.
Jornal Nacional Diario - Kinta-feira, 06 Fevereiru 2014
Prezidenti Republika, Taur Matan Ruak lao ain kuaze oras rua husi suku
Afaloikai, Sub Distritu Baguia, Distritu Baucau ba Aldeia Kristu
Rei-Iraler, Suku Matahoi, Sub Distritu uatulari, Distritu Vikeke.
Vizita prezidenti Republika, Taur Matan Ruak ne'e akompainadu husi
Xefe kaza Sivil Fidelis Magalhaes no Xefe kaza Militar Koronel Jose da
Costa (trix) no Asesor sira, Kuarta (05/02) horseik iha Aldeia Kristu
Rei-Iraler, Suku matahoi sub Distritu Uatulari, Distritu Viqueque nian
no deskansa iha Aldeia refere.
Xefe Estadu ho nia delegasaun sai husi Dili iha Kuarta dadersan liu
husi Sub-Distritu baguia, to'o iha Aldeia buibela Suku Afaloikai, Sub
Distritu baguia nian, xefe Estadu ho nia komitiva kntinua lao ain ba
aldeia Iraler ho distansia maizumenus 10 kilometru ho duarsaun lao ain
kuaze oras rua nia laran.
Prezidenti da Republika lao deit tanba estrada ba aldeia refere
kondisaun aat, nune'e susar ba transporte atu asesu ba aldeia refere,
liliu ligasaun husi sub Distritu baguia nian, tanba aldeia ne'e besik
liu ba Sub Distritu baguia kompara sub Distritu uatulari ne'ebe
distansia dook tebes.
Vizita Prezidenti Republika nian ba iha aldeia ne'e atu halo dialogu
ho komunidade sira iha Iraler no mos sai halo vizita ba fatin gas nian
iha sub Distritu refere, Xefe estadu ho nia komitiva sei fila mai Dili
iha sabadu, semana ne'e.
.
Sem comentários:
Enviar um comentário
Nota: só um membro deste blogue pode publicar um comentário.