“Konflitu Mosu Iha Seremonia Pose Ba Estrutura Foun PD”

.

Jornal Independente - Tersa-feira, 07 Janeiru 2013 

Seremonia Tomada de Pose ba estrutura foun Partidu Demokratiku (PD) mosu problema baku malu entre membru partidu ne’e nian. Prezidenti Partidu Demokratiku Fernando La Sama hateten, trsite no tanis ho hahalok membru sira balun ne’ebe mak baku malu iha serimonia ne’e. 

“Hau haree intelejensia sira fo sai informasaun iha ne’e ba iha ne’e bah au haree ema la mai tamba de’it imi nia hahalok ne’e,” dehan La sama ba nia membru sira iha Centro Convensaun Dili (CCD), Sabadu (04/01). 

 Entertantu, Primeiru Ministru Xanana Gusmao ne’ebe mak partisipa iha serimonia ne’e husu ba membru PD nian labele baku malu maibe oinsa mak buka fo liman ba malu hodi harii Demokrasia iha pais ida ne’e. 

“Imi joven sira ne’e mak futuru foun tan projeitu deit mak ita agora ne’e baku malu tanba deit ho servisu mak ita odio malu ne’e halo saida imi nia ukun, imi nia ejistensia sai ezemplu diak,” hateten Xanana. 

Iha reflesaun Amu Juvito Do Rego hateten, sai militantes ka simpatizantes sira partidu nian tenki sai militante diak no sai ezemplu ba partidu seluk. “Imi ne’ebe mak sai nu’udar militante partidu nian tenki sai militante ne’ebe diak ho fuan boot ba partidu nune’e bele fo ezemplu ba partidu seluk hodi banati tuir,” dehan Amo ne’e. 

 Iha fatin hanesan, Sekretariu Jeral PD Mariano Asanami Sabino hateten, PD mosu tanba atu servi nasaun ida ne’e hodi hatutan tan funu nain sira nia mehi liberta povu ne’e husi mukit no kiak. 

Nia hatutan, PD pronto atu simu desizaun saida deit husi deklarasaun PM Xanana nian, ne’ebe mak atu rejigna an husi nia kargu. 

.