Hafoin Hetan Perdaun, MP "Dada" fila Lucia ba Tribunál

.

Jornal Independente - 15 Setembru 2014

Díli - Ministériu Públiku (MP) hatama ona akuzasaun foun hasoru eis Ministra Justisa Lucia Brandão Freitas Lobato ba Tribunál Distritu Díli.

Akuzasaun ne'e mós hasoru eis Diretora Sevisu Prizaun Gleno, Elena Madeira. Kazu ne'ebé akuza ba arguida na'in rua ne'e maka relasiona ho reabilitasaun Prizaun Gleno ne'ebé tuir akuzasaun ne'ebé tuir akuzasaun ne'e halakon osan ba Estadu TL.

Arguida Lucia foin hetan indultu Prezidente Repúblika. Nia hetan pena prizaun tinan lima (5) iha tinan 2012, tanba involve kazu partisipasaun ekonomika no negosiu iha IV Governu Konstitusional (Gpvernu Aliansa Maioria Parlamentar).

Maibé hafoin hetan indultu iha loron 30 fulan Agosto tinan ne'e, Ministériu Públiku akuza kedas ho kazu foun no hatama ona ba Tribunáç Distritu Díli iha loron Kuarta (10/09/2014).

Dokumentu akuzasaun husi Ministériu Públiku kontra eis Ministra Justisa ho eis Diretora Prizaun Gleno ho numeru ne'ebé dokumentu "NUC 2045/10.PDDIL, arguida Lucia B. Lobato e outros."

Kona ba akuzasaun foun hasoru Lucia ho nia eis diretora, Juiz Administradór Tribunál Distrito Díli, Dr. Juiz Duarte Tilman rekoñese katak los duni nia parte simu ona akuzasaun foun husi Ministériu Públiku nu'udae krime hotu-hotu ninia na'in iha nasaun Repúblika Demokratika Timor-Leste.

Nia dehan, Tribunal iha regras distribuisaun. Bainhira sira halo tiha kappa ka kazu arhuida na'in rua, mak foin fó kompetensia ba juis Administradór sira halo distribuisaun. Distribuisaun tuir kodigu prosesu ne'ebé sei halo de'it iha loron segunda ho kinta lorokraik.

Tuir nia, juis prosesu mak iha kompetensia atu marka julgamentu ou rezeita akuzasaun ne'e.

"Maibé kuandu juis prosesu dehan, akuzasaun ne'e priense rekezitus, merese tenke julga ba mak ita prova, entaun nia marka loron atu julgamentu. Ita hein oituan basta ha'u hatete dehan, labele julga ema iha dalan. Husik autor judisial sira halo sira nia servisu ba, kuandu imi la konkorda karik, buka advogadi di'ak ka ko'alia ho prokurador sira hodi halo rekursu ba desizaun ne'ebé mak Tribunál halo," hatete Juis Administradór Tribunál Distritu Díli, ba jornalista sira iha Salaun Delta Nova, sesta foin lalais ne'e.

Maibé, Advogadu privadu, arguida Lucia M. Brandão Freitas Lobato, José Camões rejeita akuzasaun ne'e. Nia dehan, seidauk simu akuzasaun ne'e husi Ministériu Públiku.

"Ha'u seidauk simu," hateten Advogadu ne'e ba jornalista sira, iha Tribunál Distritu Díli foin lalais ne'e.

.