Notisia Husi TVTL - Kuarta-Kalan, 5 Junu 2014
Fos ba merenda eskolar ba eskola Primaria Reatu Suku Daisua estudnate
sira tenki lalin la'o ain ho distansia Kilometru (KM) walu (8) tamba
laiha transporte ba Suku Daisua.
Estudante Eskola Primaria Riatu Suku Daisua Dub Distritu Same,
Distritu Manufahi, Estudante sira tenki abandona sira nia eskola hodi
lalin fos no modo ne'ebe Ministeriu Edukasaun Fornese ba merenda
eskolar.
Distansia ne'ebe besik KM walu (8) labarik sira tenki lori fos no modo
tuir sira nia ki'it lori ba sira nia eksola tamba kondisoens estrada
ne'ebe grave tebes hodi difikulta ba transporte publiku atu tama to'o
iha sira nia Suku.
"Tamba kareta laiha ami lalin fos no modo sira ne'e hotu, ohin ami la
eskola tamba ami lalin fos," dehan estudante.
Hare ba kondisaun ne'ebe estudante sira infrenta, Framcisco Marcal
ne'ebe halo negosiu iha sira nia Suku triste ba situasaun ida ne'e.
Tamba lakohi falta merenda eskolar iha sira nia eskola, maske
distansia ne'ebe dook maibe estudnate sira tenki husik hela sira nia
prosesu aprendizazen hodi foti ai-han ne'ebe edukasaun oferese.
,
Sem comentários:
Enviar um comentário
Nota: só um membro deste blogue pode publicar um comentário.