“PNTL Sei Taka Fotografia Prizioneirus Nain 5”

.

Jornal Nacional Diario - Tersa-feira, 07 Janeiru 2013 

Prizioneiru sira nain 5, Alcino Mendes Pereira, Juga Gama, Orlando Freitas, Inacio de Oliveira no Angelino do Santos ne’ebe seidauk entrega an ne’e, PNTL ho Ministeriu justica sei taka sira nia fotografia iha publiku hodi ema hotu hatene. 

Prizioneirus nain lima ne’e hamutuk ho sira nia kolega nain 19 sira seluk halai sai husi prizaun Becora iha loron 3 Fulan Novembru loron, to’o oras ne’e seidauk entrega an ba polisia. 

 Komandante Operasaun nasional (PNTL), Superentendente Xefi Armando Monteiro hateten, iha sesta (03/1) semana kotuk nia rasik halo kordenasaun ho Ministeriu Justica servisu hamutuk ho intelejensia husi Governu no Forsa armadas atu buka tuir nafatin. 

“Kona ba dadur ne’ebe seidauk kaer hau rasik ba kordena ho MJ no intelegencia husi Governu no forsa armadas ninian hodi buka tuir nafatin sira, aleinde buka tuir ami mos hasai sira nia fotografia taka iha fati-fatin publiku hanesan terminal, loja, merkadu no fatin ne’ebe asesu komunidade sira hetan karik bele informa mai iha polisia ka kontaktu linha emergensia 112 no lina fiksu 3331283 hodi nune’e polisia bele hola medidas ba sira,” hateten komandante operasaun Nasional ne’e ba jornalista sira iha Kuartel Geral PNTL, Kaikoli, Dili, segunda (06/1). 

 Komandante ne’e relata tan, depois akontesementu kordenasaun entre komunidade ho polisia lao hela to’o agora, nune’e mos ho Interpol. 

Entertantu, operasaun ba prizioneiru oras ne’e dadaun lao namanas hela tantu iha kapital Dili no mos iha Distritu sira. 

.