Maun Taur mos bele tama iha rai kuak tamba deit liafuan,YES SIR!

.

Foto de, Veronica Fernandes

OPINIAUN HUSI: DOMINGOS BABO

DR.MARI ALKATIRI NO DR. XANANA GUSMÃO - MAUN TAUR LABELE DEIT, YES SIR! HAU HAKARAK DEHAN DEIT BA MAUN NAI RUA KATAK, IDA NE’E LAOS TEMPU KAMPANHA PARTIDU!

Mudanca politik sempre akontece iha fatin-fatin, loron-loron,tinan-tinan, ORAS-BA ORAS, minutu ba minutu, tamba deit Natureza rasik husik doutrina Politik origin. Oinsa ho ita rai?

Hanesa Timor Oan ida ita hotu iha responsabilidade moral politik hodi fo hanoin ba se deit,iha nebe deit, katak ita hotu tenki hapara ona hahalok at sira nebe ita sempre defende, buat salah no bosok mesmu laiha valor diak nebe ita bele foti.

Hanesa Timor Oan mos, ita tenki hapara ona lia bosok sira nebe ita falun ba mai hodi bosok FETO FALUK, OAN KIAK,MATE RESTU SIRA nebe uluk hamutuk ho imi hodi liberta rai doben ida ne’e, sira nebe iha tempu resitensia ita bolu “MAUBERE OAN”.

Nusa imi la barani koalia buat los, nusa tenki bosok povu ne’e? Imi dehan ho ZEESM sei sai matadalan ba dezenvolvimento ba nasaun ida kiik ne’e. Noticia media online,media televisaun no radio sempre temi Zona Especial Ekonomia Oecussi,konseptu universal nebe mai husi hanoin simples ida, (DADA INVESTOR NO BUKA INVESTOR) hodi mai investe iha ita nia rai laran, Oecussi sai hanesa fatin ou area nebe perfeitu tebes husi hanoin nain sira nebe ohin loron kaer hela pasta Eksekutivu no individual balu, ita bele temi hanesa, DR.Mari Alkatiri. Mesmu ohin loron mosu kontradiksaun barak konaba IDENTIDADE partidu Fretilin rasik.

Timor Leste persiza duni investimentu iha area oin barak, por ezemplo investimentu iha area Edukasaun,Cultura no Ekonomia, hodi nune Timor Leste mos bele sai ona husi kiak no mukit nebe durante ita hotu hasoru.

Perspektiva Ekonomia Timor Leste iha ona no desididu tebes, nune hatudu mai ita katak ida ne’e mak solusaun, por ezemplu OECUSSI sai ona hanesa barometer NO SASUKAT BA Economia ba Nasaun Timor. TEBES KA LAE??? Ita hotu hatene kata Receitas do Estado maioria mak mai husi mina Tasi Timor, receitas kiik balu mak mai husi impostu, Governu iha nia planu ketak, maka oinsa bele maneja no uza RIKU sira ne’e ba intrese POVU. No agora dadauk Governante Xanana no Partidu Fretilin foti ona konklusaun katak ZEESM bele sai hanesa MATAN ba dezenvovimento ekonomia Timor Leste.

MOLOK ITA DADA LIA NARUK, HAU IHA HANOIN SIMPLES………. ZEESM bele hetan difikuldade BOT NO barak tebes wainhira ita komeca hala’o, maibe la’os difikuldade konaba implementasaun projetus infraestruktura (infrastrutura osan iha kontrator ou impresario sira bok dadauk bele dehan la kusta, mais fasil), maibe kestaun ketak seluk nebe lolos ne’e maun Mari no Maun Xanana tenki hare ho klean tebes, agora dadauk ita so bele gasta osan maibe ita lahtene osan ne’e atu bele SULAP BA SAIDA? Simplesmente ema sempre dehan ahhhhh, osan ne hodi halo estrada, porto no seluk tan, hau mos hanoin nune, maibe ida ne’e laos preukupasaun, tamba saida Maun Mari no Maun Xanana tenki hare klean didiak ba SUSESU NEBE ZEESM nebe bele hetan ( laos tamba hau Maliana ou hau Bobonaro ou hau Lospalos mak koalia maibe hau nudar Timor oan).

