 |
| Foto de, PT. |
Jornal Independente - Kinta-Feira, 02 Jullu 2014
Primeiru Ministru (PM) Kay Rala Xanana Gusmao hato'o karta lisensa ba
Vise Primeiru Ministru Fernando La Sama de Araujo hodi husu lisensa
durante semana ida nia laran.
Karta lisensa ne'e PM Xanana Gusmao hato'o relasiona ho kondisaun
saude ne'ebe ladun premiti atu halao servisu hanesan baibain.
Iha karta lisensa ne'e, PM Xanana delega mos kompetensia ba Vise PM
atu provizioramente assume kargu nu'udar Primeiru Ministru.
"Ita nia Primeiru Ministru Xanana, nia hakerek surat mai no agora nia
delega servisu mai hau katak, nia presiza deskansa oituan hodi
rekopera fali nia saude, tanba nia sente kolen demais," hateten La
Sama iha palasiu Governu horsehik.
La Sama dehan, kondisaun saude PM Xanana la dun todan (grave), maibe
impaktu husi servisu barak demais.
PM Xanana sei deskansa iha uma hahu husi loron 30 Junu to'o loron 8
Jullu mak foin tama fali servisu.
"Nia (PM Xanana) haka'as aan demais, ulun to'os, ita koalia ba nu'udar
maun alin maibe nia lakohi no kontinua servisu kalan loron i agora nia
senti katak, nia deskansa ida, maibe nia halo hela servisu seluk,
servisu hanoin hela buat ida CPLP ninian no seluk tan," katak La Sama.
,
Sem comentários:
Enviar um comentário
Nota: só um membro deste blogue pode publicar um comentário.