Lúcia Lobato Alta Ona

.

Timor Post - 05 Agostu 2014

Díli - Kondenada Lúcia Lobato alta ona hosi Hospitál Nasionál Singapura, tanba rezultadu estolójia laiha problema, maibé tenke check up fulan tolu (3) hodi rekoopera totál.

Tuir diretór Diresaun Nasionál Apoiu Serbisu Hospitálares no Enkamiñamentu Ministériu Saúde, Horacio Sarmento katak, Lúcia Lobato alta ona hosi Hospitál Nasionál Singapura hodi fila mai Timor.

"Lúcia hafoin halo check up kompletu liuhosi rezultadu laborat´riu doutór sei identifika katak, nia laiha problema ba moras ne'ebé maka nia sofre," hatete Horacio ba jornalistas iha nia serbisu fatin, Ministériu Saúde, Caicoli, Díli, Segunda (04/08).

Horacio hatutan, kona-ba rezultadu estólogia, médiku sira identifika duni buat balun hosi rezultadu estológia, maibé la presija baixa, maka hosi ospitál Singapura fo alta.Maibé, tuir pedidu doutór sira hosi Singapura katak, kada fulan tolu Lúcia tenke fila check up ba nia kondisaun saúde.

Relasiona asuntu ne'e Timor Post tenta halo konfirmasaun ba diretór ejekutivu Hospital Nasionál Guido Valadares, maibé lakonsegue tanba okupadu hela ho nia serbisu,

Transferência Lúcia Lobato ba Singapura akompaña hosi membru junta médiku, doutór Andrade, tanbá médiku ne'ebé maka akompaña moras tenke iha espesialidade ba moras pasiente. (Ido)

.