“Komisaun D Indentifika Maioria Projetu MAP Iha Distritu 4 La La’o”

.

Jornal Nacional Diario - Tersa-feira, 07 Janeiru 2013

Rejultadu fiskalizasaun komisaun D Parlamentu Nasional (PN) ba asuntu ekonomia no Dezenvolvimentu haree katak, iha Distritu hat (4) Baucau, Bobonaro, Oecusse no Manatuto ne’e projeitu PDDI no PDDII husi Ministeriu Agrikultura no Peskas (MAP) maioria la la’o no balun la implementa.

 Deputadu Adriano Joao nu’udar membru komisaun D fo sai relatoriu ha penaria PN Segunda (6/1) katak, projeitu PDDI ho PDDII iha Distritu bobonaro husin diresaun MAP kuaze remata 100%, maibe rejultadu ne’ebe mak la efisiensia no la efikasia, tanba la liu husi estudu viabilidade antes halo planeamentu. Deputadu Komisaun D ne’e hatutan katak, projeitu balun la implementa no balun la remata, maibe la uza tamba fasilidade la kumpletu.

Nia hatutan, diresaun Peskas Florestas no Pekuaria la hetan atensaun diak husi MAP, tamba menus pesoal fasilidade sira seluk ne’ebe fo impaktu diresaun no la dezenvolve no laiha kontribuisaun ba dezenvolvimentu akonomia.

Nune’e mas nia haktuir katak, programa MAP ne’ebe distribui fini ba agrikultor sira ho objetivu atu hasa’e produsaun, maibe iha realidade iha terenu hatudu katak, produsaun menus ho razaun, tanba fini ne’ebe distribui ba agrikultor sira barak mak kuda la moris. 

Iha oportunidade ne’e Komisaun D mos husu ba MAP atu distribui fini ne’ebe ho kualidade diak no labele liu prazu nune’e komunidade sira labele kestiaona konaba fini refere.

Komisaun D mos husu ba MAP atu haree no Rezolve lalais ba fatin oho animal iha fronteira ne’ebe abandona to’o agora, nune’e mos aslera rejolve problema desputa rai entre Timor Leste ho Idnonesia atu asegura seguransa hodi nune’e populasaun bele halo servisu agrikultura ho seguru no kria linha koordenasaun servisu ne’ebe diak entre ministerial.

Aliende ne’e, Komisaun D husu ba MAP atu servisu hamutuk MAP Distritu oecusse no ekstensionista sira hodi foti medidas ruma atu kombate moras ne’ebe estraga haree komunidade sira nian iha parte Tono ne’ebe mak durante tinan 2 seidauk iha solusaun iha solusaun no fo ameasa menus ai-han ba komunidade tamba menus hare tun.

Kmisaun D ne’e mos sujere ba MAP atu hadia sistema distribuisaun no manutensaun ba traktores sira no monitoriza no bolu atensaun ba grupu no pessoal ne’ebe privatiza ou komersializa traktores ne’ebe Governu fo.

.