Jornal Independente - Kinta-Feira, 03 Jullu 2014
Governu Timor-Leste La halimar hodi prepara aan simu bainaka
importante sira husi nasuan sira ne'ebe envolve aan iha Comunidade dos
paises da Lingua Portuguesa (CPLP) ne'ebe sei partisipa iha simeira
CPLP, prepara lubuk ida halo ona atu oferese sidade Dili hanesan
sidade 'furak' bainhira bainaka sira to'o.
Preparasaun Governu hahu mosu momoos iha fulan hirak kotuk, hahu husi
sobu no hadia estrada sira, baleta, to'o Jardin iha kapital Dili.
Maski esforsu aan ona, maibe to'o agora projeitu sira seidauk finaliza
tanba la'o hanesan lenuk, husi parte dirasaun servisu Distrital hahu
intensivu liu tan atu halo programa 'kasa animal' ne'ebe durante ne'e
lakon-mosu.
Programa ne'e halo relasiona ho preparasaun ba simeira CPLP.
"Ami nia operasaun ba animal sira iha sidade ne'e hahu husi dader tuku
8:00, maibe komunidade sira hatene, kuandu la halo operasaun sira
komesa husik animal ona," hateten Xefe departementu saneamentu
Distritu Dili, Domingos dos Santos iha kaikoli, foin lalais ne'e.
Diresaun ne'e identifika ona fatin balun ne'ebe populasuan sira sempre
husik sira nia animal mak hanesan Bairu-Pite, Kaikoli, Maskarenas no
Tasi-Tolu.
Maski identifika ona fatin sira ne'e, maibe sira defisil atu hetan
animal ruma lao iha dalan tanba bainhira atu halo patrula komunidade
sira sulan ona sira nia animal.
Nia hateten, bainhira nia ekipa tuun no hetan nia animal sira hanesan,
fahi, karau no bibi, sira sei oho no lori ba fahe ba oan-kiak sira
ne'ebe hela ho madre sira no Klinika Bairo-Pite.
,
Sem comentários:
Enviar um comentário
Nota: só um membro deste blogue pode publicar um comentário.