacau, empreza ne’ebé foin maka rejista iha 9-setembru-2011, ka "hafoinliu ona prazu aprezentasaun proposta nian” relasiona ho kontratu dahuluk ne’ebé fó ba empreza refere.

Tribunál lakonsege husu kópia hosi proposta seluk, tanba iha propsota Muacau nian, haktuir katak nia iha esperiénsia ne’ebé barak, maibé tuir lolos, bosok de’it.

"Kontratu ne’ebé MAP halo dahuluk ho valór USD 448.000, iha 14-outubru-2011, no ida ne’e hamosu dúvida barak kona-ba prosedimentu hosi aprovizionamentu nian", nota.

Ba fini hare nian, MAP kontrata ona Agrivivo, empreza hosi Sabino ninia kuñadu no ne’ebé aprezenta porposta karun ka bot liu dalatolu duké ida ne’ebé baratu liu ka kiik liu. 

Ikus mai, empreza datolu ne’ebé envolve iha kazu sosa ne’e maka, Fini Ba Moris, rejista iha 18-marsu-2014, no ne’ebé iha tempu ne’ebá, tuir tenderizasaun tanba iha ona esperiénsia ba fornesimentu ekipamentu desportiva no AC ba Sekretária Estadu Juventude no Desportu, maibé ho saldo zero dolár iha konta bankária.

"Koinsidénsia, ka la’e, maibé na’in hosi Fini Ba Moris, Abílio Soares Salsinha, maka koproprietáriu hosi East Gás, empreza fornesedora mina, ba tratór no mákina bobot MAP nian", tuir nota hosi relatóriu.

Tuir relatóriu ne’ebé iha, problema seluk ne’ebé MAP hasoru maka fornesimentu mina, no iha ne’e envolve mos kontratu ne’ebé ministériu refere halo ho empreza East Gás.

Fini Ba Moris lahato’o garantia ruma hosi konkursu ne’e, ho nune’e maka tuir lolos “proposta ne’ebé aprezenta hosi empreza ne’e tenke hasai kedas, tanba latuir prosedimentu (…) no kontratu ne’e tuir lolos fó ba empreza seluk ne’ebé tuir mos tenderizasaun no aprezenta valór kiik liu".

Ikus mai, relatóriu ne’e fó sai kona-ba problema hosi distribuisaun semente, tanba “lakonsege identifika benefisiáriu hodi distribuisaun ne’e”, laiha kriteiu hodi identifika benefisiáriu sira no “lakonsege atu hetan agrikultór hirak ne’ebé dehan katak sira maka simu semente hosi MAP”.

.

Ambisaun halo sulap Oe-cusse, sei la susesu

.

Foto, Jornal Nacional Diário

Jornal Nacional Diário- 19 de outubro de 2015

Diretur Ezekutivu Asian Justice And Right (AJAR), José Luis Oliveira hatete katak, ukun nain balu ne’ebé ambisaun atu halo sulap ba dezenvolvimentu iha Zona Espesial Ekonomia Sosial Merkadu (ZEESM) Oe-cusse, ne’e sei la susesu.

José Luis Oliveira esklarese, nia la fiar atu investementu bo’ot ZEESM ne’e, bele atrai investedor ba investe iha Oe-cusse, tanba   ukun nain sira nia ambisaun, halo povu sofre.

“Tanba de’it ambisaun naran bo’ot husi lider balun, hakarak iha tempu badak, atu halo sulap iha Oe-cusse atu sai hanesan, Batam ka Singapore, povu mak sai vítima,”katak José Luis ba jornalista sira iha nia kna’ar fatin Palapasu Dili, Sesta (16/10).

José Luis relata, Autoridade ZEESM Oe-cusse hasai povu ho forsa husi povu nia uma no nia rai rasik ne’e, nu’udar evidensia ida katak, povu mak sempre sai vítima ba dezenvolvimentu.

Nia dehan, tanba ambisaun ida ne’e mak, lider sira haluha tiha katak, dezenvolvimentu ne’e, tenke la’o tuir prosesu.

