Maun Boot Horta rasik mak fui fali gajolina ba ahi nee nia laran

.

António Ximenes - Facebook

Boa noite maun boot Horta.

Tamba ita hotu iha hela linha FB, nunee, atu hatoo hela deit ba katak, hau hare ba iha ita rain, agora dadaun, hanesan, ahi lakan uituan, nunee percisa duni ema hanesan maun boot Horta atu buka hela dalan diak ruma hodi hamate tiha ahi nee, mai be hau hare didiak ba hanesan, maun boot rasik mak fui fali gajolina ba ahi nee nia laran. Favor ida, la bele underestimate ka considera casu sira nebe hanesan halo ona ema balun terus ne’e la vale iha maun boot sira nia oin, ka casu nee hansean kiik? 

Maun boot sira bele usa forca nacao nian hodi hanehan deit, mai be historia mundo nian nebe maun boot sira rasik mos hatene katak, usa forca politica no kilat ka forca nacao nian nee nungka bele resolve problema nia hun, mai be rahun mak iha. 

“Povu mak sei sai vitima nafatin”

Ema barak mos dehan, povu kiik sira mak hakarak involve nafatin iha casu Mauk Moruk nian, nunee sira merese han hotu? Mai be tuir hau hatene uituan, casu neba nee hanesan, cosecuencia husi contradicao entre katuas Xanana ho Mauk iha tempo luta nian nebe halo tiha ona Timor oan sira balun sai terus mak sei lao nafatin too ohin loron. 

Los duni, maun boot Ruac hanesan Presidente da Republica dehan duni ona katak, tengki haluha buat funu nian. Sim, nee los, mai be casu neba nee hansaen ida nebe uluk halo terus ona ema balun mak sei lao dadaun, nunee husu atu haluha deit nee, la facil. Saat tan hatama ona ema ba kadeia la ho salah,….e at liu tan, ema nebe Tribunal condena dadaun hanesan halo crimi nee, maun boot sira ba buka dalan hodi salva fali?

Diak liu, resolve problema nacao nian, hahu husi nia fukun. Hanoin ida nee, hau hetan husi katuas Lu Olo. No hau hare ba katak, katuas nia hanoin neba nee sei relevante ho caju Mauk Moruk no artimaargian nian.
Hau preucupa uituan ho caju rua neba nee tamba:

1. Parlamento halo resolucao taka artimargiais, dehan tamba jovens sira baku malu, maibe realidade hatudo, taka tiha artimagiais, ema oho malu sai sadis liu fali. Nee katak taka artimargiais, laos solucao nebe diak, nunee maun boot Horta husu hela ba Sua Ex. PM para loke fali artimargiais, hodi nunee ita nia alin sira bele halao fali sira nia actividade desporto nian, duque husik sira treno clandestine no buka oho malu. Importante mak, define lei nebe diak hodi sira lao tuir; no

2. Resolucao hatama Mauk Moruk ba kadeia nebe dehan, tamba halo crimi, mai be too sai fali mos salah la hetan. Agora problema sai complicado uituan. Nee tamba, gasta tan ona povu nia osan hodi halo operacao no halo povu kiik mak sai vitima nafatin. Hanesan mos hamosu karik injustice ona. Nunee, diak liu buka dalan diak lori katuas nain rua halo hela reconciliacao.

Hanoin ida nee hanesan contribuicao ba caju rua nebe lao dadun iha ita oin.

Desculpa, tamba iha nee tuku 2 dadersan ona be, karik iha assunto gramatica ruma mak salah coloca karik, husik liu. 

Obrigado, adeus!

.