Novembru, TDD Julga Ministra Pires

.

Jornal Independente - 19 Agostu 2014

Díli - Tribunál Distrital de Díli (TDD), oras ne'e marka ona orariu atu halo julgamentu ba kazu Ministra Finansas (MF), Emilia Pires iha loron 27 fulan Novembru tinan ne'e.

 Ofisiál Justisa iha Tribunál Distritu Díli, ne'ebé lakohi publika nia naran hatete. oras ne'e juis ne'ebé kaer prosesu kazu arguida Emilia Pires atuál Ministra Finansa deside ona loron 27 fulan Novembru tinan ne'e hodi halo julgamentu.

"TDD liu husi juis ne'ebé kaer prosesu ne'e tau ona ajenda iha loron 27 fulan Novembru atu halo primeiru julgamentu ba arguida Emilia Pires," hateten Ofisial Justisa iha Tribunal Distrital Dili ba jornalista sira iha Tribunál, horseik.

Arguida Emilia Pires, deskonfia komete krime de Não Partisipasaun Ekonomiku, ne'ebé regula iha 299 Kodigu Penal Timor-Leste.

"Krime Não Partisipasaun Ekonomiku," hateten Ofisial Justisa ne'e.

Entretantu Juis Administrador Distritu Dili (TDD) Duarte Tilman, hateten, Tribunál Distritál Díli, (TDD), iha loron Tersa (29/7) ne'e simu ona prosesu akuzasaun husi Ministériu Públiku (MP) hasoru Emília Pires atuál Ministra Finansas ho Madalena Hanjam, eis Vise Ministru Saúde.

"Mai too iha Tribunál horseik ha'u verifika ona iha ha'u nia Sekretaria Judisial haree dehan rejistadu ona iha TDD, ho arguida na'in rua, Emilia Pires ho Madalena Hanjam konstituidu arguida iha ona akuzasaun kontra sira na'in rua, Tuir marsa prosesual ne'e rejistadu iha Tribunál ba iha sesaun krime ho numeru prosesu jeráç ne'e iha ona 12/20012," hateten juis Administradór TDD, Duarte Tilman ba jornalista sira, horseik.

"Agora ne'e ita hein deit orsida halo distribuisaub prosesu ne'e monu oha juiz se, kona ba kontuidu husi akuzasaun akuza ho krime said juiz Administradór la hatene, so juiz de prosesu mak hatene kazu ne'e," dehan Duarte Tilman.

Maibé tuir informasaun ne'ebé nia rona katak, arguidu sira la'os prezu. Maibé sira hetan Termu Identidade Residensia (TIR) de'it.

.