"Pro-Kontra Iha Kandidatura Sergio Hornai Ba KAK"

.

Jornal Independente - Sesta-feira, 28 Fevereiru 2014 

Kandidatura Sergio Honai atual Diretor Defensoria Publiku ba Komisariu Komisaun Anti Korupsaun (KAK) hamosu ona ideia pro-konta iha sosiedade. 

Bancada Opozisaun FRETILIN iha Uma Fukun Parlamentu Nasional (PN) sei duvida ho integridade kandidatura Sergio Hornai, Aliende ne'e, Provedoria Direitu Humanus no Justica mos sei ejize Sergio Hornai nia imparsialidade no independensia. 

Maski balun sai duvida maibe, tuir sosieade sira seluk kontinua apoiu katak Sergio Hornai iha performe durante nia iha defensoria publiku. Governu liu husi Konselu Ministru aprezenta ona kandidatura uniku ba Komisariu Komisaun Anti Korupsaun (KAK) Dr. Sergio Hornai atu troka Komisariu KAK sesante Dr. Aderito de Jesus. 

Maski nune'e, Vise Prezidenti Bancada FRETILIN, Francisco Miranda Branco hatete, bancada FRETILIN seidauk informadu kona ba kandidatura Komisariu KAK foun ne'e maibe sira lee husi Jornal de'it. 

"Importante ba ami ne'e mak komisariu foun ne'e iha integridade kandidatura ne'e rasik katak, korektu, imparsial, justu no hasai desizaun kumori de'it lei no kumpri deit mandatu inklui kandidatura ne'e laiha problema ruma iha Ministeriu Publiku, ida ne'e maka ami hakarak," dehan nia iha PN horsehik. 

Tuir bancada FRETILIN katak, kandidatura komisariu foun ne'e presiza kumpri lei no labele obdese ba orgaun ruma ne'ebe mai husi ema seluk. "Ami la kestiaona kandidatura ne'ebe Governu nomeia ona katak dr, Sergio Hornai," dehan nia. 

Nia dehan, kandidatura foun pesoal ida ne'ebe servisu kleur iha defensor publiku maibe Bancada FRETILIN observa Dr. Sergio Hornai dala barak defende ema boot ne'ebe iha osan. 

"Ami haree no akompania servisu defensoria publiku mak menus defende ema ne'ebe kbiit laek maibe ami haree defende ema boot hanesan eis Ministra Justica, Lucia Lobato, eis Vise Primeiru Ministru, Jose Luis Guterres ho dira bo-boot seluk," dehan nia. "Apakah ida ne'e funsaun defensoria publiku? 

Defensoria publiku nia serviso mak atu mai defende ema boot enkuantu ema kiik ne'ebe halerik presiza ita nian defeza no ita asesoria ba sira atu sir abele sente katak, iha rai ida ne'e iha justisa prefeitu, tanba ne'e ita presiza konsidera mos buat sira ne'e hotu bainhira ita avansa ho kandidatura ida ne'e," nia lamenta. 

Entertantu, Vise Prezidenti Parlamentu nasional, Aderito Hugo da Costa afirma, tuir lei KAK katak Governu mak iha kompetensia atu aprezenta kandidatura no aprezenta ba Parlamentu nasional atu hala'o eleisaun. 

Nune'e mos Organizasaun Naun-Govermental Luta Hamutuk (LH) la kestiaona kandidatura Komisariu KAK, Sergio Hornai tanba iha konesementu no esperensia iha area justisa, juridiku inklui lei justisa. 

"Ami haree ba kandidatura Komisariu KAK, Sergio Hornai tanba iha konsementu no esperensia iha area justisa, juridiku inklui lei jusitisa. 

 "Ami hare ba kandidatura Komisariu KAK pesoal Sergio Hornai, ami la kestiaona tanba ami haree no konese tanba nia minimu iha beckground lei no ema ne'ebe iha esperensia iha area justisa nian entaun ne'e relevante tebes ba servisu Komisariu KAK," dehan Peskizador Luta Hamutuk, Elio Pereira. 

Iha fatin ketak, Diretor Judicial Sistem Monitoring Programe (JSMP) Luis de Oliveira sampaio hateten, desizaun Governu nomeia defensoria Sergio Hornai ba kandidatu uniku KAK, hanesan desizaun politika. 

JSMP sujere, diak liu governu prepara proposta alternativu, signifika tenki iha kandidatu rua ka tolu hafoin iha eleisaun plenaria mak desidi se mak merese assume knaar ne'e. Iha sorin seluk, ONG Luta Hamutuk konsidera desizaun konsellu Ministru hamosu konflik of interese iha prosesu kandidatura. Maski nune'e peskijador Organizasaun naun-Govermental (ONG), Elio Pereira hateten, la kestiaona kandidatura Komisariu KAK, Sergio Hornai tanba iha konesementu no esperensia iha area justisa, juridiku inklui lei justisa.

.