Mauk Moruk nia krime mak ne’ebé, imi kriminozu laran-makerek sira?

.

 Zizi Pedruco - Tradusaun bá Tetun  hosi  leitor ida

Dala Ida tan Komandante Mauk Moruk mak sai notísia boot iha jornál sira, dala ida tan nia hetan akuzasaun “terrorismo”, “kria instabilidade” no ha’u lahatene saída tan mak kriminozu sira-ne’e gosta atu inventa, lós duni, tamba governu Xanana nian maka terrorista, Xanana nia governu mak kria instabilidade iha rai laran, Xanana nia governu mak na’ok hosi kofre sira estadu nian, hodi halo timoroan rihun atus-ba-atus moris iha ki’ak no mukit rabat-rai nia laran.

Maibé ita labele akuza de’it laran-makerek sira ne’ebé mak tuur iha Banana nia governu, ita fó kulpa mós ba deputadu kriminozu sira iha Parlamentu Nasionál no Fretilin moe laíha no ibun taka metin.

Ba animál sira hotu temi iha leten iha interese atu duni tuir Mauk Moruk, iha interese desvia atensaun públiku nian ba Mauk Moruk, nune’e atu sira bele asalta nonok osan povu nian, hanesan aswain tan. Haree de’it projetu Oecusse atu taka de’it mau-badak nia ibun (butamak ne’e agora governu liu fali governu rasik), tokon hira tan mak hetan aprova ba Orsamentu Jerál Estadu nian, ida-ne’e krime ka la’ós krime, laran-makerek sira-ne’e devia julgadu hotu ka lae, entaun PORRA PÁ, HUSIK HAKMATEK MAUK MORUK, IMI KRIMINOZU SIRA! Imi bá duni tuir mak Prezidenti Parlamentu Nasionál no lori “kabraun” ida-ne’e ba julgamentu, imi sei hein tan saída, imi té-kabubu sira-ne’e?

Nia inkomoda imi, lós ka lae? Nia dehan buat lós barak, lós ka lae? Imi nia ukun hanesan asu-naoktén hetan ona ameasa, lós ka lae? To’o ohinloron laíha ema ida mak iha tomate-fuan (atu uza de’it liafuan señor komandante nian) atu hasoru imi-nia aktu kriminozu sira, buat hotu-hotu halo de’it, NA’OK DE’IT!

Mauk Moruk Timor nia oan di’ak ida, imi hotu hatene ida-ne’e, jenerál Lere hatete iha entrevista ida, fulan balu liu bá, ba jornál timorense ida katak nia la fiar katak Mauk Moruk hakarak halo aat ba Timor, imi mós hatene ida-ne’e, imi kriminozu sira, maibé hatene loloos oinsá atu provoka nia, oinsá hakfilak nia ba monstru ida ba opiniaun públiku nia oin, fásil tebtebes! MAIBÉ HA’U LA FIAR IMI, HA’U HATENE KATAK KOMANDANTE MAUK MORUK HAKARAK TIMOR NIA DI’AK NO BA POVU TIMORENSE! IMI MAK LA’ÓS NUNE’E!

Komandante Mauk Moruk ema ida midar, DI’AK, LARAN-MÓS, ho hanoin metin, hakarak tebtebes Timor nia di’ak, LA HAKRUUK HANESAN ALKATIRI, LA FÁN NINIA KLAMAR BA DEMÓNIU HANESAN MAU-BADAK NO SELUK TAN, maibé nia iha “defeitu boot” balu no lalika provoka nia. Nia ema ida ran-nakali lalais, nia lakon kedas postura no hakmatek bainhira iha INJUSTISA nia oin, ko’alia maka’as, laiha travaun, saída de’it mak nia hanoin sai kedas hosi ninia ibun. Hirak-ne’e maka defeitu sira-ne’ebé halo ha’u admira nia no iha kariñu barak ba nia. Indonésiu para tauk nia, ne’e lós tebtbes! Maibé nia LA’ÓS FÁNDÓR, NIA LA’ÓS TRAIDÓR IDA!