José Luis akresenta, dezenvolvimentu ne’e, la’os haree de’it ba dezenvolvimentu fiziku, maibé tenke haree dezenvolve mós povu.

“Sira dudu hotu povu Oe-cusse sai husi, aban bairua Oe-cusse ne’e sai kota hantu, tanba ha’u lafiar investementu ne’ebé ke ZEESM halo ne’e, sei atrai investor, ha’u la fiar,”relata José Luis.

Nia esplika, Zona Ekonomia ne’ebé mak agora dadauk dezenvolve iha Oe-cusse ne’e, sei la atrai investedor mai atu tama iha ne’eba, tanba Zona Ekonomia barak iha nasaun seluk mak falla to’o agora.

José Luis fó ezemplu katak, iha tinan hirak liu ba, iha Kupang Indonesia iha ambisaun ida kona-ba, atu hari’i Zona Ekonomia ida atu fasilita Darwin Singapore ho Kupang rasik, maibé ambisaun ne’e la susesu.

“Sa tan iha Oe-cusse, ha’u haree ida ne’e investementu ida ne’ebé bele sia-sia, sei ita hakarak ansi, ita la dezenvolve neneik hodi dezenvolve povu ho neneik, mak buat ne’e sei sia-sia,”tenik José Luis.

Nia dehan, agora dadauk ukun nain sira hakarak halo hotel estrelas, aeroportu internasionál, portu internasionál no hospital internasionál, maibé ema sei la ba uza to’o sasan sira ne’e sai at de’it.

José Luis dehan, kuandu buat hotu sai hanesan ne’e ona, entaun investementu investementu Estadu nian ba mehi bo’ot ida ne’e, sei la susesu, tanba ema lakohi atu ba investe iha ne’eba.cos

.

Membru F-FDTL halo violasaun seksual, Lere husu PDHJ aprezenta provas

.

Jornal Nacional Diário- 19 de outubro de 2015

Xefe Estadu Maior Jeneral F-FDTL, Maijor Jeneral Lere Anan Timur, husu ba Provedoria Direitu Humanus no Justisa (PDHJ) atu hatudu provas kona-ba sira nia relatoriu ne’ebe hateten, membru F-FDTL halo violasaun seksual iha Salari, Posto Administrativu Laga, Munisipu Baucau, foin lalais ne’e.

Lere Anan Timur afirma liutan katak forsa armadas halo relasaun seksual iha Salari ou iha ne’ebe deit tenke aprezenta dokumentus komprovativus no hato’o ba politikus sira ho evidensia.

“Ita la bele akuza ema arbiru deit. Ami hakarak iha evidensia, se la iha ami la simu. Tanba ne’e, hau haruka ona haú nia asesor juridiku, haú nia Vise Brigasdeiru Jeneral Filomeno Paixao atu haruka dokumentus ida ba politikus sira hodi sira bele fó evedensia,” hateten Lere Anan Timur, ba Jornalista sira iha kuartel Jeral, Fatuhada, foin lalais ne.

Kona-ba proekupasaun Lere nian ne’e, Provedor Direitus Humanus no Justisa (PDHJ), Silverio Pinto hatete, relatoriu PDHJ ninian haruka ona ba Parlamentu Nasional nian, portantu numeru violasaun dereitus humanus ne’ebe ás liu komete husi instituisaun rua F-FDTL ho PNTL.

“Refere fali ba relatoriu nebe mak husi provedoria ninian, ne’ebe mak to’o ona ba iha parlamentu dehan katak numeru violasaun dereitu humanus ás komete husi ita nia Instituisaun rua entaun ita buka nafatin atu hadia,” hateten Silveiro Pinto, ba Jornalista sira, iha Centro Formasaun Polisia, Comoro, Sesta (16/10.

Nia mos dehan ofisialmente Brigadeiru Jeneral haruka ona karta ba PDHJ, nune parte PDHJ atu halo kordenasaun ho diresaun asistensia publika, atu bele fornese formasaun no dadus ba komando jeral F-FDTL.

