MAUK MORUK MOS IHA CCF

.

Jornal Nacional Diario

Prezidenti Republika (PR) Taur Matan Ruak, rekonhese Mauk Moruk, uluk   hanesan mos Comite Central Fretilin (CCF).

“Maun Xanana to’o agora la simu osan, mas hau mak maun Xanana nia fatin karik dehan la bele simu osan ne’e diak, fasil liu ita la prekupa ita hare deit oinsa ba buka moris diak, tanba atensaun krizi 2006 se’e mak halo Veteranus, imi nia oan Salsinha se’e uluk iha ailaran, Alfredo mate   tiha ne’e se’e nia uluk frente klandestina, sira hamrik atu sobu fali Timor. Ita nia maun Mauk Moruk uluk Comite Central Fretilin(CCF) Xefi Estado Maior Komandante Brigada funu 13 iha ailaran,” esplika PR Taur Matan Ruak wainhira halo dialogu ho komunidade Suku Deleso, Postu Administrativu Railaku, Munisipiu Ermera Kuarta (12/08/2015).

PR Taur reafirma katak, Secretario Estado   Veteranus Meta Malik tauk hatama Veteranus falsu ba Becora.

“Hau ba iha Suku sira ema reklama depois hau hateten ba Secretario Meta Malik katak, hau hakarak Veteranus bosok ten balun tenki hatama ba Becora, agora nia sai tan ona ema ida nunka tama Becora, hau hatene nia tauk, mas hau mak nia hau hatama kedas balun ba kadea, “ tenik PR Taur.

PR Taur   dehan, veteranus   ne’ebe mak rejistu tenki tuir surat   ne’ebe mak   imi prense para   nune’e imi bele aprezenta testamunha, se’e imi nia pergunta   husu deit ba 4 A 7 no 8 A 14 depois imi la konkorda imi bele lori sira ba prosesu lei fo dalan imi lori sira ba iha Tribunal.

“Ita bo’ot sira razaun sira lakon,   se’e ita bo’ot sira la iha razaun sira manan,” dehan PR Taur.

Iha tomada depose VI Governu, PR Taur esplika mos problema Veteranus nian ne’e la fasil.   Tanba ne’e PR husu Veteranus sira labele lakon konfiansa.

“Ita labele fo todan ne’e ba ita nia oan sira, ita nia loron tun ona, sira nian sae, ukun tinan 5 tan sira mak ukun,”dehan PR Taur.

Iha oportunidade PR Taur Matan Rauk hateten, uluk sei iha ailaran kabsada dilegrama ne’ebe mak soe husi inimigu sira.

“Hau uluk ailaran hau lori biru, tiru ne’e bala han deit kaer tolan deit, iha ailaran hau deit mak kabsada dilegarama la iha Timor oan ida mak kabsada dilegrama,tanba ne’e hau fiar adat,” dehan PR Taur. Avi

.