MAUK MORUK HARUKA MENSAJEN IDA BA IMI HOTU

.

Timor Hau Nian Doben - 10 de abril de 2015

Husi via telefone, eis komandante Falintil, Mauk Moruk, hakarak haruka mensajen ba ema hotu-hotu  no dehan katak nia " kondisaun diak hela iha fatin seguro hamutuk ho aswain hotu kompleto".

"Maske polisia tenta kaptura hau, sira frustradu tebes tanba buka hau la hetan. Agora hau iha fatin seguro, saúde diak, no hau nia membru sira husi Konsellu Revolusaun Maubere - Fretilin Movimentu, ami seidauk hetan kapturasaun hosi Komandu Operasaun Konjunta, povu inosente mak sai vitima ba projetu rezolusaun governu ilegal Rui Araújo nian.

Hau hakarak husu ba governo ilegal hodi hapara torturasaun no intimidasaun ba ema iha Baukau area, tanba sira povu inosente la sala. Operasaun ilegal ne'e hasoru hau no hau nia membru sira, gasta mak osan povu nian arbiru de'it.

Povo sei moris iha mukit no susar nia laran, maibe  sira gasta povu nia osan hanesan sira nian. Depois sira dehan katak hau mak ema kriminozu, Nain Maromak mak sei foo julgamentu final, hau ka sira mak kriminozu? Justisa Maromak nian mak sei determina.

Hau hakarak agradese ba imi hotu ke fo imi nia suporte mai hau, no dala ida tan hau hakarak dehan katak hau iha fatin seguru, saúde diak no hau fiar katak Maromak sei tulun hau, no hau nia maun alin sira.

A LUTA CONTINUA!"

.