Nia hatutan, komando F-FDTL sira iha regras ona katak F-FDTL sei la tolera ba memebrus F-FDTL sira nebe mak komete ba kazu violasaun dereitus humanus no mos kazu violasaun bazeia ba Jeneru.

“Entaun oras ne’e dadauk ami iha preparasaun ba informasaun depois mak sei haruka informasaun ba komando F-FDTL para bele fo atensaun,” hateten Silveiro Pinto.

Iha fatin hanesan mos, Komandante Jeral Polisia Nasional Timor Leste (PNTL), Komisariu Julio Hornay husu ba PDHJ katak porsentu hira ema ka suspeitu ne’ebe mak viola dereitus humanus ema seluk ninian.

“Imi husu tok, provedoria dereitus humanus mais u menus povu ka ema suspeitu sira nebe mak viola ona ema seluk ninia dereitu ne’e porsentu hira ona iha Timor ne’e, nune bele iha balansu,” afirma, Julio Honray.

Komandante Jeral PNTL ne’e hatete prezensa polisia nian ne’e, tanba iha keisa, keisa vitima ida, nia senti ninia dereitus ema seluk viola, ne’e mak mai keisa iha polisia, polisia halo atendementu.

Sei iha momentu neba laiha koperasaun diak suspeitu ho polisia, klaru polisia tenke halo agresaun fisika ituan para atu lori nia ba responsalve ninia aktus ne’e no hatan ba Tribunal, nia labele livre viola dereitu ema seluk ninia. Afirma komandante Jeral PNTL ne’e.

Julio Honray hatete, sé tuir ema seluk ninia haree katak ida parte ba viola dereitur humanus, la iha buat ida. Eus

.

CNRT sei altera lei pensaun vitalisia antes 2017

.

Jornal Nacional Diário- 19 de outubro de 2015

Partidu Congresso Nacionál de Reconstrucção Timorense (CNRT), sei altera lei pensaun vitalisia antes tinan 2017, tanba pensaun vitalisia ne’e la kondis ho realidade moris povu Timor Leste nian agora.

Sekertariu Jeral Partidu CNRT, Dionisio Babo informa katak, hanoin ida n’e mosu kedas iha CNRT iha ninia kongresu nasionál 2012, iha diretiva ida rekomenda katak, tenke halo alterasaun ba lei pensaun vitalisia.

“Ida ne’e para labele kria fali buat ida kecemburuan sosial, maibé ita hatene katak, lei ne’e halo iha primeira legistlatura, maibé tuir fali mai ne’e, legistlatura nain rua ne’e, hatete katak, persija duni atu halo alterasaun, i CNRT espera katak, antes eleisaun 2017, alterasaun ne’e tenke halo ona,”katak Dionisio Babo ba jornalista sira iha Palacio Prezidensial Aitarak Laran Dili, Sesta (16/10), hafoin hasoru malu ho Prezidente da Repúblika Taur Matan Ruak.

Dionisio hatutan, tuir informasaun ne’ebé nia rona husi Parlamentu Nasionál katak, agora dadauk sira diskuti ona lei pensaun vitalisia ne’e. ne’eduni Dionisio husu ba públiku, li-liu ba estudante sira ne’ebé oras ne’e dadauk halo hela manifestasaun ne’e atu kalma, konsentra ba estuda, tanba Governu ho Parlamentu Nasionál mós sei esforsa atu halo duni mundansa ba lei pensaun vitalisia ne’e.

“Rekomendasaun ida ne’e, ha’u insiste nafatin ba bankada hanesan Sekertariu Jeral CNRT, Sr. Prezidente Kay Rala Xanana Gusmão mós insisti nafatin, ami husu para, Parlamentu liu husi bankada sira, konsidera lalais ida ne’e hanesan, ajenda importante ida, hodi bele halo alterasaun, tanba nesesita duni atu halo alterasaun ba lei pensaun vitalisia ne’e,”informa Dionisio Babo.

Nia esklarese, orientasaun CNRT rasik mak, tenke haree tuir situasaun no kondisaun real iha Timor Leste, tanba maske iha nasaun hotu ne’e, buat ida ne’ebé hanaran dignifikasaun orgaun titulares Estadu ne’e sepre iha.

