Amu Basílio: Husu Misa ba Governu ne’e Inkonstitusioná

.

Matadalan

Bispu Dioseze Baucau hateten katak membru Governu ka Estadu nia ema ida kuandu husu misa ba Governu ne’e inkonstitusionál tanba iha separasaun entre Estadu no Igreja.

“Ha’u kaer Dr. Rui de Araújo (Primeiru Ministru) nia liafuan ida. Kuandu nia hahú ninia governu, nia husu misa. Ha’u husu ba nia hanesan ne’e, bainó, buat ne’e tuir loloos inkonstitusionál tanba tuir lei iha separasaun entre Igreja no Estadu,” Don Basílio hato’o kestaun ne’e ba sarani sira bainhira prezidi misa ba inagurasaun Igreja Ti’ilou Imaculada da Conceição Viqueque, Sábadu (22/08/2015).

Ema sira estadu nian, tuir nia, labele hatudu sira nia fiar iha públiku. Maibé, Amu dehan, nia (Rui) konfesa katak nia mós katóliku ida.

“Nia dehan hanesan ne’e ba ha’u, Amu, molok sai ema estadu nian, ha’u katóliku ida.  Tanba ne’e, maske iha krítika maibé ami hakarak ami nia governu foun ne’e ho misa ida,” Bispu haktuir.

Bispu Basílio esklarese, timoroan nia partikularidade maka ne’e katak ema kuandu mai Timor, ema hakfodak ho timoroan sira nia fiar ne’e. Dezde hosi primeira figura nasionál to’o sira ne’ebé ki’ik ne’e, Uma Kreda no Maromak sira laiha respeitus umanus , laiha moe, maibé hatudu sira nia fiar ne’e hanesan ema ne’ebé iha konsiénsia kona-ba saida maka sai eskolante kristu nian. (Ekipa Matadalan)

.