Alunu Menoridade Hetan Violasaun Seksuál - Ministériu Sei Fó Sansaun

,

Imagem de Casa Vida, Facebook.

Timor Post - 22 Agostu 2014

Díli - Aluna Eskola Filial Manucassa ho idade menor foin lalais hetan violasaun seksuál hosi nia professór ho inisial JM ne'ebé sei iha relasaun familia. Kazu ne'e rasik oras ne'e iha ona Tribunál.
.

Tuir informasaun, aluna refere oras ne'e mai ona iha uma Mahon Casa Vida hodi hetan protesaun intensivu hosi parte Saúde ba vítima nia saúde. Aluna refere ho tinan 6.

"Informasaun klaru no ofisiál ba assuntu ne'e, Ministériu Edukasaun seidauk simu. Maibé lia anin ami hetan ona. Agora dadaun ami haruka ona ekipa inspetoria hodi halo verifikasaun identifika informasaun ne'e loos duni ou lae," Dirétor Jerál Kooperativa Ministériu Edukasaun, Antoninho Pires dehan ba jornalista iha nia kna'ar fatin, Vila Verde (21/08).

Karik ne'e akontese duni nia dehan, dahuluk ita tenke haree lai prosesu no ninia grau implementasaun ne'e oinsá. Sé grau ne'e lori ba prosesi indissiplinár, Ministériu Edukasaun sei hola medidas fó sansaun ou suspende.

"Bainhira iha verifikasaun hosi ekipa inspetoriál identifika nia komete hahalok imoral ne'e, Ministériu sei suspende preofessór ne'e hosi nia hanorin hodi hein prosesu hosi Lomisaun Funsaun Públiku (KFP)," nia deklara.

Entretantu, tuir informasaun ne'ebé diariu ne'e asesu hosi família vítima katak labarik ne'e foin tinan 6 no asaun imorál ne'e professór ho inisial FM halo iha eskola Filiál Manucassa iha tinan 2013 bainhira eskola sai.

"Vítima agora iha uma Mahon Casa Vida hodi hetan protesaun, no tuir informasaun ne'ebé ami asesu hosi rezultadu visun ne'ebé doutór sira koko vítima ne'e identifikadu pozitivu," dehan fonte konfirmadu. (Max)

,