Maibé Dionisio afirma, agora tenke halo alterasaun para kondis ho realidade sosial ekonomika povu Timor Leste nia moris.

Nia esplika, atu halo alterasaun ba lei pensaun vitalisia ne’e, la’os hato’o proposta, maske iha bankada balu hato’o proposta, maibé bankada balu husu atu ajenda.

“CNRT sujere para halo ajenda mais rapidu, i ajenda tiha mak ita diskuti, la’os hein hela fali proposta. Lider bankada sira mak tenke tu’ur hamutuk atu ajenda, sei sira latau hanesan prioridade, ida ne’e la’os ajenda, ne’e ita bele ko’alia no proposta bele to’o tiha 10 mós,”katak Dionisio Babo.cos/nes

.

Eis-ministru Agrikultura no Peska mak hanesan responsável ba infrasaun finanseira - auditoria

.

Sapo TL ho Lusa - 19 de outubro de 2015

Eis-ministru Agrikultura no Peska, Mariano Assanami Sabino maka hanesan responsável “eventuál ba infrasaun finanseira” ba iha kontratu nomós pagamentu ho dolár milloens 11 hosi ninia Ministériu desde 2011 to’o 2014, tuir Kámara Kontas timor-oan nian fó sai.

Tuir auditoria ne’ebé halo ba Ministériu Agrikultura no Peska (MAP), iha kazu balun ne’ebé ninia kontratu ba fornesimentu bens no serbisu hala’o ho empreza ne’ebé iha mos ligasaun ho ministru, tanba ne’e maka lakumpri prosedimentu no ladun fó imajen di’ak ba Estadu.

Iha mapa kona-ba “infrasaun finanseira ne’ebé iha” no “apuramentu hosi responsabilidade” ne’ebé fó sai iha relatóriu Kámara Kontas haktuir katak Mariano Sabino maka hanesan responsável ba infrasaun barak, inklui “uza konta bankária hodi depozita reseita no halo mos despeza lahó autorizasaun hosi ministra Finansas”.

Sabino mos “lahalo tuir prosedimentu hosi provizionamentu nian ne’ebé hakerek ona iha lei, liu-liu, bainhira halo konkursu públiku internasionál, ho valór despeza” hosi kontratu hamutuk dolár milloens 9,21 resin.

Mariano Sabino maka halo “pagamentu adiatamentu latuir lei, nomós kontratu ba empreza fonesedora” ho valór dolár milloens 1,36 resin, inklui empreza ida ne’ebé pertense ba ninia kuñadu no ne’ebé rejista iha loron molok nia fó sai kontratu ba.

Alénde ne’e nia mos maka “halo adjudikasaun no halo kontratu ho empreza ida ne’ebé lahatudu garantia ba konkursu nian, hanesan dokumentu importante ba admisaun hosi ninia proposta”, hodi bele manan tenderizasaun ho valór totál dolár rihun 918.

Iha ezersísiu kontraditóriu no tuir karta ida ne’ebé haruka ba tribunál iha 25-jullu tinan ne’e, eis-ministru ladun fó resposta “polítika”, lahatan espesifikamente ba akuzasaun kontra nia tuir relatóriu fó sai, maibé fó de’it esplikasaun tuir prosedimentu ne’ebé iha.

Esplika de’it katak “bainhira sei asumi knar hanesan ministru iha tempu ne’ebá, ha’u lanevolve ka halo intervensaun ba prosedu aprovizionamentu ruma”.

.

Ministério da Agricultura timorense pagou sementes a preços 20 vezes inflacionados - auditoria

.

Díli, 19 out (Lusa) - O Ministério da Agricultura e Pescas (MAP) timorense pagou nos últimos anos preços inflacionados 20 vezes para comprar sementes agrícolas, em alguns casos, a uma empresa próxima do ex-ministro Mariano Sabino, segundo a Câmara de Contas.

Em causa estão contratos inflacionados dos quais "resultaram elevados prejuízos financeiros para o Estado" e que foram feitos com empresas escolhidas de forma "discricionária e não devidamente fundamentada".