Loron balu liubá ha’u, bainhira ha’u ko’alia ho nia, ho halimar ha’u sei hirus uitoan nia tamba buat balu ne’ebé mak nia dehan, nia explika mai ha’u ho hamnasa ho kariñu bainhira ha’u la konkorda ho nia. Bainhira atu desliga ona ha’u-nia mata-bén mós monu, ha’u hatene karik nia la reaje didi’ak liu, maibé nia ema ida ne’ebé mak iha SOFRIMENTU barak iha nia fuan, fuan-moras barak, trauma barak. See mak ha’u, atubele julga fali nia? Ha’u bele ninia oan-feto ida, ninia fén ema indonésiu tesi kakorok no ninia família barbarak asasinadu, nu’udar deskulpa ba saída mak nia dehan no iha reasaun ne’ebé mak nia iha ohinloron? Se governante “filhos da puta” sira bele perdua autonomista sira ne’ebé oho ita-nia maun-alin sira rihun atus-ba-atus, sira labele hako’ak Mauk Moruk hanesan maun ida no elementu ida válidu rezisténsia nian? Imi devía halo, imi asu kriminozu sira!

Maibé afinál, dala ida ne’e tan, Mauk Moruk nia krime mak ida-ne’ebé? Dala ida tan kriminozu sira mai lohi ita, sira la laran-mós ho públiku! Mauk Moruk hetan ataka ho kilat iha Laga hosi polísia no povu hamriik hodi defende hosi tiru fuik hosi PNTL! Tuir Kódigu Penál país sivilizadu sira-nian, reasaun hosi povu nune’e iha naran ida, LEJÍTIMA DEFEZA! Mak ema ruma ataka ha’u, ha’u defende ha’u-nia an, balada fuik sira mós iha institntu ida-nune’e. Ha’u hatete-hikas, PNTL MAK ATAKA ULUK HO TIRU HASORU POPULASAUN INDEFEZA, HATETE-HIKAS, HO TIRU!

Saída mak Mauk Moruk halo-hela bainhira polísia ba ataka sira? Komandante ba pasa Natál no Tinan Foun ho ninia família iha Laga, Baucau, no populasaun mak hakarak ko’alia ho nia kona-ba ninia detensaun iha kadeia fulan sia nia laran no “krime” mak tamba sira hasa’e bandeira Falintil, Fretilin no RDTL.

Tamba de’it sira hasa’e bandiera hirak-ne’e, ne’ebé pertense ba ITA HOTU, NE’EBÉ PERTENSE BA POVU MAUBERE TOMAK, motivu ba ajente sira seguransa nian ataka sira ho tiru. Maibé bainhira ona maka ajente sira lei no ordem nian iha permisaun atu tiru hasoru populasaun desarmada (laiha kilat)? Resposta: Salak Xanana fó ordem, butamak ida-ne’e maka lei aas liu Timor-Leste nian, bainhira nia sei ukun lei ai-laran nian mak sei vale! SAI BA LI’UR Ó HALO-ÁN!

Jornalista ida ha’u-nia belun, ema aviza nia loron tolu molok buat sira akontese iha Laga, dehan ba nia katak buat ruma “aat” atu mosu ba Mauk Moruk no “katak lasu ida Xanana mak monta”. Lasu ka lae, mosu duni! Imi hatene Alex gosta kria problemas, desvia povu nia atensaun atu ema ida labele kestiona buat aat  sira iha ninia governasaun nia laran, korrupsaun, inkompeténsia, NA’OKSAUN no ho tan puta sira-ne’ebé hahoris sira!

Ó SAI ONA BÁ, XANANA! BÁ KUDA LAKERU MAU-HALOÁN, NO LORI ALKATIRI HO Ó!

Nota: O Timor Hau Nian Doben gostaria de agradecer a amabilidade de um leitor por ter traduzido maravilhosamente bem esta opinião da Zizi Pedruco. Muito, muito obrigada! Abraço. Zizi

.