"MP Presiza Tempu Investiga Kazu Mauk Moruk"

.

Comandante Mauk Moruk, horseik.

Jornal Independente - Tersa-Feira, 03 Junu 2014 

Ministeriu Publiku (MP) konfesa katak, Presiza tempu naruk hodi halo prosesu investigasaun ba kazu Komandante Konsellu Revolusaun Maubere (KRM), Paulino Gama "Mauk Moruk" molok halo akuzasaun, tanba ema barak mak envolve iha kazu ne'e. 

 Prokuradoria Distrital-Dili (PDDIL) Angelina Saldanha dehan, fulan neen (6)la to'o atu finaliza prosesu investigasaun ba kazu KRM, tanba envolvimentu ema barak ba kazu ne'e. 

 "Ida ne'e talves tinan ida, depende ba investigasaun ne'ebe ami halo ne'e, tanba ida ne'e testamunha no arguidu barak, tan ne'e mak ami presiza dokumentu balun," hateten Prokuradoria Distrital Dili (PDDIL) Angelina Saldanha ba jornalista sira, iha nia servisu, Matadoru orsehik. 

Tan ne'e, nia mos lakohi fo komentariu klean kona ba prosesu ne'e. Iha fatin ketak, Administrador Tribunal Distritu Dili (TDD), Duarte Tilman hatete, oras ne'e prokurador mak hatene prosesu ne'e, tanba sa mak sira la halo akuzasaun. 

 "Fulan neen (6) ami tenki halo revizaun ida ne'e tidak harus fulan neen kuandu investigasaun kumpletu ona akuzasaun bele mai ona," dehan Duarte.
 .
Nia dehan, kompetensia Prokuradoria Distritu Dili bele halo prova no bele arkiva ka haruka ba Tribunal atu halo libertasaun. Maibe, tuir nia, ida ne'e depende ba investigasaun husi prokurador mak sei determina sira atu halo akuzasaun ou arkivamentu. "

Se laiha prova, sira arkiva, se iha prova halo akuzasaun," dehan nia.
 .
 Antes ne'e, iha primeiru interogatoriu ne'e, Ministeriu Publiku (MP) ne'ebe reprezenta husi prokuradora Angelina Saldanha ho Prokurador Felismeno Kardoso akuza Mauk Moruk ho krime tolu kompostu husi, Abuzu de poder, Uniforme Publiku, Uzu Pacao de Funcao no Associacao Kriminoso ne'ebe regula ho artigu 188, 194, 195 ho 202 tuir kodigu penal Timor-Leste.

Oras ne'e Mauk Moruk Kumpri hela Prizaun preventiva iha Prizaun Becora.

,