Situações, sublinha o relatório, que "contrariam os mais básicos princípios do aprovisionamento, como sejam os princípios da legalidade, igualdade, interesse público, transparência e da obediência às normas gerais".

Um dos aspetos analisados é a compra de sementes de milho, arroz e batata, operação na qual o MAP gastou mais de 4,27 milhões de dólares entre 2011 e 2013 para adquirir 1,17 mil toneladas às empresas Muacau, Agrivivo e Fini Ba Moris.

"Não podemos deixar de manifestar muitas reservas e preocupação em relação (...) à compra de sementes pelo MAP, uma vez que os factos aqui relatados podem constituir indícios de viciação dos procedimentos de aprovisionamento", refere o relatório.

Um dos maiores problemas da operação foi o preço que o Estado pagou pelas sementes, com o MAP a definir o mesmo preço unitário de 3,5 dólares por quilo "quer se tratasse de sementes de milho, arroz, ou batata".

Trata-se de preços "inflacionados" e "muito acima dos preços de mercado" algo que se comprova, por exemplo, nos documentos da Muacau, os únicos que foram fornecidos até agora pelas empresas ao tribunal.

O relatório nota que à chegada a Díli o custo total para a empresa foi de 0,12 dólares por quilo, "ou seja, muito longe dos 3,4 USD /kg pago pelo MAP, e cuja diferença não pode ser justificada com os custos de transporte para os Distritos nem por quaisquer outras despesas".

"O facto de o valor estimado calculado [pelo Ministério] estar muito acima do real valor das sementes, mas coincidir com o valor dos contratos celebrados, deve merecer a análise e reflexão das autoridades uma vez que pode significar a existência de conluio entre os serviços do MAP e as empresas, com a intenção de prejudicar o Estado", sublinha.

O milho - no valor de cerca de 1,71 milhões de dólares - foi fornecido pela Muacau, empresa que só se registou a 9 de setembro de 2011, ou seja, "já depois de iniciado o prazo para apresentação de propostas" para o primeiro contrato que lhe foi adjudicado.

O tribunal pediu, sem êxito, cópias das outras propostas, notando que a da Muacau, a mais cara, teve nota elevada pela sua experiência, algo que a empresa não tinha.

"O seu primeiro contrato foi, de facto, o contrato celebrado com o MAP, no valor de 448.000 USD, celebrado a 14 de outubro de 2011, o que levanta muitas dúvidas sobre o procedimento de aprovisionamento então realizado", nota.

Para o arroz, o MAP contratou a Agrivivo, empresa propriedade do irmão da companheira do ministro e que apresentou a proposta mais cara, três vezes mais elevada que a mais barata.

Finalmente, a terceira empresa envolvida nestas compras, a Fini Ba Moris, foi registada a 18 de março de 2013 e na altura em que decorria o concurso tinha um saldo bancário de zero dólares, com experiência apenas no fornecimento de equipamento desportivo e ar condicionados para a Secretaria de Estado da Juventude e do Desporto.

"Coincidência, ou não, o proprietário da Fini Ba Moris é Abílio Soares Salsinha, coproprietário da East Gás, empresa fornecedora de combustível para tratores e máquinas pesadas do MAP", nota o relatório.

O fornecimento do combustível ao MAP é outro dos problemas apontados pelo relatório, também aqui envolvendo contratos com a empresa East Gás.

A Fini Ba Moris não apresentou qualquer garantia de concurso, pelo que "a proposta apresentada por esta empresa deveria ter sido imediatamente excluída do procedimento (...) e o contrato deveria ter sido adjudicado à empresa concorrente que tinha, inclusivamente, apresentado uma proposta de preço mais baixo".

Finalmente, o relatório aponta problemas na distribuição das sementes, notando que "não foi possível identificar os beneficiários da distribuição", não existem critérios para identificar os beneficiários e "só raramente foram encontrados agricultores que afirmaram ter recebido sementes por parte do MAP".

ASP // MP

Lusa/Fim

.