PEKADU BOT IDA IHA MUNDU JUSTISA TIMOR LESTE

.

OPINIAUN HUSI: ALVES DE SOUSA

KARTA KAPTURASAUN HUSI TRIBUNAL DISTRITAL BAUCAU, RESOLUSAUN PARLAMENTO NO RESOLUSAUN KONSELHU MINISTRU BELE FAILHA

Karik ita hanesa Nasaun de DIreitu no Demokratiku nebe tane as nafatin Lei, ita persiza hanorin no fo hatene ba ita nia Povu katak ita bele ko’alia Demokrasia maibe ita mos labele halimar ho Independensia orgaun Justica, tamba Orgaun Judisiariu ne’e orgaun nebe bele fo protesaun no siguranca ba sidadaun ida nia vida mesmu ita moris nafatin iha mundu Demokrasia.

Demokrasia ita tenki tahu as iha fatin ida, hanesa mos Justica tenki tahu as liu buat hotu-hotu, ita labele kahor malu hanesa situasaun agora dadauk ne’e, nasaun Demokrasia fo oportunidade no loke dalan ba ita hotu hodi koalia ita nia dereitu no liberdade nebe konsagra momos iha Konstituisaun RDTL.

 Nasaun Demokrasia mos fo dalan ba ema hotu hodi koalia,demonstrasaun no buat seluk tan, entertantu, iha aspetu politika,ekonomia, sosial, cultura sira ne’e ema ida labele bandu ba situasaun ne’e, tamba ida ne’e sai hanesa Direitu Fundamental ba sidadaun nebe moris iha PAIS DEMOKRASIA.

Ita tenki intrepeta Lei no Justica ne’e sai hanesa sasukat ou barometer ba ita nia sosiedade, ita labele halimar demais ho orgaun Judicial, ukun nain sira tenki hatene los, tamba wainhira ita uza ita nia poder nebe obriga parte justisa hodi halo tuir ita nia hakarek, quer dizer que situasaun ne’e bele sai hanesa presedente ladiak ba ita nia Sistema Judicial.

Iha nasaun balu mos dalaruma situasaun politika bele sai hanesa input ou esperiensia diak ba sira nia sistema Justica (maibe ida ne’e bai-bain JUIZ mak tengki sensitivu), maibe sistema Justica bandu tebes ba ema hotu hodi uza Tribunal sai fali hanesa parseiru ba ninia intrese liu-liu Orgaun Eksekutivu/Governu no Orgaun Legislativu/Parlamentu Nasional.

Tamba deit membro CPD-RDTL no CRM hamutuk ema nain 10 mak seidauk kapturadu, ita obriga tan Tribunal Baucau hodi hasai karta Kapturasaun, ne’e labele akontese.

Agora ita bele hare mudansa hirak ne’e, se karik Governu no Parlamento konsidera Resolusaun ne’e hanesa BAZE LEGAL ida, entaun Governu sei lapersiza tan buat seluk, hanesa desizaun Tribunal, se Tribunal mak obriga an hodi fo sai karta mandatu kapturasaun maibe antis ne’e iha ona Resolusaun, entau Tribunal Rasik konsidera Resolusaun Parlamento Nasional no Konsehlu Ministru ne’e Failha(BATAL DEMI HUKUM) OU resolusaun Parlamento no Governu ne lavale tiha ona, se sasan sira ne’e mak akontece entaun saida los mak ita uza hanesa siguranca ou protesaun ba dereitu humanu sira ne’e.

Wainhira ita koalia politika nebe kontradis ho ukun nain, entaun parte Governu sempre buka meius oin barak hodi akuza. Ne'e ladiak ba ita nia Dignidade JUSTICA. Se parti Justica mak lakonsege implementa Kodigu Penal ruma ba sidadaun ida entau tribunal rasik tenki husi livre sidadaun ida.

Ita hotu sujere katak Governu tenki avanca nafatin ho resulusaun ne’e, tamba povu hotu hatene katak resolusaun ne’e Lei ida (mesmu nia laos LEI). Maibe derpenti ita troka Resolusaun Parlamento no Governu ho desizaun seluk hanesa Tribunal entau ita bele konsidera hanesa PEKADU BOT IDA, IHA MUNDU JUSTICA TIMOR LESTE.

Situasaun hanesa ne’e labele avansa ba oin, agora Prezidenti da Republika mak tenki hare didiak no tetu didiak, tamba buat hotu iha Prezidenti nia liman, se Prezidenti da Republika maka kontinua nonok deit ho situasaun ne’e, ita bele dehan estatus nudar Chefe Estadu ida, ninia kribilidade bele monu.

Maibe Prezidente da Republika bele mos iha hanoin seluk, tamba konstitusaun obriga duni Prezidenti hodi asegura ita nia Konstitusaun no sistema hotu-hotu.

 .