“Kareta Konfortabel 36 Ba Simeira CPLP Pertense Ba Patrimonia Estadu”

.

Jornal Independente - Sesta-feira, 18 Jullu 2014

Primeiru Ministru (PM) Xanana Gusmao deklara ba publiku katak, kareta 36 ne’ebe mak sosa atu fasilita simeira CPLP ne’e pertense ba patrimonia estadu no sei la aloka ba Ministeriu sira hodi uza.

Entertantu, kareta sira ne’e la’os ho marka BMW maibe kareta ne’ebe diak no konfortabel tanba, BMW ne’e Luxu tebes atu TL sosa, maski nune’e, PM rasik la temi modelu kareta ne’e.

“Ai lae, lia fuan ida be temi (BMW) ne’e, nene ba rai sira ne’ebe dezenvolvidu ona, ita hola kareta diak konfortavel kareta foun mais, buat ida BMW ne’e ba ita maziadu,” dehan Primeiru Minsitru ba Jonralista sira iha palasiu Prezidente Nicolau Lobato, Bairupite, dili, segunda (4/7).

Tuir nia, agora ne’e Timor-Leste seidauk bele sosa kareta ho modelu BMW tanba, kareta ida ne’ebe mak luxu no nasuan dezenvolvidu sira mak bele uza.

Aleinde tuir planu, kareta 36 ne’e mos sei utiliza fali ba iha serimonia boot tinan 500 Igreja Katolika tama mai Timor-Leste, ne’ebe mak sei realija iha Distritu oekusi. Nia hatutan, aleinde kareta 36 ne’e, Timor-Leste mos sei presija mos atu sosa kareta Bis.

,