Membru Task Force Baku Rivaldo To'o Tama ICU

.

Jornal Independente - 7 Agostu 2014

Díli - Oknum Task Force baku joven ida ho naran Rivaldo Amaral Soares Fernandes (28) iha Bairru-Pité, loron 30 Jullu 2014, rezultadu husi asain ne'e, halo vítima ta,a ICU Ospitál Nasionál Guido Valadares, tanba nia ruin balun tohar.

Tuir maun husi Rivaldo, Yohanes Nu Balonan katak, kronolojia akontesimentu ne'e tanba tuku 8 kalan, iha problema entre joven sira iha bairru laran ho labarik sanggar (fatin artezanatu) sira.

Iha kalan ne'e joven sira konsegue tuda malu no labarik sangar sira konsege duni sai joven sira ne'ebe halo asaltu ba sangar ne'e, no ikus mai joven sira lori fali ema seluk ne'ebe la'os parte husi bairru laran hodi asaltu ba sanggar.

Hafoin ne'e, iha tuku 10 kalan komunidade sira liga ba Task Force Distritu Dili no konsege hetan intervensaun husi Task Force no ikus mai halo kapturasaun ba sira nain haat (4), inklui Rivaldo ne'ebe daudaun ne'e baixa iha ospitál.

"Sira rasik la hatene kazu ruma akontese iha ne'eba, tanba uma ne'e andar, entaun sira iha andár leten pois polisia ameasa sira, maibé nia dukur hela. Polísia ameasa dehanm se imi lakohi tun ha'u tiru mate imi de'it, entaun nia mós ta'uk nua halai tun mai depois polisia simu nia ho tuku-tebe ikus mai simu pankada iha ninia kostela (ruin sorin) no agora dadaun baixa hela iha ICU Ospital Nasionál," dehan Yohanes, iha Sentru Konvensaun Dili (SKD), horiseik.

Antes ne'e, ospitál halo ona operasaun ba vítima Rivaldo hodi hasai nia ook, maibé tanba sei raan nafatin ne'e duni doutór rekomenda atu halo tan operasaun ba daruak hodi normaliza vítima nia kabun laran.

Aleinde ne'e nia dehan, iha unidade Task Force ida mak ba hodi halo intervensaun ba labarik sira ne'e, no baku labarik sira la'os iha li'ir, maibé polisia ne'e halai tama ba laran hodi dada sira sai husi uma laran mai hodi baku.

Relasiona ho kazu ne'e, família vitima hato'o ona keixa ba iha Parlamentu Nasionál no PNTL atu beleinvestiga didi'ak unidade ne'ebe envolve iha kazu ne'e, tanba kazu ne'e repete beibeik ona.

Tanba ne'e nia ezije ba komandu atu halo transformasaun mentalidade ba membru Task Force sira, tanba labele forma ema atu oho ema, maibé atu eduka ema.

Entretantu ba kestaun ne'e Sekretáriu Estadu Seguransa (SES), Francisco Guterres hateten, to'o oras ne'e SES seidauk simu keixa ruma husi família vítima. Maibé quandu simu sei foto medidas ba kazu ne'e.

Tanba, Sekretariu Estadu Seguransa dehan, presiza haree husi parte rua, entaun sira nia parte husi +ara sira hato'o keixa eskrita para hodi halo investigasaun hafoin ne'e mak sira parte foti medidas.

.