Prizioneira Kontinua Moras; “Lucia Lobato Dezloka Ba Singapura”

.

Notisia TVTL - Kinta-kalan, 17 Julli 2014 

Prizioneira Lucia Lobato kontinua ba hala’o tratamentu intensivu iha Ospital Nasional Singapura. 

Hafoin hala’o operasaun iha Ospital Referal Baucaua, Kuarta-feira semana kotuk Prizioneira Lucia Lobato tenke kontinua ba hala’o tratamentu intentivu iha Ospital Nasional Universidade Singapura hodi kontinua ba temo Terapi. 

Antes ne’e, bazeia ba rejultadu mediku ba pasiente Lucia Lobato tenke kontinua ba temo terapi iha Singapura tamba oras ne’e makina Setiskeng ne’ebe apoiu husi Governu Korea to’o oras ne’e la funsiona iha Ospital Nasional Guido Vaadares, tamba ne’e bazeia ba rejultadu mediku, Tribunal Distrital Dili (TDD) fo autorizasaun ba prizioneira Lucia Lobato hodi kontinua ba hala’o tratamentu iha Ospital Singapura. 

Ho desizaun ida ne’e, tuir Luis Lobaato nu’udar maun hato’o katak, maske Lucia Lobato nu’udar prizioneira maibe nu’udar sidadaun ida ba nasaun ida ne’e iha mos direitu atu hetan tratamentu ba nia saude. 

“Se iha Timor ita labele halo tratamentu, ita buka dalan seluk nu’udar Sidadaun Timoroan maske nia prijioneira, tamba moras ne’e iha direitu atu hetan tratamentu hanesan mos ema seluk,” dehan Luis Lobato. 

Lucia Lobato ba hala’o tratamentu iha Ospital Singapura Kinta-feira ne’e ho Aviaun ne’ebe akompania husi Diretor Jeral Ospital Nasional Guido valadares, Dotor Jose Antonio Guterres Gusmao no Dotor Andre da Crus. 

.