PN Lamenta: Obras Iha Díli Laran Abandonadu

.

Jornal Nacional Diário - 31 de Jullu 2014

Membru Parlamntu Nasíonál (PN) liu husi komíssaun E ne'ebé trata ba assuntu Infraestrutura Transporte Telekomunikasaun lamenta tebes bainhira haree projeitu sira ne'ebé mak hala'o iha capital Díli laran sai abandonadu no rungu-ranga. Liu-liu projeitu sira ba hadia ka rehabilitasaun jardin sira iha capital Díli.

.

"Hau koalia tiha ona fila fali katak, ita kuandu halo sasann ne´e labele halo lufu-lafu de'it kuandu iha ona eventu ruma ita MAI loron kalan kuaze latoba halo tun saé. Kuandu laiha ona malirin fila fali ona", hateten Vise Prezidenti komisaun E ne'ebé trata ba asuntu Infraestruturas Transportes Telekomunikasaun, deputadu Inácio Moreira ba jornalistas sira  iha PN, Kuarta (30/07).

Deputadu Inácio Moreira fó mensajen ba emprezáriu ka ema hotu-hotu ne'ebé hala'o projetu ou obra saída deit tenki liu husi planu atu nune'e servisu ne'ebé bele remata ho di'ak no kualidade.

"Ha'u hakarak fó mensajen ba ema hotu-hotu ne´ebé halo projetu obra saída de´it tenki liu husi plao e alénde liu husi planu kuandu kaer ona no kuandu halo ona ne'e labele husik hela rítmu servisu ne'e , tenki halo to'o hotu", hateten deputadu husi bankada FRETILIN ne'e.

Inácio Moreira konsidera katak, jardin sira ne'e alende abandonadu, mós la tau matan ho di'ak, ne'ebé tau wainhira óbras hotu tiha mós, fatuk sira ne'e sira husik hela nune'e, entaun halo movimentasaun tenki incomoda.

Alénde ne'e deputadu Inácio Moreira mós hateten katak, lamenta mós ho Sekretariadu Estadu Polísika Formasaun Prefesionál no Empregu (SEPFOPE), ne'ebé ninia knar halo formasaun no halo hanesan emprego rural ne'e la kumpri ona ba fali hala'o servisu fui alkatraun iha kapital Díli .

"Ha'u horseik hasoru malu Diretor Estaradas Internasional, estradas 28 ninian AMI husu nian padraun ida ne'ebé lolos ne'e tenke halo ba estradas no pontes ne'e SEPFOPE halo ne'e halo ninia saída", Inácio Moreira haktuir.

Deputadu realça tan katak, ita labele koalia maibé ita tenke koalia halo nusa sasan sira ne'e halo di'ak, tanba ne'e mak ami husu obras hotu hotu ne'ebé ke ka'o hela favor ida halo continua halo to'o hotu tuir normal ho padraun estandar ho kualidade para ita hare ne'e mudansa ruma ida ne'e mak importante liu.

Inácio Moreira hateten tan, SEPFOPE nia prezensa iha Díli laran ne'e iha fatin sira hanesan Pantai Kelapa, Bebonuk.

"SEPFOPE ne'e fó empregu rural katak, tenki fó servisu ruma iha ita nia maun alin sira, ita nia povu sira ne'ebé hela iha área rurais ne'e, maibé agora derepenti de'it nia tama iha Díli laran, iha Díli ne'e nia halo ateru estrada husi Bebonok ninian ateru hotu ona nia husik hela de'it hanesan ne'e nia fui alkatraun ihha Farol estrada ida iha Farol ne'ebá nia tau alkatraun, ita hein para nia kualidade para di'ak no nia fui tan alkatraun husi Bidau Santana ninian ne'e iha Díli laran", nia informa.

Maibé to'o nutísia ne'e fo sai jornalista husi jornal ne'e seidauk hetan konfirmasaun husi SEPFOPE. alm/mj1

,