"Babo Seidauk Selu Divida Ba Testu DNA"

.

Jornal Independente - Segunda-feira, 03 Marsu 2014 

Centru ba impressao dijital DNA no Diagnostico (CDFD) iha India haruka ona Karta ida ba Tribunal Distrital Dili (TDD) hodi husu Dionisio Babo atual Ministru Justisa atu selu osan teste DNA (Deoxyribo Nucleic Acid/Nucleic Acid Deoxyribo). 

Centru ba impressao dijital DNA no diagnostico (CDFD) nu'udar institutu autonomia Ministeriu Siensia no Teknolojia Governu India nian. Aliende ne'e, CDFD mos husu Dionisio Babo nia fotokopia Pasaporte, karta ne'e haruka iha fulan Dezembru tinan 2013 ba Tribunal Distrital Dili. 

Rejultadu teste raan (DNA) husi Lusia da Costa no Dionisio Babo to'o agora seidauk haruka mai Timor-Leste, tanba seidauk selu kompeta administrasaun. Dividas ne'ebe Dionisio Babo tenke selu mak ho montante INR16,854 (Rihun sanolu resin nen, atus ualu lima nolu resin rupee India) ka kauze U$ 273 resin ba CDFD hodi nune'e nia bele haruka resjultadu testu DNA mai TDD, hafoin jusi sira marka loron atu halo julgamentu ikus. 

"Agora (fulan) Dezembru ona, ne'e responsablidade Dionisio Babo nian, nia mak hakarak, entaun nia mak tenki haruka osan ba para haruka DNA ne'e mai," Hateten Advogadu Luisa da Costa ho MECB, Paul Remidios foin lalais ne'e iha nia servisu fatin Meti-Aut, Dili. 

Paul hatutan, karta ne'e haruka ba TDD, juis sira fo prazu loron 30, atu Dionisio prepara osan hodi selu ospital, maibe to'o agora Dionisio la haruka osan. "Sira fo fulan rua, Dionisio atu aprezenta nia prova, karta mai iha ne'e sira la halo buat ida, Dionisio la selu osan ba ospital India," dehan Paul. 

Lolos prazu ne'e, Dionsio tenki kumpri, se la kumpri entaun sei lakon iha prosesu julgamentu, nia labele uza ninia estatutu tanba iha kodigu penal laiha estatutu espesial ba membru Governu. 

"Sek karik, nia (Dionisio) kontinua la selu hodi haruka testu DNA mai, ne'e loke julgamentu TDD mak deside, TDD laos desidi ninia DNA, maibe tribunal desidi deit osan ka alimentus ba labarik," dehan Advogadu ne'e. entertantu, iha karta ne'e mos hateten, Dionisio Babo atual Ministru Justisa (MJ), la kumpri orden husi TDD, hodi halo pagamentu ka selu osan ba labarik MECB ne'ebe deskonfia nia oan to'o iha fulan-Setembru 2012. 

Karta ne'ebe Diariu ne'e asesu katak, Babo la selu nia divida ba labarik MECB komesa husi fulan-Outubru 2012 to'o agora ho montante orsamentu rihun $1.400 dolar Amerikanu. Bazeia ba orden TDD katak, Dionisio Babo halo pagamentu ka selu ba labarik (MECB) kada fulan U$350 (Atus tolu lima nolu) Dollar Amerika. 

Dionisio Babo fo pagamentu ba labarik kmesa iha fulan Setembru to'o fevereiru tinan 2014," hateten Paul.

.