Dala barak konseptu ZONA ESPECIAL OECUSSI SEMPRE HARE DEIT HUSI SUSESU infraestrutura nebe iquipa sira prepara atu halo, se karik SUSESU INFRE-STRUTURA mak sai hanesa barometer ba komentariu maun Xanana no Mari , ita bele dehan ida ne’e salah ona, tamba saida? IDA NE’E LAOS KAMPANHA ELEITORAL HODI BOSOK, POVU NIA OSAN MAK ITA UZA DADAUK NE’E.

Iha iniciu ita hotu rona katak ZEESM bele dada investor husi nasaun barak, tebes ka lae? Dala barak mos Maun Mari no Xanana hakarak Sulap OECUSSI sai hanesa SINGAPURA ba dala rua iha zona ASEAN. Bele akontece nune. Hau ata hakarak husu ba Maun Xanana no Maun Mari Alkatiri katak

1. Sasukat saida mak maun nain rua uza hodi bele dehan ZEESM bele sai mata dalan ba ekonomia Timor- Leste? Ate a data Singapura sai ona hanesa nasaun avancadu mesmu sira nia rai ne’e kiikoan tebes, Singapura laiha riku seluk nebe ho volume bot, maibe tamba saida mak sira bele sai bot, ida ne’e mak persiza buka hatene, hanesaa mos Korea do Sul nebe avancado tebes iha zona Asiatiku.

Entre nasaun rua ne’e klaru que laos dudu deit politik infrastrutura hodi dada investimento ba sira rai:

a. Singapura loke sira nia liras bot hodi sadere ba America/USA

b.Singapura mos mentaliza sira nia sidadun hotu hodi involve iha dezenvolvimentu nasaun

c. Singapura iha desijaun que FIRMI hodi koalia intrese povu

d. Singapura fiar an ba Politik estrangeiru nebe durante ne’e sira kaer

e. Singapura mos hanesa nasaun nebe anti korupsaun nomos hanesa a. Korea do Sul forte tebes iha nivel desizaun publik b. Korea do Sul forte tebes iha kooperasaun bilateral ho nasaun europea no amerika c. Korea do Sul forte sempre uza povu sai hanesa sira nia sasukat ba kualker desijaun d. Disizaun Governu sempre defende sira nia POVU/ LAOS LIURAI.

OINSA HO TIMOR LESTE? ZEESM MAK MATA DALAN?

1. Partidu Politiku sei defende sira nia intrese privadu

2. Governante sira sei gosta sosa kareta LUXU/MEWAH ba sira nia “AN”

3. Halo lei hodi defende sira nia intrese

4. Liberdade Imprensa no espresaun nebe ZERO

 5. Korupsaun nebe FANTASTIKU

6. NEPOTISMU nebe BURAS

7. ABUZU PODER QUE LA BELE KURA ONA

8. Kolusaun nebe nunka mais hotu

9. Laiha aten brani hodi dekalara politik rai liur

10. AT LIU TAN, ITA SEIDAUK IHA OSAN RASIK

11. DEFENDE an ba ekonomia Rai Liur

12. UKUN NAIN NUNKA VALORIZA LEI OAN NO INAN, PODER MAK LEI NO MAROMAK

13. Volume importasaun nebe BOT TEBES ( no Governu laiha politik  ba situasaun Ida ne’e)

Ikus mai ita bele dehan PROJETU ZEESM sai hanesa kampanha eleitoral ba Partidu CNRT no Fretilin, MESMU ELEISAUN 2017 SEI DOK HELA.

SO HATENE MAK GASTA OSAN POVU NIAN! ULUK EMA MATE, LAKON FAMÍLIA ,LAKON FEN NO LAEN, TAMBA RIKU SIRA NE’E, TAMBA SA IKUS EMA IDA MESAK MAK DECIDI?

Prezidenti da Republika persiza hare didiak projetu sira nebe Maun Xanana no Mari halo, keta halo loron ikus maun Taur mos tama Iha rai kuak tamba deit liafuan, YES SIR!

MAUBERE IMI LABELE NONOK TAN! VIVA FRETILIN! VIVA FALINTIL! VIVA POVU MAUBERE! VIVA TIMOR LESTE!

.