"TL Sei Hakoi Aan Ho Osan"

.

Jornal Independente - Kuarta-feira, 05 Fevereiru 2014 

Reprezetante Igreja Katolika iha Timor-Leste observa dezenvolvimentu Timor Leste seidauk la'o masimu, tanba sei menus iha investimentu edukasuan hodi dezenvolve kakutak Timoroan sira. 

Bispo Dioseze Baucau, Don Basilio do Nascimento hateten, atu dezenvolve nasaun ne'e importante tebes presiza dezenvolve uluk kakutak, maibe iha momentu ne'e dezenvolve kakutak iha Timor-Leste sei menus tebes maske Universidade barak, maibe informasaun menus tanba professor mos laiha inklui professor fehuk ho alunu sira hanesan dezenvolvimentu kakutak la la'o. 

"Ita atu la'o ba oin ne'e ita labele haksoit, tanba dezenvolvimentu ita nia vida hotu, maibe tenke lao neineik tanba atu dezenvolve la'os ho osan, ita bele iha osan barak maibe ita nia lalaok mak ita hakoi aan iha ita nia osan," dehan nia, iha palasiu Governu horseik. 

Tuir Amu Bispu, dezenvolvimentu Timor-Leste hakarak la'o presiza la'o akompania ho posbildiade rasik, tanba la'os osan mak halo dezenvolvimentu iha nasaun ne'ebe deit. 

 "Ita haree kuandu ita nia kakutak la la'o ne'e ita bele osan barak halo nusa mos dezenvolvimentu sei la la'o ba oin," dehan nia. Tan ne'e, husu governu presiza kria eskola ho kondisaun diak tanba eskola mak hanesan baze boot liu ba dezenvolvimentu edukasuan ba povu nian. "It abele riku osan mean, mina-rai, maibe ulun laiha no kakutak mamuk ita la halo buat ida ba dezenvolvimentu rai TL." Nia afirma. 

,