Angelita Pires Kontinua Kandidata-An Iha 2017

.

Jornal Nacional Diário - 22 de maio 2017

Eis kandidatura Presidente Repúblika iha eleisaun Prezidente Repúblika (PR) 2012, Angelita Pires afirma katak, nia sei kontinua kandidata-an nafatin iha eleisaun PR iha tinan 2017.

“Ha’u iha intensaun tomak atu kandidata nafatin iha 2017, importante tebes ha’u atu manan ka lakon feto mos bele, importante mos feto bele hamriik iha nivel politiku palku internasioanal,” hateten Angelita Pires ba Jornalista sira iha Hotel Novohorizonte Metiaut, Dili, Tersa (19/05/2015).

Nia hatutan, kualker kandidatu ida atu hetan garantia los   difisil ne’e depende ba povu maka bele hili, mas povu agora hare ona atu halo mundansa ruma, povu komesa kompriende ona katak, tempu to ona para komesa muda ona lideransa no hakat ba oin nune’e bele fo dalan ba fo dalan ba ema seluk.

“Ba ha’u importante kolega feto maluk jerasaun foun no kolega partidu politiku hotu-hotu importante sira mos tenki hakat ba oin, ita hotu hamutuk kaer liman I hatudu ba povu jerasaun foun iha duni intensaun diak intensaun mos,   ne’e duni iha inisiativa diak, partidu ne’ebe deit jerasaun foun fo malu diak unidus para lori rai ne’e ba oin,”tenik Angelita Pires.

Angelita Pires akresenta katak, iha eleisaun 2017 mai ne’e, iha partidu rua ka tolu inklui mos partidu Fretilin sei fo apoiu ba nia hodi kandidatura.

“Hanesan imi rasik hatene, hau apoiu maka’as mos ita nia Partidu Fretilin ne’ebe maka uluk kedas 2012 hau apoiu Dr Luolo I se’e karik Dr. Lu-Olo atu konkore mos ha’u sei apoiu,,”katak Angelita Pires.

Angelita Pires hateten, maske iha tinan 13 krizi oituan iha Timor Leste, maibe ida ne’e nomal, mas Timor Leste konsege atrvesa konsege domina, entaun ohin loron povu hakarak moris iha estabilidade.

“Agora maka ita tenki hahu pas konkreta ita tenki hahu ita nia setor judidisial hametin tan atu ema bele fiar ita.   Komunidade Internasional investedores sira bele hare katak, ita ukun ona, ita respeita lei ita hetan ona estabilidade,”dehan Angelita pires.

Nia dehan, iha eleisaun 1999 nian povu barak maka hetan trauma   no barak maka sai ba tritoriu Indonesia, besik   duzentus mil maka fila to 20 Maio restaurasaun duzentus mil pesoas fila mai Timor Leste. Ne’e asuntu ne’ebe maka importante, tanba iha rekonsilisaun ba estabilidade ne’e kapas Timor oan hotu hamutuk kaer kuda tali.

“Dia 28 Novembru 1975 nian maske Fretilin I povu rasik simu ita nia rai independente, maibe komunidade Internasional seidauk simu, depois dia 20 Maio maka komunidade Internasional simu Timor Leste hanesan Estadu soberanu,”hateten Angelita Pires.

Iha opoturnidade ne’e Angelita Pires fo parabens jerasaun tuan   1975, Kay Rala Xanana Gusmão tanba bele loke ona dalan ba jerasaun foun.

“Ita haree tuir Sr. Xanana Gumão nia lideransa ne’ebe tuir nia hahalok ne’ebe maka nia entrega ba Dr. Rui Araujo ne’e kapas tebes mundu tomak admira,”dehan Angelita Pires.

Tempu to’o ona, nasaun mos hein, povu mos tau matan ona agora Timor oan tenki buka halo oinsa para tu’ur hamutuk resolve problema ida rua tuir dalan pasifika,, tanba povu hotu hakarak estabilidade I hakarak dezenvolvimentu ba oin.

“Ikus mos hau hakarak fo parabens ba Partidu Fretilin ne’ebe iha 1975 sira hahu deklarasaun Independensia Timor Leste nian I 20 Maio 2002 sira maka restaura rasik, entaun partidu Fretilin ne’e importante tebes ba povu, importante tebes ba ita nia istoria, sira nia lideransa halo sira nia vida ne’ebe maka furak tebes. Hau hakarak fo parabens ba Dr Mari Alkatiri no Francisco Guterre “Lu-Olo” ba lideransa hotu Fretilin parabens,” haklaken Angelita Pires.nax

.