 |
| Foto, Tempo Semanal |
Jornal Nacional Diario - Segunda-feira, 17 Marsu 2014
Organizasaun
Rezistensia Sagrada familia (OSF), respeita rezolusaun Parlamentu nasional (PN)
ne’ebe deputadu sira aprova foin lalais hodi atua situasaun iha rai laran,
maibe lamentavel ho linguazen politika deputadu sira nian ne’ebe hamosu
konflitu, no halo veteranu sira sai vitima dala ida tan.
“Organizasaun
sagrada familia respeita rezolusaun Parlamentu nasional nia, ne’ebe hasai iha
loron 3 fulan marsu 2014, maibe ami lamenta tebe-tebes ba maneira no linguajen
ne’ebe mak membrus distintus deputadu sira uza hodi halo provokasaun, prejudika
tentasaun politika ho sosieade nia laran, liu-liu liafuan ne’ebe jeneraliza
veteranus no organizasaun rezistensia tomak, hanesan fali ema aat kontra
estadu, Ami organizasaun sagrada familia kompriende foin mak Parlamentu
nasional halo rezolusaun ida ba Konselu Revolusaun Maubere (KRM) no CPD-RDTL,
go razuan tanba deit ho deklarasaun iha media kontra estadu,” hateten
responsavel maximu organizasaun sagrada familia Andre da Costa Belo “L-7”, ba
Jornalista Diario liu husi Via telefonika Domingu (16/3).
Maske
ponteira oras nian baku ona tuku 22:00 kalan Otl, maibe veteranus ne’e kontinua
disponivel nia tempu hodi halo entervista iha telefonika hodi klarifika katak,
eis Komandante reijaun 3, Corneilo da Conceicao Gama ‘L-7’ la hola parte iha
estrutura KRM, maibe tanba deit L-7 nuudar maun husi Mauk Moruk nia mos hetan
kondenasaun.
“L-7 sempre
propoin atu Sr. Mauk Moruk ho Sr. Primeiru Minsitru Xanana Gusmao atu rezolve
sira nia diferensia ideias ne’ebe mak mosu iha asadu to’o oras ne’e,” hateten
L-4.
L-4 hatutan
tan katak, organizasaun sagrada familia mos lamenta tebes tanba prosesu dialogu
entre sr. primeiru Ministru xanana Gusmao ho Mauk Moruk, laiha kontinuasaun,
maibe derepenti deit mosu fali ona ho rezolusaun hodi halo atuasaun.
“Organizasaun
sagrada familia mos lamenta tanba prosesu diferensia politikus ne’ebe hahu husi
rezistensia nian to’o mai agora seidauk rezolve, tanba lider sira seidauk iha
vontade atu rezolve sira nia problema, maibe tuir fali ho forsa politika atu
kontra malu,” L-4 deklara.
Ho ida ne’e,
L-4 fundamenta katak, h situasuan sira ne’e iha loron ikus sei fo todan deit ba
jerasaun foun sira tuir mai.
.
Sem comentários:
Enviar um comentário
Nota: só um membro deste blogue pode publicar um comentário.