Partidu 3 Maka Rejista Ona Iha TR

.

Jornal Nacional Diário - 23 de setembro de 2015

Durante iha tinan ida ne’e nia laran (2015), seksaun Prosesu Tribunal Rekursu (TR) foin mak rejista partidu foun tolu (3). 

Partidu sira ne’e mak hanesan, Partidu Centro Acção Sosial Demokrata Timorense (CASDT), Partidu Unidade Dezenvolvimentu Demokratiku (PUDD) no Partidu Movimentu Libertasaun Povu Maubere (MPLP).

“Partidu tolu (3) ne’e partidu rua (2) ne’ebé rejista iha fulan Agostu ne’e maka hanesan partidu PUDD no CASDT, i ida ne’ebé rejista iha fulan Jullu maka partidu MLPM”, informa fonte konfirmadu iha TR ba Jornal Nacional Diário Segunda feira (21/09).

Fonte ne’e informa katak, partidu tolu ne’e priense hotu ona kritériu Tribunal Rekursu (TR) nian, no sira hetan hotu ona desizaun definitivu no públika hotu ona iha Jornal da Repúblika no Prezidenti mós desidi tiha ona, i sira ne’e rekoñesidu ona no tuir lei sira bele asesu ona.

Partidu lima (5) ne’ebé maka koliga sai BUP ne’e la tama ba rejistu foun ba partidu tanba sira ne’e hanaran koligasaun, bloku partidu ne’ebé maka halo koligasaun ne’e hanesan PST, PMD, PARENTIL, PDRT, no PLPA, sira rejista iha fulan Jullu, no iha fulan Jullu ne’e mos Prezidenti despaixu tiha ona no aprova tiha sira nia koligasaun ne’e, ne’ebé sira nia koligasaun legalizadu ona i bele asesu ona.

“Kona-ba partidu hirak ne’ebé maka ninia estatutu, sigla dehan hanesan ne’e, ne’e ha’u hanoin laiha, tanba seidauk iha reklamasaun kona-ba ida ne’e. I kona-ba partidu koligasaun BUP no Frente MUDANÇA ne’ebé maka ita haree ninia kor atu hanesan ne’e ha’u labele koalia, tanba laiha reklamasaun ida hatama mai iha Tribunal Rerkursu dehan hanesan ka la hanesan, entaun ami laiha obrigasaun atu koalia kona-ba ida ne’e. Tanba buat hotu-hotu ne’ebé maka tama mai ne’e ho di’ak hotu”, fonte ne’e hateten.ves

.