Vitima PNTL no F-FDTL nian hasoru assessor Prezidente Repúblika hodi informa brutalidade sira enfrenta

,

Timor Hau Nian Doben – 7 de Maio de 2014  

VÍTIMA SIRA HUSI LAGA, KELIKAI NO BAUCAU VILA HASORU ASESSOR PREZIDENTE REPÚBLIKA NIA HODI INFORMA VIOLASAUN SIRA NE’EBÉ VÍTIMA SIRA ENFRENTA.

Iha dadeer tuku sanulu, 6 Abríl 2014 delegasaun vítima sira balun husi Laga, Kelikai no Baucau Vila mai Dili hasoru Prezidente Repúblika nia asesor sira hodi informa violasaun sira ne’ebé vítima sira simu husi autoridade seguransa (Operasaun konjunta).

Enkontru entre assessor na’in rua iha Palasiu ne’e la’o tiha kuaze oras ida, Primeira Dama TL nia hakat mai iha sala reuniaun ne’e hodi hato’o sentimentu solidadirieda ba vítima sira ne’ebé hetan violasaun refere. 

“Ha’u nia solidariedade ba imi nia terus no sofrementu tomak ne’ebé imi enfrenta, Timor-Leste nasaun ne’ebé lori ema barak mak mate no terus, ita la permite atu hahalok ne’e atu akontese fali ba imi” nia hatutan tan katak maibé nudár estadu ita tenke kontribui ba malu labele ajuda hodi estraga estabilidade iha TL.

“Ha’u hakarak lori fila imi (vítima sira) ba imi nia uma. Ha’u tenke haree didi’ak ha’u nia agenda hodi lori imi ba Sagadate-Selegua”, hatete tiha liafuan furak ne’e Primeira Dama hakat hikas sai ba li’ur.

Asesor ida iha enkontru ne’e hatete katak autoridade seguransa sira laiha direitu ba obrigasaun saida de’it tama ba ema nia uma bainhira laiha karta notifikasaun husi tribunal tanba ita nia lei sira bandu ba situasaun ne’e. autoridade seguransa sira hala’o servisu tenke tuir sira nia mandatu loloos. Assessor ne’e mós informa tutan perspetiva Prezidente Repúblika nia ba vítima sira katak “Prezidente Repúblika lakohi ema ida iha TL mak tau liman ba nia ema sira katak povu Timor-Leste la merese dala ida tan atu simu liman ka ain husi autoridade seguransa ida ne’e de’it.

Karik hakarak buka ida ne’ebé mak krime ba buka sira labele sakrifiika fali povu ne’ebé inosente.

Karik iha kilat ka Granada ne’e autoridade seguransa sira deskonfia sira mak tenke ke ho prosedimentu seguransa nia lai obriga povu mak ke rai ne’e hodi buka sasán kro'ak saida de’it.

Depois vítima sira sai tiha husi Palasiu Prezidente Repúblika ba kedas iha Parlamentu Nasionál no PDHJ hodi hato’o mós informasaun ka violasaun ne’ebé vítima sira enfrenta durante ne’e husi autoridade seguransa TL nia (ekipa operasaun konjunta).

 Delegasaun vítima sira ne’e husi fatin oin-oin iha Baucau inklui Tia Jacinta Gusmão ne’ebé pesoál PNTL ida obriga ke rai ba buka kilat no granada iha uma laran.

.

.