MAP Rekonese Fos Mai Husi Rai Liur Laiha Kualidade; "Komunidade Konsidera Programa "Povu Kuda Governu Sosa" Laiha Realidade"

.

Mariano ASUnami Sabino

Notisia Husi TVTL - Kinta-Kalan, 12 Junu 2014 

Ministru Agrikultura Mariano Asanami Sabino hamutuk ho komunidade Distritu maliana halo koileta hare iha natar hectares 100. 

Hafoin koileta agrikultor sira hein hela Governu no emprejariu sira atu sosa sira nia produtu maibe to'o oras ne'e hare ne'ebe komunidade produs sei rai hela tamba programa "Povu Kuda Governu Sosa" paradu. 

"Agora ne'e ami husu ba nain ulun (Mariano sabino) sira iha ne'e ona bainhira los mak atu hola? Tenki ser hola para ami bele hare ami nia oan sira nebe eskola," dehan komunidade. 

Nune'e mos povu agrikultor seluk dehan tabela husi Governu ne'ebe dehan "Povu Kuda Governu Sosa" ne'e laiha realidade. "Tabela husi Governu MCIA laiha realidade tamba sira dehan Governu sosa produtu lokal komunidade, maibe (kontrariu fali) Governu mak kuda Povu mak sosa fali," lamenta komunidade. 

Ba kestaun ne'e Mariano Asanami Sabino dehan, bainhira povu nia produtu lokal nakfilak ba osan mak ita foin bele dehan povu moris diak ona. 

"Hare barak ita laos kontenti ida ne'e, povu kuandu kontenti ninia produsaun ne'e nakfila an ba osan e osan tamba uma laran, ne'e mak foin ita dehan povu nia moris komesa muda ona," dehan Mariano Sabino. 

Ministru Agrikultura no Peskas Mariano Asanami Sabino konsidera ai-han hanesan osanmean tamba ne'e Governu sei esforsu maka'as atu apara importasaun Fos MTCI ne'ebe laiha kualidade. 

"Iha fatin selu-seluk ne'e ema haree hahan hare hanesan osanmean, tamba ne'e mak ita tenki hasae produsaun barak para ita hamenus ou halakon ona produsaun mai husi rai liur, tamba ita hatene katak, produsaun mai husi Vietnam ne'e la'os fos diak, fos ne'ebeke ita bosu deit, ita tahan deit hamlaha maibe laiha nutrisaun ona tamba rai kleur ona ema suci gudang make ma fa'an ba ita ne'e," dehan Sabino.

.