PN Lamenta; ”MS Halo Mal Pratika Joven Ida Mate”

.

Notisia Husi TVTL - Kuarta-Kalan, 28 Maiu 2014

Deputadu Parlamentu Nasional (PN) lamenta ho servisu Ministeriu da Saude (MS) ne’ebe ultimamente mosu mal pratika hodi hamate pasiente sira.

Deputadu husu ba Ministeriu da Saude atu labele halimar ho ema nia vida.

Relasiona ho problema mal pratika ne’ebe akontese iha Hospital Nasional Guido Valadares (HNGV) no rejulta pasiente barak mak mate sai kestaun boot iha Parlamentu Nasional.

Deputada Ana Ribeiro hateten, Ministeriu Saude tenki tau atensaun ba problema mal pratika no Ministeriu saude labele halimar ho ema nia vida.

“Hau hateten beibeik katak labele foti doutor sira ne’ebe akaba sira nia estudu espesialidade ba servisu administrasuan nian, se ita dada sira ne’e ba hotu administrasaun depois ema sira foin akaba estudu ne’e mak ba tau matan fali ba pasiente sira para gainha esperensia, ne’e labele, ida ne’e mak akontese entaun ema mate ita dun malu, MS tenki halo evaluasuan ba nia servisu katak, los ona ga lae?,” dehan Deputadu.

“Tamba mal pratika ne’e mak akontese ba joven ida mate, akontese mos ba senor ida, senor ne’e kuandu to’o ba sira sona no mate maibe to’o agora rejultadu investigasaun ita seiduak rona, tamba ne’e husu ba MS atu tau atensaun, tamba uluk AMP nia tempu Vice Ministra ida deit maibe la dun akontese hanesan ne’e, maibe agora dadaun V GOvernu Vice Minitru nain 2  maibe mal pratika akontese beibeik, tamba ne’e tenki tau atensaun,” dehan deputada Ana Ribeiro.

Entertantu, deputadu Manuel Castro mos kestiaona maka’as ba problema ne’ebe mosu iha Ministeriu saude.

.