Mensajen hosi povu Laga, Baguia no Kelikai ba Deputadu sira

.

Distintu Deputadu sira,

 Ami povu husi Laga, Baguia no Kelikai husu ba Señor  deputadu sira atu forma komite inkeritu, hodi hatan ba preokupasaun povu nian kona bá hahalok aat Komandu Operasaun Konjuntu iha ami nia aldeias.

Komite inkeritu ida hodi halibur aktu violasaun no brutal sira ne'ebe membru Hanita halo hasoru povu inocente.

"Povu hetan agressaun oi-oin hanesa: baku, tebe, tuku, violasaun direitus umanus no futu inklui insulta no hamoe iha ema barak nia oin".

Tanba ne'e ami nudar eleitor husu ba ami nia reprezentante iha Parlamentu Nacional atu investiga no prosesa kazu violasaun hasoru povu nune'e sai dokumentu esperiensia ida hodi la repete violasaun direitu umanu iha futuru.

Haree barak husi natar karau kuda han hotu no populasaun nia karau no kuda karau tamba rai naruk monu mate dodook tiha.

Hahu semana ida tomak populasaun la sai husi uma no hein atu hetan investigasaun no insultu husi autoridade seguransa.Labarik sira tauk la sai husi uma no hamosu traumatiku iha povu nia memoria.

Povu sente laran taridu no lakon sentimentu nain ba forsa rua tanba intimida sira hanesan inimigu boot ba RDTL. Ami hakarak KOK servisu hodi proteje ami povo ki'ik la'os servisu hasoru  ita tanba ami sala laek.

Populasaun husi ida ba ida hakarak lao dook husi fatin ne'ebe sira hela tanba sira sente la iha valor umanu iha forsa.

Hanita nia matan no moe hela iha sosiedade nune no moe hare forsa brutal sira nia oin.Povu terus ona barak bá rai ida ne'e, ami lakoi terus tan. Ami iha direitu tomak hodi moris iha nasaun ida ke livre, demokratiku no justu, la'os moris fila fali iha ditadura nia laran hanesa iha tempu Indonezia nian.

Espera katak señor deputadu sira bele foti asuntu ne'e ho urjensia iha plenaria Parlamentu Nasionál. Ami povu merese moris iha  paz nia laran, funu hotu ona, ami povu la bele sai tan vitima hosi polisia ka Forsa nian.

Ami fiar  katak ita nia representante iha Parlamentu Nasionál bele foti rezolusaun ruma hodi kondena maka'as KOK ninia hahalok hasoru ami, povu inosenti.

Karik Estadu Timor-Leste nian la proteje ami sidadaun, sé tan maka proteje ami?

Obrigado Wain.

Salustiano Pereira

.