"Timoroan Ameasadu Hela Iha Ponte Okos"

.

Jornal Independente - Kinta-Feira, 03 Jullu 2014 

Ema estranjeiru agora daudaun 'aproveita hola' Timoroan sira hodi bele hetan rai iha nasaun ne'e, ne'e duni, Estadu Timor-Leste tenke kria lei ne'ebe klaru kona ba rai, se lae iha futuru timoroan sira sei hela iha ponte okos. 

Xefe Suku kaikoli, Hipolotu Sarmento preokupa tebes ho ema estranjeiru ne'ebe mai hola rai iha Timor liu husi sistema kaben soran (Kawin silang). 

"Ema estranjeiru mai hola feto Timor no lori feen nia naran hodi sosa rai," dehan nia bainhira halo diskusaun ho Sekretariu estadu Terras no Propriedade (SEPT), Jaime Lopes, iha edifisiu SEPT, Kintal Boot, horsehik. 

Nia hatutan ema estranjeiru sira ne'ebe agora daudaun hela iha Timor balun uza vistu turista no balun tama illegal hodi aproveita hodi sosa rai iha Timor-Leste. Hataan ba kestaun ne'e, Sekretariu estadu, Jaime Lopes hateten, sidadaun estranjeiru laiha direitu atu hola rai iha Timor, tanba sira nia nasionalizmu nuudar ema estranjeiru. 

"Ita nia lei bens I moves ne'ebe hakereke iha artigu 54 seksaun 4, dehan katak, ema estranjeiru lai direitu nain ba rai iha Timor-Leste," tenik nia. Tanba ne'e, SES Jaime dehan, ema estranjeiru iha direitu atu aluga deit, kuandu Timor-Leste produs ona lei rai, dala rum abele fo direitu uza, maibe labele iha direitu propriedade prefeitu. 

Entertantu, Xefe Suku Kaikoli Epolito mos preokupa tebes ho ema estranjeiru balun ne'ebe loke prostituisaun iha nasuan ne'e. 

"Iha ami nia area rasik iha feti xineza loke prostituisaun," dehan nia. Nia hatutan, governu bandu loke prostituisaun iha Timor-Leste, maibe situasaun ne'e kontinua akontese iha ita nia rai laran. 

"Iha hau nia area, ema barak tama sai, mais lei ida atu aforsa baa mi (xefe suku) laiha, entaun ami labele koalia tuir ami nia hakarak deit, ami tenke rona mos orden ruma husi leten fo mai ami," dehan nia. 

Xefe Suku ne'e mos preokupa tebes, tanba parte kompotente la toma atensaun ba situasuan hirak ne'e, dala ruma hatene hela, maibe husik nafatin hahalok hirak ne'e kontinua eziste iha nasuan ne'e.

,