Notisia Husi TVTL - Kuarta-Kalan, 02 Jullu 2014
Prezidenti da Republika (PR) hateten, sai lider tenki hametin relasaun
diak ho populasaun hodi hakbesik aan la'os sai lider hadook aan husi
populasaun.
Prezidenti da Republika husu ba ukun nain sira atu hakbesik aan ba
povu hodi nune'e, Povu bele fo fiar no respeitu nafatin hanesan uluk
tempu rezistensia.
"Uluk (tempu rezistensia) kuandu hau ba vizita fatin-fatin sira dehan
lider agora ne'e la hanesan, lider uluk ne'e maun boot, Palawan, ne'e
heroi, ne'e aman maibe agora lae," dehan Taur.
Taur Matan Ruak hatutan katak, oras ne'e dadaun populasuan la dun
respeitu ona ba ukun nain sira tamba konsidera korupsaun maka'as.
"Depois independensia ne'e, na'ok teen, kabun teek, koruptor, sira la
respeitu no hadook aan, hau senti katak hametin fali relasaun ida
ne'e, hateten ba sira katak, ami mai iha ne'e hanesan misaun ida
hanesan servisu ba nasaun i tenki envolve sira, depois 12 anos sira
komesa kontrola sira nia emosaun, ita boot sira hatene kuandu sira
emosaun liu hau nia resposta ne'e klaru," dehan Taur.
Prezidenti da Republika mos husu ba ukun nain sira labele deve
funsionariu sira nia osan, tamba funsionariu manan osan ne'ebe kiik.
"Mais moris diak futuru mai, hanesan mos uluk, so atu moris diak so
servisu maka'as, entaun hau nia vizita sira ne'e ho misaun ida, halo
evolusaun boot ida," dehan Taur.
Hafoin vizita subar fatin, ema hotu hakfodak wainhira fahi ida halai
korta no PreZidenti ho hamnasa hateten ba seguransa sira katak, fahi
deit imi hakfodak sa tan inimigu.
,
Sem comentários:
Enviar um comentário
Nota: só um membro deste blogue pode publicar um comentário.