PR Taur Defende Militar Obrigatoriu

.

Jornal Nacional Diário - 24 de julho de 2015

Prezidenti Republika (PR) konsistente defende nafatin militar obrigatoriu, se Governu hakarak tau ordem ida ba Timor oan sira tenke tama militar obrigatoriu.

Jornalista JNDiario, Napolão Xavier, ne’ebe akompanha vizita Prezidenti Republika (PR) Taur Matan Ruak nian iha Munisipiu Lautem, Kuarta (22/7/2015), informa katak, liu husi dialogu komunitaria iha Suku Maina I, komunidade sira kestiona maka’as kona-ba nia jovens sira tuir rekrutamentu ba F-FDTL iha kedas 2001, maibe to’o agora la iha nai nida maka liu iha selesaun ba membru F-FDTL.

“Se ita boot sira husu hau katak PR Taur defende serbisu military obrigatoriu, maka hau dehan, hau defende militar obrigatoriu desde hau sei jeneral to’o agora nudar Xefi Estado Maior das F-FDTL,” afirma PR Taur Matan Ruak.

PR Taur aprofunda katak, suku barka nia oan maka la liu teste ba selesaun F-FDTL, tanba liu husi vizita ba suku lubuk ida iha teritoriu Timor laran tomak, komunidade sira mos sempre levanter kestaun ida henasan ho preokupasuan komunidade Suku Maina I nian.

“Presidente nia hanoin, Presidente nia hakakrak ita hotu –hotu tama forsa, maibe Governu dehan osan la to’o i balun ne’ebe mak atu tama forsa tenki teste, ida ne’ebe mak liu tenki ba tama forsa, ida ne’ebe mak la liu nia la tama forsa,” hasteten PR Taur.

PR Taur dehan, rekrutamentu militar iha kriteriu, tanba joventude nia numeru aumenta maibe militar menus. Tuir target, Governu nian sei autoriza para rekruta deit   militar hamutuk ema 3.500, maibe agora militar sira foin mak atinzi 2.000. Ne’e duni aban ba rua kuandu iha teste militar PR Taur husu joven Suku Maina I sira   bele partisipa.

.