"Altera Lei Pensaun Vitalisia, Bancada CNRT Dilema"

.

Jornal Independente - Segunda-Feira, 21 Jullu 2014 

Xefi Bancada Congresu Nasional Rekonstrusaun Timorense (CNRT) iha uma fukun Parlamentu Nasional (PN) sei dilemma atu hato'o proposta alterasaun ba lei pensaun mensal vitalisia, tanba nia sei rona desizaun politiku partidu nian. 

Tanba nia konsidera lei pensaun vitalisia ne'e asuntu politika, tanba ne'e tenke kuidadu kuandu halo laterasaun la liu husi desizaun partidu politik. Entertantu, Bancada FRETILIN no PD hakarak halo laterasaun ba lei pensaun mensal vitalisia tanba hatodan orsamentu estadu. 

Tuir Deputadu husi bancada rua ne'e dehan, atu halo alterasaun ba lei pensaun vitalisia ne'e depende husi insiativa proposta lei mai husi deputadu, kada Bancada Parlamentar no husi Governu. 

Nune'e, antes ne'e, preokupasaun sosiedade sivil katak, promesa iha kapania ne'e hanesan propaganda no bosok deit povu, politika propaganda ne'e normal uza iha kampania maibe atu realiza depende ba lezislador sira. 

Tanba ne'e, sujere ba PN atu halo revizaun ba lei pensaun mensal vitalisia ho kuidadu atu labele afeita ba povu nia moris. Iha fatin hanesan, Antonino Bianco hatete, Bancada FRETILIN rasik uluk iha Governasaun AMP hatama ona proposta alterasaun maibe meja PN inkonsidera. 

 "Daudaun ne'e ami nia bancada (FRETILIN) mos halo ona proposta maibe sei iha prosesu aprosimasaun ho Bancada sira seluk par abele iha konsensu ida atu asina no aprezenta projetu revizaun pensaun vitalisia ne'e ba meja plenaria atu presidente azenda tuir nia kompetensia," tenik nia. 

Tanba ne'e, nia dehan, Bancada FRETILIN fo konsiderasaun ba petisaun husi sosiedade sivil nian. Antes ne'e mos, Bancada PD iha uma fukun PN hatama ona projeitu lei alterasaun ba pensaun mensal vitalisia no konsidera oportunutu atu halo revizaun ba lei ne'e rasik.

,