"Pasiente Despreza Hahan ONGV"

.

Jornal Independente - Sesta-feira, 31 Janeiru 2014 

Pasiente sira iha Ospital Nasional Guido Valadares (HNGV) 'despeza' ne'ebe ONGV oferese ba sira, tanba sente menu hahan ne'e la diak ba ema moras. Paseinte Leonardo Soares (27), husi Distritu Baucau ne'ebe halo tratamentu iha ONGV, sente lamenta tebes ho hahan ne'ebe ospital oferese tanba modo uituan deit. 

"Hau mai iha ne'e kuaze semana 2 ona, maibe fasilidade ospital nian la iha ida ke diak, haree ba hahan sira ne'e mesak la dun furak atu fasiluta ba ema moras ira," dehan nia iha ONGV, Bidau-Dili, horseik. 

Tanba ne'e, husu ba Ministru Saude (MS) ho Diretor HNGV atu labele tur deit iha fatin, maibe tenke kontrola pasiente sira ne'ebe orasa ne'e halao hela tratamentu iha ONGV. 

Iha fatin hanesan, pasiente Filomena da Gloria hateten, nia la kumpriende ba ai-han ne'ebe HNGV oferese, tanba ema ne'ebe hetan moras tensaun tenki fo masin. 

Tuir nia, loloos ne'e moras tensaun ne'e la merese atu han hahan no modo ne'ebe uza masin, maibe ONGV sira bainhira fo hahan ne'e sempre tau masin. 

"Tuir loloos ne'e ema neebe hetan moras labele han hahan hanesan ne'e tenke ketak, hau preokupa tebes ba hahan sira ne'ebe durante ne'e hetan fasilita husi ospital ne'e, tanba durante ne'e pasiente barak mak sai preokupa tebes ba ai-han sira ne'e," dehan pasiente Filomena.

.