"PR Taur Konsidera Timor-Leste Nasaun Emerjensia"

.

Jornal Independente -Sesta-feira, 28 Fevereiru 2014 

Implemnetasaun projetu infraestrutura iha Timor-Leste kuaze mai husi sistema emerjensia, ne'e duni, hamosu duvida ba Prezidenti da Republika katak, nasaun ne'e hanesan mos iha situasuan emerjensia nia laran. 

"Hau lahatene Timor ne'e emerjensia mak ida ne'ebe, hotu-hotu emerjensia, han mos emerjensia halo estrada mos emerjensia," dehan Prezidenti Republika, iha diskusaun meza kabuar ne'ebe hala'o iha palasiu prezidensial, Aitarak laran horsehik (27/2). 

Tuir Xefe Estadu katak, iha buat balun ne'ebe presiza atu atende lalais no balun lori tempu, maibe buat hirak nee hotu responsablidade ba estadu no nasuan nian, laos governu nian. Liu husi diskusaun ne'e, Prezidenti Republika lamenta ho kualidade projeitu husi Governu no projetu apoiu husi Asia development bank (ADB). Observasaun ne'ebe durante ne'e Xefe Estadu halo identifika katak, projetu estrada ne'ebe halo iha tempu segundu Guerra mundial nian diak liu fali projeitu ne'ebe foin halo. 

Ne'e duni, hamosu duvida boot ba prezidenti katak, kompara sidadaun sira ne'ebe agora moris iha tempu globalizasaun modernu ho tempu uluk se mak matenek liu, tanba saida, projetu uluk diak liu tempu agora. 

"Hau dala ruma haree estrada segudan Guerra mundial nian sei metin liu, enkuantu ita nian ne'ebe foin halo ikus, aat lais loos, hau dala ruma tuur hanoin sira uluk ne'e mak matenek liu ita ka ita mak matenek liu," tenik nia. 

Bainhira halo viazen ba Distritu Bobonaro, prezidenti Republika mos identifika kualdiade estrada ne'ebe la diak iha diresaun maliana nian, ne'ebe hetan apoiu husi ADB nian, tanba ne'e sai preokupasuan boot katak, instituisaun boot mos dala ruma halo obra kuaze hanesan ho prjeitu emerjensia sira. 

Diskusaun meza kabuar ne'e hola parte husi korpu diplomatiku, reprezetante banku Dezenvolvimentu Aziatiku, membru Governu no sosieade sivil sira.

Foto de, Presidência da República de Timor-Leste - Facebook.

.