Lei Ba Ema Hotu, MP Prontu Investiga Eis PM Xanana

.

Suara Timor Lorosae - 28 de setembro de 2015

DILI-Depois Ministeriu Publiku halo analizasaun no posibilidade halo rekursu ba desizaun arguidu Calisto Gonzaga, kuandu lei autoriza MP prontu investiga eis Primeiru Ministru Xanana Gusmao. Ema hotu hanesan iha lei nia okos.

Tuir Prokurador Geral Republika, Jose Ximenes hatete, depois desizaun tribunal MP sei sei analisa no hare posibilidade atu halo rekursu. Investigasaun kriminal nee ba kada ministeriu idak-idak nian, laos halo ba ida ou rua deit. MP la simu autorizasaun husi neebe deit hodi halo investigasaun, maibe MP so atua hodi halo deit investigasaun. Neebe investigasaun nee segredu justisa nian.

Hau lee jornal dehan tribunal autoriza MP atu investiga eis PM Xanana. Bainhira iha julgamentu, nee kompetensia tribunal nian tomak MP sei la halo intervensaun. Investigasaun kriminal nee ba kada ministeriu idak-idak nian, neebe MP sei la simu autorizasaun husi neebe deit hodi halo investigasaun. 

Maibe MP so atua hodi halo investigasaun i nee segredu justisa nian. Ami labele fo hatene fali agenda investigasaun neeba publiku, selae bele hatene ami nia segredu,”dehan Jose ba jornalista iha Palasio Presidenti da Republika Aitarak Laran, Segunda (28/09/2015).

Nia hatutan, iha prosesu rihun 2700 resin mak iha MP atu halo investigasaun. Entaun kazu neebe mak tama iha MP tenke investiga hanesan deit, labele haree liu ba kazu ida nee ou ida neeba. Kuandu hanesan nee ema komesa halo interpretasaun ba servisu MP nian. Neebe hein deit prosesu nee sei lao, tanba ema hotu iha lei nia oin nee hanesan deit.

Antes nee depois desizaun juis Jose Maria de Araujo hatete tribunal extraia ona sertidaun ba iha ministeriu publiku para loke investigasaun ba sasin Xanana Gusmao. Neebe antes nee mos tribunal extraia ba iha MP hodi halo investigasaun ba sasin Longuinhos Monteiro bainhira sei assume kargu Comandante PNTL nian. Domaingas Gomes/Timotio Gusmao

.