PN Husu KOK Labele Proteje

.

Jornal Nacional Diário - 12 de junho de 2015

Deputadu Bankada Partidu Demokrátiku (PD), Virgilio Hornai husu Komandu Operasaun Konjunta (KOK) labele lansa informasaun falsu iha públiku nia leet, wainhira seidauk kaptura Mauk Moruk (MM). Tanba halo públiku pániku deit.

“Komandante sira ne’ebé que halo operasaun labele fó komentáriu ba mai katak sira konsege deteta ona Mauk Moruk (MM) nia subar fatin ka abrigu, mas ikus mai rezultadu operasaun laiha, que la konsege kaptura Mauk Moruk. Ne’e quer-zer que fó informasaun falsa ba públiku,” hateten deputadu Virgílio Hornai ba Jornal Nacional Diário, iha Uma Fukun Parlamentu Nasionál (PN) Kinta feira (11/6) ne’e, relasiona ho informasaun ne’ebé mak espalla iha públiku nia leet katak, KOK identifika ona MM nia subar fatin no iha tempu badak KOK sei kaptura, maibé iha realidade operasaun KOK nian ne’e la’o ona fulan rua resin maibé MM seidauk kaptura nafatin.

Virgílio Hornai afirma katak, komandante sira ne’ebé mak halo operasaun iha terrenu maibé fó sai informasaun ba públiku tenke fó medidas disiplinar ba nia.

Entretantu, Deputadu bankada CNRT, Agostinho Lay konsidera katak, atu kaptura Mauk Moruk, só ema hotu tenke tau aas interese ema hotu nian, labele tau interese pesoal ka grupu nian mak uluk liu. Tanba tuir deputadu Agostinho Lay, iha sidadaun balun mak koopera ho Mauk Moruk hodi proteje Mauk Moruk.

“Atu ema importante ka la importante, katak iha ema balun halo servisu koperasaun ho nia (MM), labele hateten katak ema ne’e forsa, lideres polítikus ita la temi mas iha ida rua, ita nia sidadaun halo koperasaun no proteje. Ida ne’e mak sé ita husik naruk ba bei-beik ita nia rai ne’e sei la seguru,” hateten deputadu Agostinho Lay.

Tanba dehan Agostinho Lay, tuir konstituisaun RDTL hateten klaru katak, ema ne’ebé uza farda militar no kaer armas só Falintil Forsa Defeza Timor Leste (F-FDTL) no Polisia Nasional Timor Leste (PNTL), maibé ema kualker labele fardadu militar.

Deputadu bankada CNRT ne’e refora katak, presiza buka hatene hun husi ne’ebé mak la kaer no sé mak servisu hamutuk ho nia hodi buka tuir para bele hatene.

“Sé iha ema rua mak servisu hamutuk ita ba buka tuir tanba saida? Ita labele tau todan ba ita nia forsa i ita labele tau todan dehan ita nia forsa estraga osan, e to’o agora seidauk kaer la’os sira nia sala, maibé ita tenke buka tur hamutuk buka solusaun,”deputadu Agostinho Lay.

Deputadu bankada CNRT ne’e hatutan, persiza buka tuir hatene hun husi tanba sa maka la kaer e semak servisu hamutuk ho nia buka tuir para bele hatene.

“Se iha ema rua mak servisu hamutuk ita ba buka tuir tanba saida? Ita labele tau todan ba ita nia forsa e ita labele tau todan dehan ita nia forsa estraga osan, e to’o agora seidauk kaer laos sira nia sala, maibe ita tenke buka tur hamutuk buka soslusaun,”deputadu Agustinho Lay.

Iha fatin hanesan deputadu bankada FRETILIN Manuel Gaspar Soares da Silva hateten katak, KOK hala’o operasaun durante ne’e la konsege kaptura MM, maibé fiar katak KOK sei kaer ulun bo’ot KRM ne’e.

“Forsa F-FDTL ho PNTL sei buka nafatin, maske ita hotu hatene gasta orsamentu U$ 2 milloes ba operasaun ida ne’e i osan ne’e hotu mós seidauk konsege kaer ita fó tan osan para bele kaer, para nia (MM) kopera justisa,”dehan deputadu Manuel Gaspar.

Deputadu bankada FRETILIN sublinha katak, enkuantu Mauk Moruk hakarak muda buat ruma iha Governu ka iha Estadu ida ne’e lei fó dalan atu hari’i partidu.

“Tuir régras Konstituisaun Mauk Moruk bele forma partidu ida para povu apoiu nia karik, nia bele ukun rai ida ne’e, la’os ho hahalok krime e hahalok ne’ebé atu pertubra ema sel-seluk nia hanoin no ema sira seluk nia servisu para atu estraga rai ida ne’e,”tenik deputadu Manuel Gaspar.

Deputadu bankada FRETILIN sublinha katak, enkuantu Mauk Moruk hakarak muda buat ruma iha Governu ka iha Estado ida ne’e lei fó dalan hari’i partidu.

“Tuir régras Konstituisaun, Mauk Moruk bele forma partidu ida para povu apoiu nia karik nia bele ukun rai ida ne’e, laos ho hahalok krime e hahalok ne’ebé atu pertubra ema sel-seluk nia hanoin no ema sira seluk nia servisu para atu estraga rai ida ne’e,”tenik deputadu Manuel Gaspar.

Tanba ne’e nia dehan, tenke iha régras para bainhira informasaun fó sai, see maka bele fó sai labele hotu-hotu fó sai informasaun atu nune’e labele fó distorsia informasaun.

“Operasaun ida ne’ebé que bele rezulta kredibilidade instituisaun Seguransa Estadu ninian tanba operasaun naruk demais mas rezultadu la hatudu másimu. Rezultadu hatudu masimu katak ninia membru sira bele kaer la’os balun rende deit,”katak nia.bal

.