Polísia lori ona Mauk Moruk bá Prokuradória

.

Foto Manuel Soares

SAPO TL ho Lusa- 13 de Março de 2014

Ajente Polísia Nasionál Timor-Leste (PNTL) lori sai ona eis-komandante Brigadas Vermelhas das Falintil Mauk Moruk hosi ninia hela fatin iha tuku 18:00 OTL, haktuir ajensia Lusa ne’ebé sai hanesan testamuna. 

Tuir ajente PNTL nian ida katak, sira sei lori Mauk Moruk bá iha Prokuradoria Jerál Repúblika. Bainhira sai hosi ninia hela fatin/uma Mauk Moruk sempre hakilar “a luta kontinua”.

Operasaun ne’ebé PNTL halo ohin iha besik tuku 13:30 OTL ba iha eis-komandante Brigada Vermella Falintil ninia uma ne’e tuir rezolusaun governu nian no durante operasaun hetan seguransa maka’as.

Asaun ne’e hala’o tuir rezolusaun ne’ebé parlamentu Timór aprova iha semana kotuk hodi kondena saida maka Conselho de Revolução Maubere, lidera hosi Mauk Moruk, no hosi Conselho Popular da Defesa (Democrático) da República de Timor-Leste (CPD-RDTL) halo hodi tenta kria instabilidade no fó ameasa ba Estadu.

.