“Grupu Relijionza TL Ezije Governu Taka Fatin Prostituisaun”

.

:) :) :)

Jornal Independente  - Kuarta-Feira, 07 Maiu 2014

Reprejetante grupu relijioza iha Timor-Leste ezije ba Governu atu urjentemente hapara (taka) fatin sentru ba Protistuisaun nian.

Ezijensia husi grupu relijioza TL ne’e hato’o ba Prezidenti Komisaun Kombate HIV/SIDA atual Vise Primeiru Ministru, Fernando la sama de Araujo bainhira hola parte hodi fo sira nia hanoin oinsa mak atu halo protesaun ba moras ne’e.

Reprejetante grupu relijionza TL ne’ebe mak hola parte iha inkontru ho komisaun ne’e mak hanesan husi Igreija Katolika, Protestante, Musulmanu, no relijaun sira seluk ne’ebe mak durante ne’e eziste iha TL.

Tuir Pastora, Maria Fatima nuudar reprejetante Igreija protestante hatete, dalan ida oinsa atu redus numeru HIV/SIDA iha TL mak tenke hapara atividade liuliu iha fatin protistuisaun sira ne’ebe mak durante ne’e eziste ona iha TL.

Nia haktuir, durante numeru HIV/SIDA iha TL kada tinan sempre aumenta, no husi numeru hirak ne’e maioria vitima (ema ne’ebe hetan moras) barak liu mak joven sira.

“Parte ida mak ami husu ba governu atu taka tiha fatin sira ne’ebe mak kalan-kalan ema sira ne’e ba bar,” hateten Pastora Maria iha palasiu Governu horseik.

Alenda ne’e, nia mos sujere ba Governu liliu Ministeriu Transporte no Komunikasaun (MTK) no parte instituisaun defeza no seguransa atu halo kontrolu makas ba ema ne’ebe mak atu tama mai TL liu husi Aeroportu.

Hatan ba ezijensia hirak ne’e, Vise Primeiru Ministru, Fernando La sama de Araujo hatete, difisl ba governu atu taka dalan tikus sira iha fronteira ne’e.

La Sama mos promete katak, Governu kontinua esforsu an atu bele identifika  no halo kontorlu makas ba atividade prostituisaun ne’e, nune’e ba futuru ema barak sei livre ba moras HIV/SIDA.

Vise PM mos kontinua aviza ba entidades hotu atu kontinua fo sira nia apoiu no kontribuisaun oinsa mak atu halo prevensaun ba moras ne’e.

 .