“Dezempregu Iha TL Sa’e Ba 12 Pursentu”

.

Jornal Nacional Diario - Tersa-feira, 14 Janeiru 2013 

Tuir relatoriu komisaun C nian, ne’ebe trata asuntu finanseiru publika katak, dadauk ne’e dezempregu iha Timor-Leste sa’e ba 12 puprsentu. Tuir deputadu Inacio Moreira katak, iha debate OJE 2014 ne’e, nia hakarak aborda ba lei do orsamentu Jeral do estadu 2014. 

“Hau sujere ba Primeiru Ministru (PM) Kay Rala Xanana Gusmao atu se bele, halo reforma ba estrutura Governu ida ne’e, atu labele iha duplikasaun do funsoens no mos labele implika ba OJE tinan-tinan,” dehan Iancio Moreira. La dun iha definisaun klaru ba perioridade ba investimentu sektorial, des ekilivru de alokasaun orsamentu jeral do estadu. 

“Makro Ekonomia, pobreza duplasaun no dezempregu, hanesan relatoriu komisaun C nian, dezempregu sa’e ona ba 12 porsentu, tanba ita la kuidadu ho ita nia planu dezenvolvimentu annual sustentavel,” afirma Inacio Moreira iha nia intervensaun ba debate OJE 2014 iha parlamentu Nasional, sesta (10/01). Iha duni rendensia pozitivas, atu dezenvolve lalais nasaun doben ida ne’e, husi osan fundu minarai ninian, maibe sei konfronta hela dezafius oioin. 

 “Tanba liu 50% populasaun Timor-Leste moris la dun diak, hau lakohi hatete populasaun Timor Leste laiha populasaun ne’ebe moris kiak, hau bele hateten katak, Timor Leste laiha populasaun ne’ebe moris kiak, so ke sira mak la hatene organiza sira nia vida,” relata Inacio. 

 Tanba ne’e mak estadu liu husi governu, presija fo atensaun no pro ativu hadia no halo intervensaun barak, hadia kapasidade jestaun nasional, liu-liu jestaun ejekusaun orsamentu tinan-tinan. Hatan ba preokupasuan Iancio Moreira nia ne’e, Primeiru Ministru Kay Rala Xanana Gusmao rekunese katak, klaru buat sira ne’e seidauk la’o, maibe se iha periodu grasa, mak foin komesa dezenvolvimentu area sira ne’e. 

“Hau sira ne’e hau kaer no hau simu, maibe ejize deit ba diretor sira husi linhas ministeriais, tenki iha ona kumprimisiu ida ba kualidade, ami halo fiskalizasaun ultimo de’it, ami sei la ba loro-loron, maibe to’o tempu seluk ami ba haree katak, selu ne’e ho diak ka la diak,” deklara Xanana. 

Tanba ida ne’e atu fo hanoin foun ba populasuan sira katak, husi ne’eba sir abele hetan bee, ahi no bele organizadu, nuudar komunidade ida. 

 “Klaru hau rekonese katak, ita tenki muda fali ho buat seluk, maibe se ita mak hadia uma rua iha foho tutun, uma hat tiha mota kuak, ita nia komunidades, liu-liu ita nia labarik sira kuandu atu ba eskola mos, sira la konsege estuda, tanba inan aman sei haruka sira ba kuru bee iha fatin ne’ebe dook tebe-tebes,” esklarese xanana. Governu la bele halo bee ba uma ida, rua no tolu, estrada ba uma hat ka lima, ida ne’e mak atu orienta komunidade ba oin, atu estadu bele proveensia moris diak MDG’s, tenik Xanana. 

.