 |
| Hmmmm...Koalia té maka barak loos... |
Lei Kodigu Penal Timor-Leste ne'ebe oras ne'e daudaun implementa la
forte ba Ministeriu Publiku (MP) sira atu halo investigasaun ba kazu
krime korrupsaun Koluzaun no Nepotizmu (KKN).
Eis Prokuradora Jeral Republika (PJR), Ana Pessoa Pinto hateten,
durante sei assume knaar nu'udar prokuradora laiha intervensaun
Politika ba kazu korrupsaun iha MP, maibe, lei kodigu penal ladun
forte atu rezlve kestaun krime korrupsaun.
"Lei mos la dun forte atu rezolve kestaun korrupsaun, tanba ita iha
lei kodigu penal ne'ebe diak tebe-tebes, maibe diak ba krime injeral,"
dehan Ana Pessoa iha Tower-Fatuhada, Sesta (6/6).
Nia hatutan, kona ba krime korrupsaun tenke iha metidu investigasaun
espesifiku, tanba krime sira seluk la hanesan ho krime korupsaun,
maibe krime ne'ebe kompleksu tebes no obriga MP tenke iha kbiit atu
halo investigasaun lalais.
Nia fo ezemplu, bainhira prokurador sira atu buka tuir ema ruma nia
Konta bankaria tenki liu husi birokrasia naruk, presiza hetan despaixu
husi juis, nune'e atu halo ejekuta (sadap) suspeitu sira nia telefone
mos labele.
Ne'e duni, nia dehan, krime korrupsaun presiza iha lei ida ne'ebe
espesifiku, tanba iha tinan 2010 proposta Lei Anti Korrupsaun tama iha
ona Parlamentu Nasional (PN), maibe to'o agora seidauk deskute.
"Ita nia povu barak koalia dehan, nusa mak diretor ida kada fulan
manan $500, konsege hetan uma rua no tolu andar tan, oinsa mak nia
konsege hetan kareta tolu no lima ba pasa ferias beibeik ho nia
familia," nia dehan.
Tuir Ana Pessoa, lei la espesifiku ba kazu korrupsaun no la'os de'it
korrupsaun, maibe iha mos krime brakeamentu kapitasis ka fase osan
fo'er ne'ebe ligadu ho korrupsaun.
Tuir nia, suspeitu ba krime korrupsaun liu-liu ba brakeamentu kapitais
ne'e la'os ema ida mak envolve, maibe ne'e krime organizadu, tan ne'e,
bainhira laiha instrumentu n'ebe metin konsege hetan provas, maibe
dala ruma levanta prosesu kazu ne'e ba Tribunal, maski nune'e, balun
tenki arkuivu tanba la konsege hetan faktu atu halo akuzasaun, dala
ruma halo akuzasaun, tribunal dehan seidauk to'o provas.
,
Sem comentários:
Enviar um comentário
Nota: só um membro deste blogue pode publicar um comentário.