Don Basilio: "Kazu Oho Labarik Hamoe Timor Iha Mundu"

,

Jornal Independente - Sesta-feira, 07 Fevereiru 2014 

Kazu Krime ne'ebe akontese oha kapital Dili hodi hakotu vida labarik feto Kristy Guterres (7), hanesan atetude ne'ebe hamoe Estadu Republika Demokratik Timor-Leste (RDTL) iha mundu. 

Igreja Katolika la simu hahalok krime ne'e no konsidera hasai labarik nia vida hamoe estadu Timor Leste nia naran iha mundu internasional, tanba mundu hatene populasaun iha Timor-Leste maioria fiar na'in ba iha katolika. 

Amu Bispo Dioseze Baucau, Don Basilio do Nascimento hateten, riku-soin ne'ebe boot liu iha mudnu mak vida, tanba ne'e nuudar umanu no fiar nain ba Katolika tenke respeita kualker ema nia vida. 

"Naran vida ida atu kiik ka ema boot nian, atu ema importante ka atu ema ne'ebe la folin, atu isin diak ka ema ne'ebe difesenti, rikusoin boot liu mak ita nia vida," dehan nia, iha palasiu Governu foin lalais. 

Pior liu, Amu Bispo dehan, kuandu hakotu labarik nia vida ne'e halo moe nasaun ida nia naran iha mundu internasional, tanba Timor-Leste mesak fiar nain ba katolika. 

"Ita nia rai ne'e katolika tan-tanan deit, ne'ebe ema dehan katolika naok ten deit no oho door mak ne'e inklui katolika la loos hotu mak ne'e," nia afirma. Tanba ne'e, amu Basilio dehan, parte igreja nunka simu Sarani katolika ida iha Timor Leste ne'ebe obriga ema nia vida, satan hakotu labarik inosente nia vida. 

"La'os de'it tanba hau Bispu, maibe hau la'os Bispu karik mezmu hau la sarani karik, tanba deit hasai ema nia vida, hau hanesan ema hau nunka bele simu satan hanesan sarani no hanesan mos Bispu ne'e aat liu tan," tenik Bispo Basilio. 

.